المساعد الشخصي الرقمي

مشاهدة النسخة كاملة : مساعده بخصوص دبه ايطاليه 1 رطل


شلفا تبوك
27/08/2011, 12:57 AM
السلام عليكم ورحمه الله وبركاته
ارجو المساعده بخصوص ايجاد محل يبيع دبات ايطاليه او سويديه مقاس 1 او 2 رطل
ولكم جزيل الشكر
بليزر616
27/08/2011, 01:02 AM
الموقع طال عمرك
max123
27/08/2011, 02:14 AM
الموقع طال عمرك

يقول يبي دبات ما يوصف محل


يا صاحب الموضوع مافيه دبه 1 رطل ايطاليه سويدي بس

ان شاء الله تحصل طلبك
Red falcon
27/08/2011, 03:07 AM
في ستكهولم بس
هنا مافيه
قرشعوها الناس
وحفظوها في خزائن البنوك مع الصكوك والذهب
ولاعندهم نيه يبيعون
تلاقيط
27/08/2011, 03:14 AM
الله يسهل امرك وييسر طلبك وانت مرتاح
علي بوعبدالله
27/08/2011, 03:29 AM
جميع اللي في المحلات ضفوها وبعد فتره بتلقاها معروضه للبيع في المنتديات وباسعار خياليه
max123
27/08/2011, 03:41 AM
جميع اللي في المحلات ضفوها وبعد فتره بتلقاها معروضه للبيع في المنتديات وباسعار خياليه



يا ليت تقول شيء مفيد او تصمت
Red falcon
27/08/2011, 03:47 AM
يا ليت تقول شيء مفيد او تصمت

بالعكس اللي قاله أخونا مفيد بل مفيد جدا

قبل فتره أنعرضت 1 رطل سويدية

محسحسه وشكلها واطيها شيول

ووصل السوم 600 وراعيها رفض يبيع

أجل الجديدة بكم يارجاااااله
شلفا تبوك
27/08/2011, 04:42 AM
مرحبا بالجميع
انا ابي استخدم انا عندي صينيه وانم خابرين الصيني لكم عليه
انا في الرياض ١ او ٢ رطل ماتفرق
والسعر ان كان غالي ماله لزوم
اشكر ردودكم وتفاعلكم والله يقدم اللي به خير
الغرض من الايطالي هو المتاااااانه
نـجم الـشمال
27/08/2011, 04:46 AM
هلا اخوي شلفا تبوك
كم تعطيني وادبر لك وحده
ههههه:D:D:D:D
(يرفع الموضوع حبا بالاخ الكريم)
ويشهد الله لو عندي منها كان مايردها الا زاجل
........
ابوصالح77
27/08/2011, 05:32 AM
هلا بك يالغالي
الله يرزقك اللي يسرك
فر بالحرجات بتحصل إن شاء الله
دور لك هندية سيفرت واحد رطل تقوم باللزوم وزيادة
وبالنسبة لـ 2 رطل موجودة بقلة
والرطل = 453 جرام
الله يوفقك
FORD1969
27/08/2011, 06:22 AM
اللي كانو يبيعونها في السباله ماتو الهل يرحمهم برحمته قل آمين

ماعاد تنباع كنها الماس الله يهدي اللي كان السبب في رفع أسعارها

الهندي طيب بتحصله في بعض المحلات الللي مايمرها المكشاتيه وانت وحظك

ولا السويدي يالله في شارع العصارات شمال السويد

الله يوفقك يالشلفا
Red falcon
27/08/2011, 04:20 PM
الدبات السويدية 1 رطل أنقطعت وصار وجودها مستحيلاً
اصبحت رابع المستحيلات بعد
الغول والعنقاء والخل الوفي


الصينية شر فأجتنبوه يا أولي الالباب


الايطالية نادره كندرة الماس الازرق

سيفرت الهندية 1 رطل أنقطعت تقريبا
ووصل سعرها قبل الانقطاع بالرياض 200 ريال
وفي بعض المناطق مثل المدينة المنورة 250 ريال
الفضلي 11
27/08/2011, 05:10 PM
عندي ايطالية وساعرضها ضمن اغراض متنوعة للبيع بعد العيد ان شاء الله
الساهر2003
27/08/2011, 08:20 PM
معلومة ان شاء الله شبه اكيدة
راح ينزل موديل واحد رطل مشابهه لسويدية لكن اقصر شوي ومن مصنع هندي ذو مواصفات عالية
DPT
عند السنيدي بعد شهرين او ثلاثة توصل ان شاء الله
وانا مثلك ابحث عنها لكن الهندية وارد برق الحيا 168 ريال سعر خيال
Red falcon
27/08/2011, 08:39 PM
الهندية وارد برق الحيا هي سيفرت بادحمان ماغيرها
أنتهت من المحل أقول ذلك لانني من أشترى الحبة الاخيره
وهم يبيعونها 169 ريال مثل اغلب المحلات تقوم بعرض أشياء نادره
زي ماتقول حركة دعائية للمحل بينما اسعار الاشياء الاخى هي هي
كان يبيعها الكشاتة والبرية والمقناص 165 وأنتهت الكمية منهم
وبادحمان نفسة فضى المستودع عنده ولم يعد لديه شيء
وفيه الان كميه قليله يبيعه محل بالرياض بسعر 200 غالي باللحيل


بادحمان لن يستورد من الهند بماركة سيفرت او بريموس
فقد توقفوا عن الانتاج في الهند ولن يسمح له السويدون مره أخرى


نفس مصنع الهند سيتم الاستيراد منه بعد العيد
بماركة pkl لصالح بادحمان
بماركة dpt لصالح السنيدي
وهو نفس المصنع الذي يصنع سيفرت الهندية بالسابق
شلفا تبوك
28/08/2011, 03:08 AM
هلا اخوي شلفا تبوك
كم تعطيني وادبر لك وحده
ههههه:D:D:D:D
(يرفع الموضوع حبا بالاخ الكريم)
ويشهد الله لو عندي منها كان مايردها الا زاجل
........

والله يانجم كانك جبتها لي يوم شرفت موضوعي
وانت ابو الجمايل
اشكر مرورك وردودك وكل عام وانت بخير
شلفا تبوك
28/08/2011, 04:02 AM
اشكر الجميع علا الردود وحصلت 1 رطل لكنه مايتحمل تحط عليه شي
بارك الله لكم فيما تبقا من رمضان
شلفا تبوك
28/08/2011, 06:19 PM
يالربع لقيت دبه باكستانيه ٢ رطل
بجربها واشوف وش هي من لحيه