أسهل طريقة لعمل راسين غاز

[الروضة]

بسم الله الرحمن الرحيم

أعضاء وزوار منتدى مكشات

السلام عليكم ورحمة الله وبركاته وبعد

سبق وإن نزلت موضوع عن عينين دافور كما ياتي في الصورة ولكن تبين بعض العيوب مثل صعوبة ترهيمه حيث يحتاج ثقب الحنفية بحذر وعند تنظيف المامة تحتاج لفك جميع المسامير الموجودة إلى آخره

ولكن هذه طريق اسهل وأخف وعملية جداً من تجربة والمطلوب 1- عدد2قسام ربع بوصة تحصلها في بريدة عن السلمي والتويجري حقين العدد والمسامير

2- عدد 2 حنفية غاز دافور
3- ماصورة 12ملي عند مكابس الهدروليك حسب المقاس وتلحمها بين القسامين بالأكسوجين
4- شبك تفصله حسب الحجم والمقاس من سيخ 6ملي
بعد ذلك رح للمخرطة وقل أفتح السنة حقة القسام على مقاس حنفية الدافور . وبعد ذلك تركب 100%
والأن مع الصور والأولى للملغى وباقي الصور للجديد

http://www.mekshat.com/pix/upload/images13/mk4257_sag.jpg


http://www.mekshat.com/pix/upload/images13/mk4257_hnaf.jpg
http://www.mekshat.com/pix/upload/images13/mk4257_trkeb.jpg
http://www.mekshat.com/pix/upload/images13/mk4257_rakb.jpg
http://www.mekshat.com/pix/upload/images13/mk4257_greb.jpg

http://www.mekshat.com/pix/upload/images13/mk4257_nar.jpg

والسلام عليكم ورحمة الله وبركاته

[عيناوي اصيل]

ما شاء الله ، الله يعطيك العافية اخي العزيز

فكره ممتازه ، ممكن استفسار
ما هي نوع الوصله التي تركب على راس سلندر الغاز الزرقه
ثم تشبكه بالهوز الاسود كما في اعلى الصورة الاولى وهي غير واضحه

والسموحه

[exit8a]

السلام عليكم ا

الله يعطيك العافيه على هالجهد ومافيه شاك ان الواحد الى سوى شي يكون عنده صعم خاص له بس لوحطيت اله مفصلات وينسفط بيكون احس

ملاحضه

العمليه اتوقع انها راح تكون مكلفه
وشكراٌ

[الروضة]

الأخ UAE4*4

حياك الله وإذا تقصد هذه اللي في الصورة فهي حنفية تركب على العلبة وسعرها 20ريال عند السنيدي وأحضرت كوع صغير وبرضه سويت مقاسه عند المخرطة ويركب عادي

http://www.mekshat.com/pix/upload/images13/mk4257_gaz.jpg


الأخ exit8a

حياك الله وبصراحة حاولت بس ماجت الفصلات

وبالنسبة للتكلفة تصور القسامات على 5ريال ويفتحون السنة بـ 5ريال واللحام بـ 10ريال والشبك 20ريال

يبقى السعر الحقيقي في الحنفيات إذا صيني مايكلف وإذا بريموس سعر الوحدة 40ريال

[عيناوي اصيل]

نعم اخوي هذه الصورة ، ولكن كيف حليت مشكلة التسنين ( السن داخلي او خارجي )
التسنين في اسطوانات الغاز يكون بعكس التسنين في الانابيب والحنفيات ، مثال في اسطوانات
الغاز وراس الغاز يكون الفتع (فك)مع عقارب الساعه و الاغلاق (الشد) ضد عقارب الساعه
اما في الانابيب والمواسير والحنفيات يكون الفك ضد عقارب الساعة والشد مع عقارب الساعه

واشكرك على الرد والتجاوب واسمح لي اذا طولت معاك بس ان شاء الله بيكون في ميزان حسناتك

والسموحة

[الروضة]

أخوي Uae4*4
مافيه أي مشكلة الحنفية تركب عادي شد على اليمين لكن الغاز الكبير25لتر هو اللي يكون عكس والحنفية طالع منها سنة خارجية والكوع سنة داخلية وهو اللي سويت سنته على شان يركب على الحنفية
وأي سؤال أنا في خدمتك ولاتتردد

[عيناوي اصيل]

أخوي Uae4*4
وأي سؤال أنا في خدمتك ولاتتردد

الله يكثر من امثالك ، ويعطيك الصحه والعافيه

وما تقصر ومشكور يا اخوي الروضه

[تايجر]

ياخوي الروضة
اكرمك الله على هذه الفكره
بس ياليت انها تتطبق على بعض
بحيث انها ما تاخذ حيز في التخزين
شاكرين لك جهودك
اخوك تايجر

[الروضة]

أخوي تايجر
يشرفني مرورك وتقدر تصغر المركب حسب الحجم المطلوب ولايأخذ حيز

[الرقيبه]

السلام عليكم ورحمة الله وبركاته ::


تسلم يـــــــــــا الروضه تصميم رايع جدا

من زمان وانا ابحث عن فكرة مناسبه لراسين دافور

ومرية محلات الرحلات ولا اعجبن شغلهم لازم به عذروب

يمكن يقول البعض ليش ماتاخذ راسين عادي جاهز 20 ريال

اقولهم يستهلك الدافور ..وهذا اللي خلاني ابحث عن الافكار الجديده...

وارجع وقول مبدع يعني مبدع يــــــــــــــــــــا لروضه...

[غيّام]

تسلم يالذيب على الفكره

[ابن الكرام]

ماشاء الله عليك أخي الروضة صدر رحب + شغل عدل ,, تسلم يمناك .

[الروضة]

الأخ الرقيبة أهلا وسهلا وهذه الساعة المباركة ومشكور على تشريفك
الأخ غيّام يشرفني مرورك وتري من تلاميذك
الأخ حاكم حياك الله وجزاك الله خير على هذا الأطراء

[شاص]

ماشاء الله عليك يالروضة وابتكاراتك .. الله يثيبك على محبتك الخير لغيرك ..

أذكر أنك كتبت موضوع عن طريقة تقوية نارالدافور لكني بحثت عن القطعة التي ذكرت لكني ما وجدته وين ألقاه ؟؟ وياليت رابط الموضوع لوتكرمت

[الروضة]

هلا والله أخوي شاص مدة ماشفنا لك رد والحمد لله على السلامة
ومن ناحية رابط الموضوع صراحة والله مدري وشلون اجيبه لكن هاك صورة الصفرة وهي عند السنيدي في بريدة والحيميد في شارع الصناعة
وإذا ماحصلتها ترى عندي وحده لك
http://www.mekshat.com/pix/upload/images14/mk4257_sfra.jpg

[شاص]

تسلم والله .. ماقصرت .. بيض الله وجهك

[سـمــوح]

وعليكم السلام ورحمة الله وبركاته


أولاً: أخي الروضة أشكرك على إبداعك اللا محدود في هذا المنتدى.
ثانيا: هذه الأفكار تدل على عقلية فذة [[بسم الله ماشاء الله عليك]]
ثالثا: مجرد اقتراح وهو ألا تظن بأن هذا المركب يأخذ حيزاً كبيرا ولو جعلته قابلا [للتصفيط]
أليس أفضل........



أرجو أن يتسع صدرك لمثل هذا..... فنحن في هذا المنتدى كالأسرة الواحدة.....

وشكرا............

[ابوفهد225]

مشكووور اخوي الروضه على الفكره الممتازه

من زمان وانا ادور على قز مثله

وابعطيك ملاحظاتي

سؤال /في هذي الصوره ماتقدر تقصر الماصوره؟؟
http://9q9q.com/get.php?filename=1138621242.jpg (http://9q9q.com/)

في هذي الصوره باين ان المسافه بين العين والقاعده طويله<باين في الصوره ممكن على الطبيعه يختلف> لو تقصر شوي بحيث نصغر من حجمه
http://9q9q.com/get.php?filename=1138621457.jpg (http://9q9q.com/)

وعندك في هالصوره تلغي اللي عليه اكس احمر وتحط مكان الخطوط السوداء اسياخ وفصالات
http://9q9q.com/get.php?filename=1138621271.jpg (http://9q9q.com/)

http://9q9q.com/get.php?filename=1138621256.jpg (http://9q9q.com/)


ولو عدلت عليه وصار اصغر شوي احجز لي واحد بالسعر اللي تطلبه

بس لاتغلي علينا

واسفين على الاطاله والتدخل

لكن اعجبتني الفكره وتدخلت

[الروضة]

الأخ سموح
سمح الله أمرك وياهلا بك وبملاحظاتك الغالية وتمون ولايهمك وبالنسبة للأقتراح جابها أبو فهد 225

الأخ أبو فهد 225 حياك الله وتراك راعي محل
وبالنسبة للماصورة من ناحية تقصيرها يمكن تجي لكن يلزم مامة حسب طولها
وبالنسبة للأرتفاع فعلاً كلامك صحيح رفيع شوي ولكن أنا آخذ حساب لو بغيت أفك العين
وبالنسبة للفصالات واللي ينفع 100% وللمعلومية القسام فيه سنة يعني ركب مع جميع الجهتين نقاص وأشبك اللي فيه
وياسلام عليك وعلى تدخلاتك

[صحــاري]

مبدع كالعااااااااااده :D

ممكن تسوي لي واحد وامر عليك واخده منك ;)

وإلا اكبس عليه واعزمنا ولا ما نستااااااااااااهل :mad:

حفظك الله

[الروضة]

هلا أخوي صحاري

ولو تستاهل وزيادة بس أنت أطلع من البيت
وبعدين ترى أم محمد ماهي ماخوذة منك :D 24ساعة في البت ;)

[صحــاري]

هلا أخوي صحاري

ولو تستاهل وزيادة بس أنت أطلع من البيت
وبعدين ترى أم محمد ماهي ماخوذة منك :D 24ساعة في البت ;)

نطلع ليش لا

وبعدين أنا كاتب ورقة :D

هههههههه

[صوح الجبل]

ياسلام .. ياسلام .. خيال .. خيال .. ماشاء الله عليك .. يابوعبدالعزيز .. ارحت الكثير من الاخوان ... لاكن سؤال بسيط .. الماصوره اللي عند المفاتيح السود ... ماتصير شديدة الحراره .... وفي الختام تقبل تحيتي .... يامبدعنا

[الروضة]

الأخ صحاري
حياك الله وترى مافيه أحد يكتب ورقة هلحين !
الأخ صوح الجبل
حياك الله وهذه الساعة المباركة اللي يعجبك
ومن ناحية الماصورة تراها سميكة تستعمل لكبس الهدروليك ( تتحمل 100% ) وأنا كذا مرة ألمسها وماتكون حارة بمعنى لاتخاف

[إلياس المطلق]

تــــصـــــمــيــم أكثر من رائـــــــع ,,
وللك خالص تحياتي ,,

[barracuda]

و الله انها فكره زينه

[عبرووود]

الله يعطيك العافية وماقصرت

طريقة حلوة