صبغ لاند كروزر

[التوووش]

السلام عليكم ورحمة الله وبركاته وخواتم مباركه على كل اعضاء ومنتسبي منتدى مكشات العزيز
استفسار ولا هنتو
بغيت استفسر عن صبغ السياره ( لاند كروزر ) gx r بالاحساء او الدمام او الرياض صبغ كامل( فرن ) وكاله كم السعر ووين احسن ورشه
ولاهنتوا لاني ناوي اصبغ سيارتي لون اسود ومنتظركم
وكل عام وانتم بخير

[التوووش]

يا الربع فزعتكم الله لا يهينكم نبي واحد ابن حلال وكلم فيكم الخير

[التوووش]

سبحان الله 34 واحد شاهد الموضوع ولا رد
بس لا زال ظني في منتسبي مكشات كبير ان يرد علينا واحد من اهل الخير وجزيتم خيرا

[باترول.]

انا اعرف واحد بصانعية السليم الي بحي الخليج بالرياض لادخلت الصناعية وصارت محلات القطع غيار على يسارك امش يجيك حرف T بعدين رح يمين امش إلى نهاية الشارع ويجيك حرف T خذ يوتير واذا اخذت يوتير اول محل على اليمين قل وين العامل فيروز وقله انا جاي من طرف ابو ريان الي معه باترول ويضطلك الرشه

[HAS5SAN]

لك مني دعوة
الله ييسر أمورك ويكون في عونك
لا اعرف ولا ودي اوهقك مع اطلق ورشة في الرياض
الله ينصرني على ابو شكيم

[HAS5SAN]

خل الاخوان يسوون تصويت على ها الورشه :
ورشة ماي كار http://www.toyota4arab.com/forum/clear.gif
ورشة الوفاء الصناعية القديمة
ورشة ارناج http://www.toyota4arab.com/forum/clear.gif
ورشة جودة الخليج

[gx-low]

1) ورشة الوجدان في الصناعية القديمة - الرياض

2) ورشة با سمير في صناعية الخضرية - الدمام

لكن اذا تبي شغل وكالة رح للوجدان .. صبغهم وسمكرتهم ووزن الوجهية وتركيب الخطوط كله شغل احترافي

لكن ارخ ريالك

[اليسير]

السؤال ليه بتدهن سيارتك وكم موديلها

تحياتي

[الحنومي]

انا انصح توديها الي القصيم بريدة
واذا تبي احد راسلني