تاهو 2007 مشكله في القير ولايوجد ورشه فاتحه

[ايكوم2002]

السلام عليكم ورحمه الله وبركاته
كل سنه وانتم طيبين والعيد مبارك عليكم
عندي مشكله الظاهر انها في القير اول ما احطه على d ينتع على خفيف مرتين كأن سياره تسحب وبعدها يعشق واذا مشيت التعشيق ثقيل يغير والضغط على 3 واذا وصلت الى 90 وفلت الدعسه ينتع ويرجف المهم غيرت الزيت والفلتر ولا نفع وشيكت على الفلتر الي كان موجود في القير قلت يمكن فيه قطع حديد ولا لقيت شي ما ادري وش المشكله واذا كانت مشكله مكلفه وش افضل ورشه ان شاء الله تكون بسيطه والعائله تبي تسافر وشكلها جلسه بالرياض ما اقول الا الله يعين
ولكم جزيل الشكر

[يالبى الهلا]

أتوقع كلتشات القير و أسحب العيار و شم الزيت إذا شميت ريحه معطبه أعرف أنه منها!

أتمنى يفيدونك الخبراء في الكشات تراهم اشناب ما يقصرون

[AMAZ]

ايش انوع الزيت الى غيرته طبعا الزيت الموصى به لسيارات جي ام سي وتاهو من موديل 2006 فما فوق هو (DEXRON-VI ATF )يجي من عدة شركات فيه منه اسي دلكو و موبيل وغيره كثير لكن المتوفر لدينا اسي دلكو . فيه اصحاب قطع غيار يوم تجيه يعطيك من النوع القديم وهو (DEXRON-III ATF )وهذا مناسب للسيارات الجي ام سي التاهو من موديل 2005 وتحت لانه ثقيل وغير مناسب للكهرباء والحساسات يقولي مهندس انه يتسبب في لخبطه في الحساسات لانه ثقيل ويخلي الحساس ما يقراء زين . في النهاية تأكد من نوع الزيت الذي غيرته وحتى تتاكد من صحة كلامي اسحب عيار زيت القير وشوف ايش الزيت الموصى به . تجده نفس ما كتبت لك وفي الختام احب ان انبهك إلى نقطه عند ما غيرت الزيت كم علبه حطيت . اذا المهندس إلى غيرت عنده فاهم لازم يحط لك 8 علب . لانه طريقة تغييره على النوح التالي :عند ما يفتح الكرتير تشغل السياره وتحط القير على D3 من شان تفرغ الزيت الذي داخل الطنجره بسب ان الطنجرة لا يوجد له سره للتفريغ ولا تفرع الا بهذه الطريقه لذلك بعد تفريغها تحتاج إلى علبتين زيت و الذي داخل الكرتير 6 علب . طعبا بعد هذا يكون مجموع ما تعبيه ثمان علب اي 8 لتر .

[ايكوم2002]

اشكركم على المرور
الزيت الي غيرته هو اسي ديلكو مع فلتر اصلي وكاله عدد العلب المغيره هي 6 فقط
الان اسحب المعيار وريحته احس انها مخيسه وما ادري ليش مخيسه يمكن الزيت الي بالطنجره اختلط مع الجديد وطلع الريحه او يمكن اني ما قارنت بين الزيت الي بالقير والزيت الي بالعلب من ناحيه الريحه

الميكانيكي يقول ان في الفلتر وسخ ولايوجد به قطع حديد وما ادري وش السالفه
اغير الزيت مره ثانيه والا انتظر الورش الى ان يفتحو والى اي ورشه اروح؟
ولكم الشكر الجزيل

[AMAZ]

لكن السالفه ايش نوع الايسي ديلكو تاكد وردلي خبر عطني ايش مكتوب قدام كلمة (DEXRON)
لانه لو كان (AC DALCO DEXRON III) فان البلاء منه بسبب انه ثقيل وبرضه يسبب رغوه مما يؤثر على الحساسات .

[ايكوم2002]

ابتاكد وارد لك خبر
ماهي افضل ورشه تشيك على القير وفاهمين ؟
لان الشباب مدحو لي قيركو وتراي ستار وشالنجر
واخاف اروح لوحده منهم ويقول توضيب بدون ما يتاكد او يغير قطع سليمه

[بدوي جنوبي]

اليوكن 2007 يشتكون من مشاكل القير أصحابه
أتبع تعليمات العضو amaz قبل الذهاب للورش

لا تضخم المشكله الان قد يكون حساس السرعه الاولى والثانيه يحتاج تغيير .

[Hmmod03]

سلام عليكم عندي تاهو 2007المشكلة في مايبدل قير ابد ماني عارف وش فية ارجو من لأخوة اعطي جواب رد

[رحال7]

احد المرات بحثت عن زيت القير في كل المحلات ما عدا الوكالات لانه وقت أجازه والمفاجأة ؟؟؟!!! كللللللههههم عطوني DEXRON III

وكل ما أقول لهم هذا ما يصلح الموديلات من 2007 وما فوق يقول يمشي!!!!


للأسف هذا اللي حاصل بالحذر الحذر

والله اعلم

[Magellan]

لاتروح إلا لصابر بصناعية الخليج
شغل نظيف ورخيص وأمين
رقمها 217