البعير يبرك على زورة

[سارح 15]

عندي بعير ثني اذا جا يضرب
يبرك على زوره ويبطي مايبرك
واحس وحدة من رجلية تنتفض حاجه بسيطة
ولاهوب سمين
مع العلم انه اضرب جذع ولافيه شي
هل فيه ذيبة اولة علاج

اللي عندة خبرة لايخلينا

[النـادر]

الله العالم انها ذيبه وانا اخوك

واذكر احد من الاخوان سبق وانزل موضوع عن علاج الذيبه

هذا الرابط جبته لك

http://www.mekshat.com/vb/showthread.php?t=418085

[عاااشق الطير]

ذييييييييييييييييييييييييييييييبه مافي كلام الله يعوضك

[راعي العريف]

هذي طال عمرك أسمهاء هزه, وقد شريت بعير مثله , وإذا جاء يضرب قام يفرس الناقه بزوره ودبل كبدي , وبعته قصب

[عاااشق الطير]

هههههههههه الهزه هي الذيبه ولاكن اخوي اذا البعير اذا جاء يبرك يحذف عمره هاذا قلب عصب ونادر يكون له علاج سوا الذيبه او قلب العصب لاكن الفحل يضرب ايلين يموت

[عطيب ومايغيب]

لاعلم لي بذالك ولاكن بعطيك شور مبارك

دور لك شايب راعي اباعر طول عمره وهو معه وسئله

[راعي العريف]

هههههههههه الهزه هي الذيبه ولاكن اخوي اذا البعير اذا جاء يبرك يحذف عمره هاذا قلب عصب ونادر يكون له علاج سوا الذيبه او قلب العصب لاكن الفحل يضرب ايلين يموت

مالك لواء ياولد سهل , الذيبه معروفه لدى الجميع ولكن الهزه إذا حول البعير بزوره على ظهر الضروبه وتكىء تلاحظ أنه يختل توازنه وخطر أنه يطيح على جنبه ! وإذا صارت الهزه قويه أو أنه بعير سمين أو الضروبه سنامها مردم أكثر الركاب يطيح ولايوقع إلا على جنبه.
طبعاً هذا على حد معرفتي وقد أكون مخطىء أومصيب .
تحياتي

[راع الريمة]

ذيبه وأبوها ذيب

لكن وانا اخوك...ان كانه طيب هده على البل وان شاء الله مايضره شي ينتفض لكنه يضرب وتعشر منه البل ..

بعض الزمول فيها ذيبه ويضررب ايلين يصير هرش وبعدين خلاااص يوقف عن الضراب لأنها تختل بتوازنه مثل ماقال راع العريف
لأن الكبر شيييييييين


انا عندي واحد مثله ..ثني..ويضرب البل وينتفض لكن تعشر منه البل أحيانا يطول بضربها مره ينهزع يمين ومره يسار ..ايلييييين يبرك وبعدها يضربها...والحمدلله الفحل طيب وانتاجه فاخر .لوأحصلي منه كم بكره طيبه وإلا قعود طيب وبعدين خله ينتفض ايلين ينتهي


يقولون الشيبان عندنا ان الذيبه "عين" والله اعلم

[اجااا]

شف طال عمرك هذا الي انا اعرف كد صارت
الفحلنا ونقولها( حلل ) وهاذي ماله اعلاج ابد
الى بأمر الله سبحانه ولا السكين

[عاااشق الطير]

راعي العريف حياك الله والهزه طال عمرك هي بداية الذيبه اذا جاء يبرك اتنافض افخوذه وقلب العصب الي يحذف عمره عند البروك وكان عندي فحل اذا جاء يضرب يحط زوره على الناقه ويبطي مايبرك والامراض الرئيسيه هي الذيبه وقلب العصب ولافيه مرض اسمه هزه هاذا حسب معرفتي وشكرا لك

[عاشق الشاص4]

وده لبيطري تقبل مررررررررووووووووووررررييييييييييييي

[شبل داورد 1]

راعي العريف حياك الله والهزه طال عمرك هي بداية الذيبه اذا جاء يبرك اتنافض افخوذه وقلب العصب الي يحذف عمره عند البروك وكان عندي فحل اذا جاء يضرب يحط زوره على الناقه ويبطي مايبرك والامراض الرئيسيه هي الذيبه وقلب العصب ولافيه مرض اسمه هزه هاذا حسب معرفتي وشكرا لك

كلام سليم 100ب100

[ابو الشبرميات]

الله يبارك لك فيه
الامراض هذي في الاعصاب سواء الذيبة او الحلل او قلب العصب
عموماً بامكانك اتباع طريقة الاخ راعي العشاير
واعطاء الفحل ابر ومنشطات للاعصاب وفيتامينات مقوية
البعير لا تعجلون عليه لا جاء يبرك او يقوم
خلوه على راحته ولاتقربه العصا
ولا هوب شايف شر باذن الله
,,,

[ابو زنعاف]

ياخي هذا خوف صاب البعير ممكن طاح من ناقه عندك وعورته الذيبه حسب عرفي تصير في البروك والقومه تصيب كبار البل والبعرين هذا خوف ياخي العزيز

[alajmi110]

الله يبارك لك في حلالك

ويشفيه الله ان شاء الله هو الشافي المعافي

اقرب مالها على وصفك الذيبه

وما بعد سمعنى شي اسمه هزهـ ,

او ان بعيرك يتدلع على الضروبه ههههههههه

الله يوفقنا وياك البعير مثل ما ذكرو الاخوان يضرب ولا عليه خلاف وطول بالك عليه وهده فالبل لو ما يضرب بالااسبوع الا وحده ما عليه ,, ان كانه طيب وان كان ماهوب طيب السوق ما يقول شي

[سارح 15]

النادر
عاشق الطير
راع العريف
عطيب ومايغيب
راع الريمة
اجاا
عاشق الشاص4
ابومصعب2
ابو الشبرميات
ابوزنعاف
العجمي110
اشكركم على المرور
لاهنتو على ارأكم