ياخوان كيف الاجواء في حايل

[اكسبلورر2008]

السلام عليكم ورحمة الله وبركاته

ياخوان انا توي شاري موتر مستعمل وابي اكشتبه لنفود وبمعدفتي نفود
حايل حلوه

بس ما ادري عن الجو اذا كان زين ولا لا ؟

وابيكم تفيدوني كيف اجواء حايل

وشككرن

[الربذي]

اخوي ياهلا بك النفود مايطلع له الحين الا بالليل ويكون خطر لظهور الثعابين والعقارب وايضا خلوه من الناس
اذا تبي تكشت اختر يوم 13و14 و15 وطلع بعد المغرب وحتى 1ليلا يكون جوه عليل والنفود جميل وترا البعيد والقريب خصوصا اذا الجو صافي ونور القمر قوي ولكنه حار حتى 9تقريبا ليلا
اما الجبال فالظلال بعد العصر جميل ومعتدل وخصوصا ظلال جبال اجاء
وجوه جميل الا انه يميل للحراره ويعتدل بعد العصر وللكنه مايزال جو صيفي
وهناك مكان يصلح لشباب وهو جو مكان وعر بين جبال يكثر به النخيل معتدل نهارا اسمه جو لو بحائل الان دليتك عليه لكنه على طريق المدينه المنوره تفرق له من قفار 15 كم غرب حائل تفرق له يمين وهناك لوحه من الاثار ولكنه متاهات يبيك تكون مركز

كنت اطلع بالليل لنفود بس واجهات بعض المعتوهين يطفون النور ويمشي طبلونه تحدي وسبق وان صار حادث وتوفي فيه ولد زميلنا مطفي النور وقابلت كذا واحد يتجاوز وهو مطفي النور خبال وقله ادب وسو اخلاق