المساعد الشخصي الرقمي

مشاهدة النسخة كاملة : مساعدة يا أهل vxr 2008


Alvedrale
29/08/2011, 02:57 AM
السلام عليكم ورحمة الله وبركاته


عندي vxr 2008 موقفه من فتره في الطبيله جيت افك بابه بالريموت طلع الموتر بتريه فاضي على ما اظن حاولة افتحه بالمفتاح ولا رضى يفتح


هل فيه حل لان البتري فاضي الحين ولا اقدر افتح لا كبوت ولا بيبان
Vortech
29/08/2011, 03:56 AM
ما يصير يالذيب...

الموتر يفتح الموتر بالمفتاح عادي بدون مشاكل ولا له شغل بالبتري...

وبعدين انت تقصد بتري الموتر ولا بتري الريموت... لانه باب السواق يفتح بالمفتاح الصغير بدون مشكله.
Alvedrale
29/08/2011, 03:57 AM
لا بتري الموتر هو الفاضي

جربت المفتاح ولا نفع
خالد الزومان
29/08/2011, 04:12 AM
مالك حل الا بالمفتاح حق السياره بعدين جرب كل المفاتيح الي جت مع الموتر اكيد بيفتح باب السواق ... بعدين وش قصدك جربت المفتاح ولا نفع يعني الكيلون حق المفتاح ما يتحرك معك ممكن ترش بخاخ الصداء داخل كيلون المفتاح يمكن انه مجيم من زمان ما استخدمت المفتاح والله يكون في عونك
يالبى الهلا
29/08/2011, 05:58 AM
مالك بالطويله القفل مايفتح الاعن طريق الكهرباء والبطاريه فاضيه فلابد من استبدال البطاربه قلي كيف؟؟؟؟؟؟؟؟؟؟؟ظ
انزل تحت الموتر ومن اسفل شد الكابل حق قفل الكبوت واحد يرفع الكبوت من فوق او جيب سصمكري يفتح الكبوت
مطنوخ قطر
29/08/2011, 06:26 AM
هلا ياشيخ,,, انتبه تغير البطارية في المكان, لان السيارة ماراح تشتغل, لازم الوكالة من شان البرمجه او كهربائي عنده جهاز برمجه,,, والله يسهل امرك على كل حال..
يالبى الهلا
29/08/2011, 07:00 AM
هلا ياشيخ,,, انتبه تغير البطارية في المكان, لان السيارة ماراح تشتغل, لازم الوكالة من شان البرمجه او كهربائي عنده جهاز برمجه,,, والله يسهل امرك على كل حال..

نعم لابد من برمجه سيارات اخر زمن كل ما دخلت التكلوجيا في السيلرات صارت معقده
Alvedrale
30/08/2011, 01:13 AM
بيض الله وجيهكم يا الربع

جبت لي كهربائي وصل سلك في الموتر للسالب اما الموجب فركب حديده وشبكها في الدينمو حقة السيارة وافتحت السياره بالريموت


سلمتو والله لا يهينكم