مشكله نقص ماء الرديتر .. نيسان 94

[قرم العيال]

السلام عليكم

مساكم الله بالخير

واحد من الربع معه باترول 94 .. عنده نقص في ماء الرديتر كل 10 ايام تقريبا

http://www.mekshat.com/pix/upload02/images52/mk58646_12.jpg


يعبي قاروة ما مطقر وبالعاده قاروره .. قارورة ونصف طبعا التعبئة مباشره بالرديتر

احيانا يلقى نقص بالقربه والرديتر ..

واحيانا اذا صب ماء بالرديتر يسمع صوت الماء بالقربه تقل فيه هواء :good2:

المهم الحراره اذا عب الماء ما تعدى الربع .. لكن اذا ارتفع الامبير على طول يعرف انه فيه نقص ماء ويعبي وترجع طبيعي ..

لا توجد اي تهريبات لا بالرديتر ولا الليات يالربع . وتم الفحص

وعند اكثر من ميكانيكي .. الاغلب قالوا لازم نفك الراس ونشوف ..
وواحد منهم هو الي قال احتمال انه شعر بسيط بالراس . يمكن يعيش كم سنه

ويمكن ومن اول ارتفاع حراره ما يمديك ..

الرجال ضاق صدره الصراحه توه شاري الجيب ويبي ينبسط :eek:


مدري رايكم يا اخوان

واذا امكن طريقه فحص الراس من دون فك الفقعات ومدري كيف !!

وهل ضروري يكون الرديتر معبا ماء قبل :good2:

وجزاكم الله خيرا

[ابووهب]

شوف اكيد الخراب في غطا الرديترر اشترواحد جديد من الوكاله وركبه

[قرم العيال]

الغطاء جديد يالغالي و اصلي

[البطاحي]

اسمع وانا اخوك غير الغطاء لأنه يسوي مثل هالسواه
اذا راحت المشلكة الحمد لله
إذا ما راحت ابيك تفتح القربة وتشوفها هل فيها طين او تراب إذا كان فيها فالمشكلة في الرديتر يبيله تنظيف (تسييخ ) وتنظيف للقربة وان شاء الله بسيطة
لو سويت كل هذا وما زالت المشكلة موجودة في هذي الحالة اقولك الرأس
هذا اللي عندي ولعل الأخوان يفيدونك أكثر

[ابووهب]

اجل يمكن يكون راس مكينه بس اذا كان شرخ بصيط فيه شي ينباع نحاس او حديد تكبه الرديتر ويسد الشرخ اذا كان بصيط اما عن اسمه ذا الحديد يخبرونك شباب

[sgl2002]

ترى كان عندي نفس مشكلته ولقيت الخرطوش السفلي من جهة الكوع يهرب موية بس الحرارة تنشفه على لانه تهريب بسيط والسبب غسلت السرندل والعامل ماشد على الخرطوش

تأكد من الخراطيش لان الباترول مكينته قويه والراس لو خربان بتحصل الحرارة اتشششش

[You Like Me]

وعليكم السلام ورحمه الله

والله يالغالي انا تقريباً مشكلتي نفس مشكلة خويك
صار لي سنه ونص على هذا الحال ... كل 3 ايام بالكثير اشيك على الراديتر
واعبيه تقريباً كل 3 ايام علبه ماء مقطر
ماخليت شي ما سويته كل شي غيرته كل ما رحت لحد قال غير وغير وانا اغير
آخرتها اليوم جيت لواحد قال من الغطاء قلت يابن الحلال الغطاء من اسبوع شاريه من الوكاله
قالي رديترك صيني ماله دخل غطاء نيسان صغير جب لي غطاء هونداي وماعليك
قلت يالله بس اهم شي سيارتي تضبط واشتري الغطاء ونص ساعه وارتفعت الحراره
المهم مريت كم مكانيكي واجمعوا ان البلا بالرأس
والله يعين

[عين حصنان]

صارت هذي المشكله مع احد الاخوان على نيسان

طلعت المشكله ... تنسيم في ثلاجة المكيف

اذا اشتغلت السياره وزاد الضغط والحراره يصير يهرب الماء داخل ثلاجة المكيف

ولا يبين ابد لانه يتجمع داخل غطاء ثلاجة المكيف واذا وقفت السياره يتبخر الماء

واذا وقفت السياره وبرد الماء .. يصير العكس يعني يدخل الهواء من مكان التسريب الى داخل المواسير

ويبقى داخلها ... واذا اشتغلت السياره وبدأت دورة الماء تمشي ... تسحب الهواء معها للراديتر

وتسمع صوت الهواء يطلع مع القربة على خفييييف اذا طفيت الموتر

هذا و الله اعلم

[abdull_ah]

شبااااب اذا فيه تسريب في ثلاجة المكيف

تلقي تحت ثلاجه المكيف ينقط موووية اذا وقفت فترة والميكف شغال او بعد ماكنت تمشي فترة طوويلة بالمكيف وجيت توقف والسيارة شغاله والمكيف شغال ؟؟؟
والموية عندي تنقص ؟؟

[قرم العيال]

والله يالربع انكم زتوا الامر حيره .. هههه

الرديتر على كلام الي شاريه منه انه مغير قبل كم شهر واصلي !! والغطاء جديد هو مركبه خويي

[قرم العيال]

للرفع ...........

[You Like Me]

والله يالربع انكم زتوا الامر حيره .. هههه







ههههههههههههه

لا تحتار وانا اخوك
والمشكله ممكن يكون فيه تبخير من الراديتر او من احد الخراطيش
ولا يبان الا بالفحص الدقيق
وإذا كان خويك ملغي الحار خله يتأكد منه
لإنه دايم تصير في الباترول اذا كان مختصرة بـ لي بنهايته سده
وكثير غيرته عندي ويكون التهريب بسيط منه ولا يبان لانه يتبخير
حاولت ارفع صورة على مكشات لكن مافتحت عندي صفحه الروابط مادري اايش السبب

المهم بالنسبة لفحص الرأس
اذا الحراره ترتفع لـ H والسيارة تمشي والخرطوش اللي طالع من الراديتر
للمكينه قاسي (محجر) تأكد المشكله من الرأس او الراديتر
والغالب تكون من الرأس اذا مافيه تهريب ماء واضح من الراديتر
اماا في حاله انو الحراره ترتفع والسيارة واقفه ولما تمشي تنزل في المستوى الطبيعي
او اعلى من الطبيعي بقليل في المشكله من بلف او حساس او تهريب
المهم مالها دخل بالرأس
هذا والله اعلم

[شلشكو2011]

اخوي لو الراس فيه شي كان الحرارة مستمره
والله اعلم

[volcano]

كل عام وانتم طيبين

جرب برادة الخشب المخلوطة بالنحاس في محلات الزينة وقطع الغيار بـ5 ريال وبتنسى نقص الموية للأبد ان شاء الله ..

اسمه ستوب ليك ابرو

طريقة استخدامه

شغل الموتر وافتح غطا الرديتر وصب الخليط وامش بالسيارة ساعة راح يذوب ويسكر الشقوق الموجودة في الراس و الرديتر و الليات و رقع المكينة وخلال 3 الى 4 ايام بالكثير تنتهي المشكلة بحول الله ..
http://up.ql00p.com/files/vo395bvt855h8yqzef1o.png (http://up.ql00p.com/)

[الصيادالمليح]

أهم شيء عاين عن أماكن التسريب في دورة ماء التبريد

و استخدم محلول ماء مع صابون ورش جميع المناطق اللي احتمال يصدر منه تهريب و إذا لاحظت فقاعات الصابون تطلع فهذا هو مكان التسريب

و إذا ما طلع معاك فعاين توصيلات المكيف الحار و البارد احتمال كبير يكون التسريب منها

[شاص نيسان 93]

انتبه تفك الراس ترى مافيه الا العافيه

[فتاح الجواد]

وانا بعد اقول ان الراس مابه خلاف
دخل الموتر في حفرة وشف بطن الموتر الخراطيش يكون فيها تمليح
والله يسهل امرنا وامرك وامر كل مسلم