يالربع شريت تانكي الامنيوم من عند السنيدي وابتلشت

[العا بر]

اولا كل عام وانتم بخير وعيدكم مبارك التانكي بعد اسبوع في السياره في الحر وفيه ماء تغير طعمه واذا عبيت منه في علبت مويه صحه يرغي المشكله الضمان خمس ايام يعني انتها والتانكي جديد وداخله يلق بس مدري وش فيه الغريبه ان السنيدي يبيع منه له كم سنه يعني لو فيه عله كان واقف بيعه,وش السواه له حل ولا لا وهل فيه احد واجه نفس المشكله تكفون الي عنده علم لايخليني

[هاوي 1]

و عليكم السلام


حياك الله , بما إن مالك إلا إسبوع شاريه اشوف انه شي طبيعي ..

التوانكي جميعها بشكل عام كذا

أانا اشوف لو تعبيه و تفضيه اكثر من مره اتوقع بتفرقه



ع الهامش اخوي ..

ممكن أعرف بكم شاريه و كم لتر ..؟ و يركب على اي موتر

و إعذرني على القصور

[الوافي 22]

شف اخوي احذر من المياة الصحية ترة تخرب التانكي
يمكن الي المعبية منة
او الوصلاة حقة البزبوز
او نكهت الي
اذا بغيت الماء الزين عب من شيب الدواس البطريق الحمر الماء حقهم فلتر بدون الضافات

[يزيد 999]

حياك اخوي انا معي تانكي من السنيدي 110 لتر شاريه ب 630 ريال صارت نفس المشكله فض التانكي وجب مويه ورد وعبه فل وخضه ثم فرغه ثم عبه ماء عادي فل ثم فرغه ويظبط0 ان شاء الله

[ع العمرو]

حياك اخوي انا معي تانكي من السنيدي 110 لتر شاريه ب 630 ريال صارت نفس المشكله فض التانكي وجب مويه ورد وعبه فل وخضه ثم فرغه ثم عبه ماء عادي فل ثم فرغه ويظبط0 ان شاء الله

كلام سليم 100%

[المغيسلية]

اولا كل عام وانتم بخير وعيدكم مبارك التانكي بعد اسبوع في السياره في الحر وفيه ماء تغير طعمه واذا عبيت منه في علبت مويه صحه يرغي المشكله الضمان خمس ايام يعني انتها والتانكي جديد وداخله يلق بس مدري وش فيه الغريبه ان السنيدي يبيع منه له كم سنه يعني لو فيه عله كان واقف بيعه,وش السواه له حل ولا لا وهل فيه احد واجه نفس المشكله تكفون الي عنده علم لايخليني

انا عندي نفس المشكله وصارت المشكله بالي لانه لي غاز ومن النوع الرديئ مره كعادة السنيدي فغير الي اولا وخذ لي حق المويه الابيض الشفاف من عند حقين السباكه وركبه وبعدين غير الماء
وتقبل تحياتي

[ابوريان القحطاني]

اخوي اذا شفة مافيه طب راح يم السنيدي واستبدله بس اللي بمخرج 12 انا اذا اخذت منهم اي شي وطالع فيه انه
اروح صوب اليماني النحيف واستبدل وماعندك اي خلاف ابد بس انا عندي تانكي السنيدي له الان يمكن سنتين والى الان جديد والحمد لله بس لا تحطه في الشمس ابد بارك الله فيك وكل عام وانت بخير

[العا بر]

شكرا على المرور والنصائح الطيبه والصراحه طمنتوني وباذن الله اطبق النصائح شكرا لكم جميعا

[مداوي جروحي]

http://up.fr7.com/uploads/images/fr7-d1b4fbdd98.gif

[أبو راكان101]

ياشباب بما انكم تطرقتو لهالموضوع يقولون الزامل افضل من الألمنيوم وضمان 5 سنين ؟ ممكن تنورونا

[ابن هويشل]

عندي تانكي السنيدي 55 لتر شاريه في عيد الاضاحى العام1431هـ سعره 520ريال تقريبا
اعبيه من محطة شهاليل ما سبق عبيته عادي ابد إلى عند التنظيف
وفيه لي الغاز نفسه الي يجي مع التانكي ولا فيه طعم ولاحاجه
ولا يمر اسبوع إلى اعبيه تحليه
لكن اول ماشريته كان فيه بقايا لحام غسلته كذا مره لين طلع تمام
والتانكي لبسه تنزاني مع عازل ولاتخليه فاضي ابد ويصبر معك
والمياه الصحيه ربما يكون لها ضرار على الحديد
ومشكور

[معذب الدحاريج]

أنا عندي خزان السنيدي ولكن ما فكرت إني أشرب منه لأني مخليه للغسيل فقط وله عندي سنتين ولا فيه أي مشاكل ولله الحمد

[باشا]

أنا أري أن التانكي البولي ايثلين مع ضمان خمس سنوات ضد التسرب والتشقق وتغير الطعم واللون والرائحة أفضل من الألمنيوم.. أخذته من المرباع للرحلات بعنيزة ..
الضمان مهم في مثل هذه الحالات ..
اي مشكلة خلال خمس سنوات لا سمح الله رجعه عليهم وخذ فلوسك وريح بالك..

[العا بر]

يعطيكم العافيه

[فتى ظبيان]

السلام عليكم
كل عام وانتم بخير
دااااااااااااااائما تغسل اي حاوية للماء غسيل قوي ويفضل الغسل عن طريق البخار الحار واللي موجود في مغاسل السيارات
الشي الثاني خذلك ماء ورد وحطه بالخزان فترة وشيله
اتمنى لك رحلات سعيدة

[web]

اخوي 90 بالميه من المشكله تكون من اللي(الهوز) تأكد منه لان نفس المشكله حصلت معي والتانكي الجديد ترى مايغسلونه ينفضونه هوا بس يعني بيبقى فيه من اثر اللحام اغسله كم مره ودور هوز مويه ماله ريحه وكويس وماقدامك إلا العافيه ان شاء الله ..

[wafi4sa]

كثيرا من الأخوة اجابوا لك عن المشكلة
وانا الضم صوتي للي يقول هذي اثار الحام بالداخل اغسلة اكثر من مرة وماقدامك إلا العافية إن شاء الله

[الواهج]

كثيرا من الأخوة اجابوا لك عن المشكلة
وانا الضم صوتي للي يقول هذي اثار الحام بالداخل اغسلة اكثر من مرة وماقدامك إلا العافية إن شاء الله

صح لسانك

[ابو ابراهيم77]

ما شاء الله وش هالزين الله يرزقك

[مهاجر161]

كل عام وانتم بخير ..
اخوي .. غير لي الماء واغسله بضغط قوي (بستم) اغسله اكثر من مرة ثم عبه وحط ماء ورد واتركه يوم او يومين ثم غير الماء وجرب .. اذا كان ستيل اغسله وجرب طريقة ماء الورد .. ملاحظه لايفضى التانكي مدة طويلة كل فترة وفترة شيك وغير الماء وهكذا .. الحمد لله عند تانكي 110 لتر له اكثر من 3 سنوات لم يتغير لاطعم ولاغيره .. الحمد لله ..
المهاجررررررررررررررررررررررررررررررررررررررر

[«نجم الخير»]

عندي تانكي السنيدي 55 لتر شاريه في عيد الاضاحى العام1431هـ سعره 520ريال تقريبا

اعبيه من محطة شهاليل ما سبق عبيته عادي ابد إلى عند التنظيف
وفيه لي الغاز نفسه الي يجي مع التانكي ولا فيه طعم ولاحاجه
ولا يمر اسبوع إلى اعبيه تحليه
لكن اول ماشريته كان فيه بقايا لحام غسلته كذا مره لين طلع تمام
والتانكي لبسه تنزاني مع عازل ولاتخليه فاضي ابد ويصبر معك
والمياه الصحيه ربما يكون لها ضرار على الحديد

ومشكور



غالبك السنيدي انا مفصل 80 لتر عند ورشة الصمان 400 ريال الامنيوم