الطير وحش والحل ياهل الخبرهـ والمجربين

[راعي الطييب]

السلام عليكم ورحمه الله وبركاته


الطير وحش جير طوله 17.50

ويكفخ مكافخ اذا فكيت البرقع وهو مبرقع وفيه صيحه اذا جيت ابرقعه واذا جيت ابرقع غصب ابرقعه مايبي البرقع اجلس عليه نص ساعه وانا حوال فيه

ونبي الحل منكم لتركيد الطير وجعله يوالف بأسرع طريقه

والله يجزاكم خير وكل عام وانتم طيبين

[سلاااامات]

يفيدونك الاخوان بس انتبه لا ياخذها عاده

[راعي جالود]

يا مرحبا يا صقار

أولا خل الطير يسمع الصوت تلفزيون , ولا راديو الوكاد الصوت لا ينقطع عنه

وانتبه من الورااعين لـ أن الطير الوحش أول الايام من رحته يكون رااكد وهذا لأنه تحت تأثير الصدمه

وعقبه تجن جنوونه

الوكاد خله على يدك ودهلّه ومسح عليه وناده بـ الاسم الي نت مسميه ورخ برقعه , وأرفع برقعه ورده لـ عليه

وخله يتعوّد على أنك تمسح عليه وخل الطير يأمن وشوي شوي على هـ الطريقه لين يأمن وما يكاافخ بـ اذن الله وبعدين شل برقعه عن رااسه وخله يشوف اللي حوله وأنتبه من الوراعين وحركتهم الزايده

وإن كنت في مجلس ماهم أهل الطيور لا تدهله عندهم لأن حركتهم واجد ولا يعرفون لـ الطيور وخلّك على هالطريقه وبـ اّن الله يركد

والله تعالى أعلم

والله يوفقك وجعلك تبشرنا بـ حباريه

[حوران العتيبي]

هلا بك اخوي

الله يبارك لك في طيرك اما بخصوص المكافخ وصيحه ترا الموضوع عادي انت تتعامل مع تهجين يبيله ركاده في النقل واول يومين لحالك لين يركد وبخاخ الما لا تنساه
وخل معك نسير وأما الصيحه والمكافخ الموضوع بسيط دامه فرخ من مزرعه على ماتوقع ماضنيت طيرك سيبيري المهم يالغالي اغلبها تجي طبوعها كذا اول الايام وبعدين يتغير يعني لا تفكر هادا طبع بطير ومايروح

واولن وأخيرا يعتمد عليك وعلى وصقارتك و ردت فعلك لا كفخ ولا صاح

بس نصيحتين بنصحك بها لا كافخ لا تبرقعه وان صاح لا تعطيه نسير
خله لين يركد
وان شاء الله تأكل من صيده وينومسك

[بطاش--55]

كلام طيب
ترا الموضوع بس نصيحتين بنصحك بها لا كافخ لا تبرقعه وان صاح لا تعطيه نسير
خله لين يركد عادي انت تتعامل مع تهجين يبيله ركاده في النقل واول يومين لحالك لين يركد وبخاخ الما لا تنساه وخل معك نسير

[امير الصقاقير]

نزل الطير يعنى قلل عليه العلف خله بحاجه لك لانه واضح ان الطير ماهو معتاز للحين راسه قوي

نزل الطير ويعطيك وجه

[راعي الطييب]

الله يبيض وجيهكم على الردود الجميله والمعقوله وبيض الله وجيهكم وفالكم الجنه

[ابو فهد10]

اقول لاصار هدا وضع ماضنت يبي يركد اصبر اصبر
اخوي فوت الطير يوم وسهره على شوي شوي وبهداوه حتى يركد لاتستعج مدام الهدد توه ويفيدونك الاخوان اكثر ماادري وشلون ابدى

[جـرح الشمـال]

السلام عليكم ورحمه الله وبركاته


الطير وحش جير طوله 17.50

ويكفخ مكافخ اذا فكيت البرقع وهو مبرقع وفيه صيحه اذا جيت ابرقعه واذا جيت ابرقع غصب ابرقعه مايبي البرقع اجلس عليه نص ساعه وانا حوال فيه

ونبي الحل منكم لتركيد الطير وجعله يوالف بأسرع طريقه

والله يجزاكم خير وكل عام وانتم طيبين


مرحبا أخوي :صقار الحباري
وعليكم السلام ورحمة الله وبركاته
انت قلتها بنفسك الطير وحش
عليك تدهيله زين وتنقيزه على يدك
وخله يطول على يدك بدون برقع وامسح عليه بالبرقع على صدره او منحره
ولبسه البرقع بهدوء وكرر هذا معه باستمرار
ونسره على يدك
تقبل تقديري

[سطام ابو سعود]

ما قصرو الاخوان بس كثر عليه النقل وساهره وسع صدرك عليه شوي
ويزين ويحلو ان شاء لله

[الظغط العالي]

السلام عليكم



الاخواان ما قصرو كفو في كل ما قالوه


ولاكن طيرك جير والجير نسبت المناعه عنده قليله



يوم تحااول تقصر عنه العلف

تدريجي ولا تقصر عليه لدرجه عظمت الصور تبين


انتبه ينقص وزنه بدرجه كبيره يأثر في صحه الطير




تقبل وجهت نظري

[الحمش1]

االسلام عليكم


الجير اخذته من الدمام من محل القرناس صح ولالا

الله يرزقك بالحباري

[خلف الفار]

المعامله الطيبه والهدو وانتبه من العصبيه معه
حيث هي اللى تدمر التفاريخ وتخليها تحرب بعدين

[مقناص الكويت]

اخوي كلام الربع صحيح

اول شي الطير لا تنزله بالحيييل نزله خفيف وحاول انك تمسح عليه

ترى تو الوقت واهم شي المكان البارد ترى حر مو طبيعي للحين مابرد الجوو

وحاول تقعد انت وياه بغرفه بروحك وتجسره علي البرقع

وقت العلف جيبلك قطعه لحم صغير وحطه داخل البرقع وخله يطلعه من داخل البرقع كل يوم سوله الطريقه هذي

واهم شي لا يكون برقع ضيق عليه ولا تخليه اليوم كله وهو مبرقع ترى يكره البرقع بعدين

ولله يوفقك فيه ويطربك المهداة ان شاء لله..

[طيرالحمــــاد]

اخوي كلام الربع صحيح

اول شي الطير لا تنزله بالحيييل نزله خفيف وحاول انك تمسح عليه

ترى تو الوقت واهم شي المكان البارد ترى حر مو طبيعي للحين مابرد الجوو

وحاول تقعد انت وياه بغرفه بروحك وتجسره علي البرقع

وقت العلف جيبلك قطعه لحم صغير وحطه داخل البرقع وخله يطلعه من داخل البرقع كل يوم سوله الطريقه هذي

واهم شي لا يكون برقع ضيق عليه ولا تخليه اليوم كله وهو مبرقع ترى يكره البرقع بعدين

ولله يوفقك فيه ويطربك المهداة ان شاء لله..

كـــــــــــــــــلام جميل وعليك فيه لو ني حولك كان فزعت لك

تقبل مروري