نريد آرائكم في هذا الماثل أمامكم

[النوبل]

بسم الله الرحمن الرحيم


السلام عليكم ورحمة الله وبركاته


أسأل الله أن يتقبل منا ومنكم صالح الأعمال



ندخل في الموضوع



http://www.mekshat.com/pix/upload05/images226/mk96021_29082011338.jpg



حصلت على هذا الأبريق وصراحه أنه جاز لي شكله ومناسبته للعزبه


وخاصه على الضو وشبة النار حيث أنه يأخذ أكبر قدر من الحراره


بسبب قاعدته الكبيره ومن ناحيه أخرى ثباته على الجمر


والصناعه كوري وخامته ستيل وقد لاحظت فيه النقاوه من الخارج والداخل


فأحببت أن تشاركوني الرأي






وكل عام وأنتم بخير

[عالي الكيف]

ماشاء الله تبارك الله
الله يسقيك من خيره ويكافيك شره

س / هل له احجام مختلفه ام حجم واحد ؟
س / هل هو متوفر في السوق ,,, وكم السعر .

[محلات الكشاتة]

وشو هالمزيون
يامل العافيه

[Red falcon]

هذا اللي يسمونه أبو حكره
يجيك الشاهي فيه خادر

[الدافور 1430]

ماشاء الله تبارك الله
الله يسقيك من خيره ويكافيك شره

[ابورهف الصالح]

هلا اخوي النوبل هذا ابريق العساف عندي واحد جديد مثلة بكرتونة

[عجاج9]

موفق ان شاء الله وبالعافيه والصحه الدائمه
ممتاز جدا
وفيه قريب من هذا الشكل ابريق العساف

[wafi4sa]

الله يتقبل منا ومنكم صالح الأعمال
هذا ألأبريق مايحتاج كلام
الله يطعمك خيره
لكن نفس الأسئلة السابقة
وين حصلت وبكم ......؟

[ولد حربmaged]

الله يسقيك خيره ان شاءالله وين احصل مثله

[مانع767]

ماشاءالله حلو يعني مايحتاج نبي منه طقم الله يجزاك خير ماتعرض يا النوبل الا الطيب :good2::good2:

[تلاقيط]

مستوفي لكافة الشروط و مطابق كل المواصفات
راينا يستاهل الاقتناء الله يبارك لك فيه

[ابو عزيززز]

ماشاء الله

بريق شكله مريح يبعث الطمأنينه في النفس ويوحي ان الشاهي المخدر فيه كايف

او مايسميه والوجدانيين بالحب من اول نظره بحيث انك تقتنع ان الشاهي نااااااخ ع الآخر في البريق وواصل حده وتقتنع به على طول

او مايسمى علميا حالة الانخلاط والتوحد الوجداني اللاشعوري مع السكر والماء الفايح في البريق

البريق هذا في حاجه الى ورق شاهي كبيركامل علشان ياخذ راحته ويتمسمس في البريق
واعتقد ان افضل شاهي لها البريق شاهي ابو جبل او شاهي ربيع العلب ذات الاوراق الكبيره مخلوط مع ابو جبل فيفتي فيفتي

انه من العار لهذا البريق ان يمسه اكياس الليبتون او انواع شاهي وضيعه الاصل غير ذات شرف مروووم


مبروك البريق والله يعطيك من خيره

وننظر نتيجة التجربه

[قناص*07]

اللي ماثل امامنا مجرم حرب ولابد اننا نعرف مكان بيعه حتى نرميبه وسط الجمر لين يطلع حمار دم الغزاااااال

هههههههههه
الف شكر وعجل علينا بمكان البيع والاحجام و الاسعار

[رسيس نجد]

هل يأتي منه احجام

[البر عشقي]

والله شكله منافس قوي للأستيل الكوري مشكور اخوي النويل ودايم مقتنياتك تكون نادره ومميزة

[محمد القصر]

سجل اعجابي ,,,,

[سرهيد]

السلام عليكم

هلا بك اخوي الكريم

ويحيك ربي يا ابو زياد

البريق شكله وذيف ويكفي انه استيل وكوري

انا عندي شبيه له حق العساف مثل ما قال اخوي عجاج

تقبل احترامي

وتقبل الله منا ومنكم صالح الأعمال

اخوك

ابو عبدالله

[حزوبر]

من أين لك هذااااااااااا؟؟؟؟؟:D
تقبل تحياتي والله يعطيك خيره

[wafian]

والله شكله حلو

[سرهيد]

ماشاء الله



بريق شكله مريح يبعث الطمأنينه في النفس ويوحي ان الشاهي المخدر فيه كايف


او مايسميه والوجدانيين بالحب من اول نظره بحيث انك تقتنع ان الشاهي نااااااخ ع الآخر في البريق وواصل حده وتقتنع به على طول


او مايسمى علميا حالة الانخلاط والتوحد الوجداني اللاشعوري مع السكر والماء الفايح في البريق


البريق هذا في حاجه الى ورق شاهي كبيركامل علشان ياخذ راحته ويتمسمس في البريق
واعتقد ان افضل شاهي لها البريق شاهي ابو جبل او شاهي ربيع العلب ذات الاوراق الكبيره مخلوط مع ابو جبل فيفتي فيفتي


انه من العار لهذا البريق ان يمسه اكياس الليبتون او انواع شاهي وضيعه الاصل غير ذات شرف مروووم



مبروك البريق والله يعطيك من خيره


وننظر نتيجة التجربه




ههههههههههههههههههههههه


هو هوه وه

وش هالتعليق يالشايب عز الله انك حويل ولد حوووووووووووويل

اجل شاهي ربيع والا ابوجبل

عز الله ما يصلح له الا ابو جبل اللي كن ورقه رجلين جراد :)

http://www.mekshat.com/pix/upload01/prof021/mk40450_8778_81684a2b4dbe36e19.jpg

تقبل احترامي

[النوبل]

ماشاء الله تبارك الله
الله يسقيك من خيره ويكافيك شره

س / هل له احجام مختلفه ام حجم واحد ؟
س / هل هو متوفر في السوق ,,, وكم السعر .



الله يجزاك خير

بالنسبه للحجم لاأعلم لم أجد إلا أثنين حجم 2 لتر وأخذتهم

على حسب دوجتي فهو غير متوفر

كان ينزل مع ابو فيل وأنقطع (على كلام صاحب المحل)

السعر لاأستطيع تحديده لأني أخذت مجموعه مختلفة الأشكال والأسعار

وبعد الهوشات والمكاسر صعب أحدد سعره من بينهم

فيهم بـ 50 وفيهم بـ 85 ريال





وشو هالمزيون
يامل العافيه



الزين عيونك يابعدي







هذا اللي يسمونه أبو حكره


يجيك الشاهي فيه خادر




آي يازول هو بزاتو الي بيسموه ابو حكره





ماشاء الله تبارك الله
الله يسقيك من خيره ويكافيك شره



الله يجزاك خير ويبارك بأيامك





هلا اخوي النوبل هذا ابريق العساف عندي واحد جديد مثلة بكرتونة



حياك أخوي ابو رهف

موب العساف بل شبيه له







موفق ان شاء الله وبالعافيه والصحه الدائمه

ممتاز جدا

وفيه قريب من هذا الشكل ابريق العساف




الله يوفقنا وإياك

نعم صدقت فيه من العساف قريب له






الله يتقبل منا ومنكم صالح الأعمال
هذا ألأبريق مايحتاج كلام
الله يطعمك خيره
لكن نفس الأسئلة السابقة
وين حصلت وبكم ......؟


الأسئله السابقه تم الرد عليها

حصلته بأحد المحلات أثناء الدوجه بالسباله

في الدواعيس الي يمين وسط الشارع






الله يسقيك خيره ان شاءالله وين احصل مثله



الله يجزاك خير

نادر إنك تلقاه وإن شاء الله تتوفق وتحصل عليه

[النوبل]

الله يسقيك خيره ان شاءالله وين احصل مثله


الله يجزاك خير

تم الرد في الرددود السابق

ومعذره من كثر الدوجه ماأدري اي محل





ماشاءالله حلو يعني مايحتاج نبي منه طقم الله يجزاك خير ماتعرض يا النوبل الا الطيب :good2::good2:


جزاك الله خير والله يطيب فالك

لايوجد منه طقم بل حبه واحد ستعرض في خيمة البيع والشراء





مستوفي لكافة الشروط و مطابق كل المواصفات
راينا يستاهل الاقتناء الله يبارك لك فيه



الله يبارك بأيامك يالغالي








ماشاء الله



بريق شكله مريح يبعث الطمأنينه في النفس ويوحي ان الشاهي المخدر فيه كايف


او مايسميه والوجدانيين بالحب من اول نظره بحيث انك تقتنع ان الشاهي نااااااخ ع الآخر في البريق وواصل حده وتقتنع به على طول


او مايسمى علميا حالة الانخلاط والتوحد الوجداني اللاشعوري مع السكر والماء الفايح في البريق


البريق هذا في حاجه الى ورق شاهي كبيركامل علشان ياخذ راحته ويتمسمس في البريق
واعتقد ان افضل شاهي لها البريق شاهي ابو جبل او شاهي ربيع العلب ذات الاوراق الكبيره مخلوط مع ابو جبل فيفتي فيفتي


انه من العار لهذا البريق ان يمسه اكياس الليبتون او انواع شاهي وضيعه الاصل غير ذات شرف مروووم



مبروك البريق والله يعطيك من خيره


وننظر نتيجة التجربه







:eek: لاتعليق :eek:





اللي ماثل امامنا مجرم حرب ولابد اننا نعرف مكان بيعه حتى نرميبه وسط الجمر لين يطلع حمار دم الغزاااااال

هههههههههه
الف شكر وعجل علينا بمكان البيع والاحجام و الاسعار




حياك الله أخوي

ماشاء الله طبه وعلاجه عندك

تم الرد على تسائلك في الردود السابقه






هل يأتي منه احجام



لاأعلم

لم أجد إلا حجم 2 لتر فقط








والله شكله منافس قوي للأستيل الكوري مشكور اخوي النويل ودايم مقتنياتك تكون نادره ومميزة




الشكر لله تعالى

والنادر هو ذوقك يالطيب

لكن لو تشيل نقطه من تحت أسمي

[اصيل نجد]

هلا باخوي النوبل يسلام سلم على هالبريق عزالله التقهوي فيه يخليك تشوف باريس وانت فوق نفود العاذريه اقول ربي يطعمك خيره ويكفيك شره لك تحياتي .

[جلمود الحره]

ماشاء الله لاقوة الا بالله
تحس انه مصباح علاء الدين... انتبه لاتطبخ المارد.:D


ياجعل مايطلع من ابريقك الحلو برد و سلام على قلبك ومهابيطه بالعافيه والله لايضرك

[محرين باالخير]

اخوي النوبل كل عام وانت وجميع الأعضاء بخير وعيدكم مبارك
وباالنسبه للأبريق الثاني الي عندك اعتبره محجوز نبيه عيديه للعزبه بس حدد السعر وقل تم ومنتظر الردعلي الخاص تحياتي للجميع

[الطرس ممدوح]

ماشاء الله تبارك الله

[النوبل]

سجل اعجابي ,,,,



شكرآ لك





السلام عليكم

هلا بك اخوي الكريم

ويحيك ربي يا ابو زياد

البريق شكله وذيف ويكفي انه استيل وكوري

انا عندي شبيه له حق العساف مثل ما قال اخوي عجاج

تقبل احترامي

وتقبل الله منا ومنكم صالح الأعمال

اخوك

ابو عبدالله



حياك الله يابو عبدالله

منور ياعمده والله يتقبل من ومنك وعيدك مبارك وعساك من عواده

العساف شبيه له وجودته لايعلى عليها


أسعدني مرورك









من أين لك هذااااااااااا؟؟؟؟؟:D
تقبل تحياتي والله يعطيك خيره




من عند راعي التكاان





والله شكله حلو




الحلو مرورك








هلا باخوي النوبل يسلام سلم على هالبريق عزالله التقهوي فيه يخليك تشوف باريس وانت فوق نفود العاذريه اقول ربي يطعمك خيره ويكفيك شره لك تحياتي .




الله يجزاك خير أخوي اصيل

طيب مافيه بريق يودي لباريس

ملينا من الشوف من بعيد









ماشاء الله لاقوة الا بالله

تحس انه مصباح علاء الدين... انتبه لاتطبخ المارد.:D


ياجعل مايطلع من ابريقك الحلو برد و سلام على قلبك ومهابيطه بالعافيه والله لايضرك




:) الا بيروح فيها والا يطلع ويعطينا الي نبي :D

جزاك الله خير

واسعدني مرورك






اخوي النوبل كل عام وانت وجميع الأعضاء بخير وعيدكم مبارك
وباالنسبه للأبريق الثاني الي عندك اعتبره محجوز نبيه عيديه للعزبه بس حدد السعر وقل تم ومنتظر الردعلي الخاص تحياتي للجميع




وانت بصحه وسلامه وعساك من عواده

لك رساله على الخاص







ماشاء الله تبارك الله




الله يجزاك خير ومرحبا بك

[FORD1969]

اعتبر نفسك محضور من دخول منطقه السباله يالنوبل وين تطلع هالقش منه


عز الله انه كايف


ابو قاعه له في النفس الكثير من الغلااااااااا


يستكن فيه التلقيمه بشكل عجيب وكل بياله تقول انا اقوى واطعم من اللي قبلها

عندي ولد عمه مغربي شاهيه كلام كبير

[نـجم الـشمال]

ماشاء الله ومثل ماتفضل الاخ سرهيد يكفيك انه ستيل
كوري 8 -18 وياليته متوفر بالاسواق عندنا
وعزالله انك نادر والنادر مايجيب الا النادر بارك الله فيك
تقبل احترامي
........

[ابو عزيززز]

ههههههههههههههههههههههه




اجل شاهي ربيع والا ابوجبل


تقبل احترامي








عمووو الله يحييك


كل عام وانت بخير


ربيع وابو جبل موجودات في رفوف الدانوب واليورماشيه اللي اسوي فيها الشبنق لمقاضي البيت



شفها موديلات 2011


http://www7.0zz0.com/2011/09/01/07/638477948.jpg (http://www.0zz0.com)



http://www7.0zz0.com/2011/09/01/07/469985376.jpg (http://www.0zz0.com)







http://www.mekshat.com/pix/upload01/prof021/mk40450_8778_81684a2b4dbe36e19.jpg



غباااار


كح كح كح


جبتا لنا الحساسيه ياعمووو


وش ذا الصناديق والخياش؟؟؟


شكلها من ايام محلك بسوق الجفره ايام العشر ثلاثطعش




وشكلك عمووو تربي حمام منول وتجمع بذا الصناديق



الا على طاري ربيع


تذكر ربيع يوم كان اسمه باربيع


http://www4.0zz0.com/2011/09/01/08/546949714.jpg (http://www.0zz0.com)

http://www4.0zz0.com/thumbs/2011/09/01/08/696483164.jpg (http://www.0zz0.com/realpic.php?s=4&pic=2011/09/01/08/696483164.jpg)








و ابو جبل القديم اللي يجي الشاهي بوسطه ملفوف بقصدير قبل مانعرف القصدير وكان يجي منه صندوق كبيره فيه ثمانيه صناديق صغيره



http://www4.0zz0.com/2011/09/01/08/335968323.jpg (http://www.0zz0.com)

[راعي البير1]

ملاحضه /شكله حلو
بس فتحة الغطاء صغيره تبلشك اذا جيت تحط السكر ؟

[ابو عزيززز]

ملاحضه /شكله حلو
بس فتحة الغطاء صغيره تبلشك اذا جيت تحط السكر ؟


اخوي راعي البير



هذا بريق كاتم



فتحة الغطاء مصغره علشان يخدر فيه الشاهي بسرعه




وعلشان مايبلشك السكر اذا جيت تحطه بالبريق



http://www.mekshat.com/pix/upload05/images227/mk6782_22720643320081120.jpg



استخدم المحقان لحط السكر والشاهي

[النوبل]

اعتبر نفسك محضور من دخول منطقه السباله يالنوبل وين تطلع هالقش منه



عز الله انه كايف


ابو قاعه له في النفس الكثير من الغلااااااااا


يستكن فيه التلقيمه بشكل عجيب وكل بياله تقول انا اقوى واطعم من اللي قبلها



عندي ولد عمه مغربي شاهيه كلام كبير





أبشر طال عمرك وإن شاء الله ماأعودها :D

أسعدني مرورك

[النوبل]

ماشاء الله ومثل ماتفضل الاخ سرهيد يكفيك انه ستيل

كوري 8 -18 وياليته متوفر بالاسواق عندنا
وعزالله انك نادر والنادر مايجيب الا النادر بارك الله فيك
تقبل احترامي

........





لاهنت يانجم الشمال

وأشكرك على الإطراء الطيب

[النوبل]

عمووو الله يحييك



كل عام وانت بخير


ربيع وابو جبل موجودات في رفوف الدانوب واليورماشيه اللي اسوي فيها الشبنق لمقاضي البيت



شفها موديلات 2011


http://www7.0zz0.com/2011/09/01/07/638477948.jpg (http://www.0zz0.com)



http://www7.0zz0.com/2011/09/01/07/469985376.jpg (http://www.0zz0.com)







http://www.mekshat.com/pix/upload01/prof021/mk40450_8778_81684a2b4dbe36e19.jpg



غباااار


كح كح كح


جبتا لنا الحساسيه ياعمووو


وش ذا الصناديق والخياش؟؟؟


شكلها من ايام محلك بسوق الجفره ايام العشر ثلاثطعش




وشكلك عمووو تربي حمام منول وتجمع بذا الصناديق



الا على طاري ربيع


تذكر ربيع يوم كان اسمه باربيع


http://www4.0zz0.com/2011/09/01/08/546949714.jpg (http://www.0zz0.com)


http://www4.0zz0.com/thumbs/2011/09/01/08/696483164.jpg (http://www.0zz0.com/realpic.php?s=4&pic=2011/09/01/08/696483164.jpg)








و ابو جبل القديم اللي يجي الشاهي بوسطه ملفوف بقصدير قبل مانعرف القصدير وكان يجي منه صندوق كبيره فيه ثمانيه صناديق صغيره




http://www4.0zz0.com/2011/09/01/08/335968323.jpg (http://www.0zz0.com)




كل عام وأنت بخير يابو عزيز

ومن العيدين الفايزين

أسعدني مرورك

وبكل صراحه أني معجب بردودك ومشاركاتك


الله لايهينك ويسعدك

[النوبل]

ملاحضه /شكله حلو
بس فتحة الغطاء صغيره تبلشك اذا جيت تحط السكر ؟




الله يحلي أيامك

وجهة نظر لها مكانها

ومن وجهة نظري أنها مناسبه

[النوبل]

اخوي راعي البير





هذا بريق كاتم



فتحة الغطاء مصغره علشان يخدر فيه الشاهي بسرعه




وعلشان مايبلشك السكر اذا جيت تحطه بالبريق



http://www.mekshat.com/pix/upload05/images227/mk6782_22720643320081120.jpg



استخدم المحقان لحط السكر والشاهي







أمااااا محقان :)



فتحة الغطاء قطرها تقريبآ 8 سم

[الكرنشاف]

ان هذا الماثل امامنا . كان قابعاً في احد المحلات التجارية ويتوارى عن الانظار ولفطنة وذكاء النوبل لم يزج به الى ساحة المكشاتيين ..
زبدة الهرج كيف الشاهي فيه يمخمخ والا.....