المساعد الشخصي الرقمي

مشاهدة النسخة كاملة : الفزعة ... موتري كابرس 2004 الحرارة H


أبو ريشة
27/08/2011, 12:01 AM
بسم الله الرحمن الرحيم


غيرت البلف 5 مرات وبعض الأحيان بدون بلف

غيرت الأديتر وغطاء الأديتر

غيرت طرمبة الماء

فحصت الخراطيش

فكيت راس المكينة وطلع مافيه شي



( المهم أني أخيرا .... اكتشفت تهريب بسيط للماء مادري وش مصدره )

وقال لي واحد من الشباب فيه محلول يحط بالأديتر يقفل كل مكان فيه تهريب

وش رايكم ؟
العابر2222
27/08/2011, 04:30 AM
أخوي انا كان معاي كابرس 2006 فاكه وكاله جنني

وصارلي نفس مشكلتك وكل شي سويته ورحت لكهربائي وجاب حديده وطق المراوح وطفت وقال المشكله من المراوح وشريتها وانتهت المشكله ... فانت اختبر المراوح عند كهربائي شاطر

والكابرس من 2004 الى 2006 مشهور بخراب المراوح ... تشوفها شغاله وكل شي بس ضعيفه وتطفي اذا مشيت
مركز حراره
27/08/2011, 05:00 AM
اذا كانت ترتفع اذا وقفت فمن المراوح
~EmPeRor~
27/08/2011, 11:51 AM
هلا فيك يالغالي

اول شي 6 ولا 8 سلندر

انت قلت 2004 < ومكينتة تختلف عن ال 2005 وفوق ( ال 6سلندر )

والثمانية يختلف الروس

على كل حال

اول شي

طرمبة الماء < تاكد منها انها ماتهرب ماء لان يوجد بها طبة وتهرب

اذا اوكي <

تاكد ان المراوح تعمل ( السرعتين ) لان احيان ماتعمل والتاكد عن طريق الفحص كمبيوتر ( يشغلونها ) او كهربائي فهمان < واذا تبي احد راسني ادلك

بعدها تاكد من الرديتر والطبات مافيها اي تهريب < وتاكد انك اذا عبيته ماء انك تنسم الهواء من الرديترر عن طريق مفتاح التنسيم الموجود بالطبة حقت الرديتر الي جنب البطارية

بعدها فية كوع ماء بلاستيك يركب على اخر الراس قريب من الغمارة ( الراس الي جنب البطارية)

ترى دائم يهرب ولا يبان لان يهرب على القزوز ويتبخر على طول

تاكد انه مايهرب ماء

اخر شي غير غطاء الرديتر باصلي من الوكالة < ظروري

لان نظام التبريد في الكابرس يتمد على الضغوط

بعدها عطنا خبر بالي يصير معاك وباذن الله ماتشكي من حرارة
سعيد القحطاني
28/08/2011, 01:40 AM
شيك المراوح اذا سليمه وشيك ع سلك المراوح اللي يروح للفيوز يمكن ملتمس ويسمونه التوماتيك المراوح
واذا انت من اهل الشرقيه ابشر باللي يصلحه لك
خالد الزومان
28/08/2011, 04:12 AM
مشكلتك من المراوح الكهربائيه
صيح انك تشوفها شغاله بس ما تعمل بكامل كفاءتها وهذا صار معي نفس المشكله وما خليت شي ما غيرته وفي النهايه توكلت على الله وغيرت مراوح التبريد و الحمد لله رجعت الحراره طبيعيه
fhd261050
28/08/2011, 01:01 PM
بسم الله الرحمن الرحيم


غيرت البلف 5 مرات وبعض الأحيان بدون بلف

غيرت الأديتر وغطاء الأديتر

غيرت طرمبة الماء

فحصت الخراطيش

فكيت راس المكينة وطلع مافيه شي



( المهم أني أخيرا .... اكتشفت تهريب بسيط للماء مادري وش مصدره )

وقال لي واحد من الشباب فيه محلول يحط بالأديتر يقفل كل مكان فيه تهريب

وش رايكم ؟

المشكلة عندك محصورة في المراوح ... مراوح الكابرس دائما اعطالها كثيرة ...
وتكون احد السرعات ماتشتغل اما السرعة الاولى او الثانية ... وكثير من الكهربائين ماينتبه لها ..
خاصة السرعة الثانية .......