فزعتكم برمجة مفتاح الباترول فتك

[كلاسيك 777]

كل عام وانتم بألف خير
واعاده الله علينا وعلى الامه الاسلاميه بكل خير


مشكلتي مشكله غويصه لعدة اسباب =
1-ان الورشات مقفلات
2-ان العيد يوم الثلاثاء بمعنى انه مافيه ورشه تفتح الا يوم السبت
3- ان السياره بيغى لها مهندس سعودي لانها باترول فتك وخابرين مشاكله
4- اغلب المهندسين السعوديين كشاته مافي احد بيجلس بهذا الوقت خصوصا
5- بمعنى اني ابرص بدون سياره بهذا العيد........ الله يعين على الفتك ومشاكله

وقلت مالي الا اخواني بهذا المنتدى لعل يفزعون لي بأي معلومه قد تفك المشكله

نخش بالموضوع
موتري اشغله بالمفتاح ويدق بس مايشتغل مادري المشكله بالطرمبه او المشكله بامفتاح (السيكورتي) علما ان لما اطلع المفتاح من السويك تشر اللمبه ولما ادخل المفتاح تولع اللمبه الحمراء على طول

ارجو ان لايبخل علي احد
موقعي مدينة بريده

وكل عام وانتم بخير

[ابو خــــالد]

وأنت بخير ...
الله يتقبل منا ومنك . . .
أولاً : كم موديل موترك ؟
ثانياً:إن كانك متأكد انه برمجه بسيطة بـ50 ريال بس لازم تاخذ كل المفاتيح علشان اذا برمجهن يصيرن على برمجة وحدة ، لأنك لو برمجت على مفتاح واحد وجيت تبي تشغل على المفتاح الثاني مايشتغل وتخرب برمجة المفتاح الأول . . .
وعلمن كانك تبي رقم ابو صالح تستفسره
وان كانك بالرياض اوصفلك محل مفاتيح اللي يشتغل به سعودي وهو اللي قد برمجلي المفاتيح بـ50

[راعي عدلى]

الله يعينك ويسهل عليك وكل عام وانت بخير

[كلاسيك 777]

تكفى عجل علينا عطن رقم ابوصالح
انا ببريده
موديل الفتك 2004

[كلاسيك 777]

ياناس اكثر من 40 مشاهده والى الان لم نجد الحل
دبرونا ياناس اما ببرمجه او رقم احد يبرمج وخلافه
او اقل شي الي يقرا الموضوع يرد باي شي علشان يبقى في صفحة العناوين لعل الله يرزقنا بأحد يعرف وممكن تكون انت سبب في تصليحه وانت ماتدري ؟؟؟؟؟؟؟؟؟؟؟؟؟؟؟؟؟؟؟؟؟
تكفففففففففففففففففففففففففففففففووووووووووووووووو ووووووووووووووون اقل شي رد

[ابرق نثيل]

هههههه المووضوع سهل اخوي ومايحتاج ورش انت بنفسك تبرمجه
بس يبي لك خفه يد
طريقة برمجه ريموت الباترول



نفس المشكله بالضبط حصلت معي
ولا عرفت الطريقه ابد وقبل 5 دقايق نزلت للسياره

وابشرك 100% شغال وخل يدك خفيفه وافهم الخطوات


1- افتح باب الموتر واركب (لاتقفل الباب)
2-حط المفتاح محل التشغيل وخله على OFF
3- والباب مفتوح قفل (السنتر لوك) وافتحه
4-صك الباب وقفل (السنترلوك) وافتحه
5-نروح للمفتاح ونحطه على ON (من دون تشغيل السيارة) وبعدين نرجعه OFF نكرر العملية 6 مرات (نحطه على OFF في الآخير)
6-راح يأشرالفلشر مرتين
7-هنا انتبه :(والرموت مكانه) اضغط على زر الفتح في الرموت (وخلك ضاغط عليه لاتفكه) وبيدك الثانية اضغط على زر القفل في الرموت ثلاث مرات (وانت معلق على زر الفتح) مع المرة االثالثة فك الازراز (الفتح والقفل) في نفس الوقت واللحظة
8-راح يأشر الفلشر مرتين
9-الان شغل السيارة
10- راح يأشر الفلشر ايضا وهذا يدل على انتهاء العملية
11-طف الموتر وجرب الرموت وافتح وقفل على كيفك

وهنا موضوع ينفك
وانتبه تحط المفتاحين جنب بعض تلغى البرمجه وهذا صناعه سيمنز الالمانية
http://www.mekshat.com/vb/showthread.php?t=216783

[ابرق نثيل]

اما اذا يدق سلف ولا يشتغل فاحتمال انه من كتاوت ريليه طرمبة البنزين شف هالموضوع
http://www.mekshat.com/pix/upload02/images69/mk44974_img_5009.jpg
فك الدرج تحت الدركسون واضرب الريليه بمفك ويشتغل واذا ما شتغل غيره بجديد

http://www.mekshat.com/vb/showthread.php?t=236266

[صباح القايله]

اخوي اذا لمبه السكرتي تشر فما يحتاج برمجه لكن اذا عندك مفتاح ثاني جرب شغلبه 
وشيك على الفيوز الصغار 
وبدل كتاوت الطرمبه زي موضحه اخوي ابرق 


[ابو خــــالد]

تكفى عجل علينا عطن رقم ابوصالح
انا ببريده
موديل الفتك 2004
هاذا رقم ابو صالح كلمه وعلمنا وش يصير عليك عقبه
0504118191
^ابو صالح ورشته بالرياض لاكن مايمنع تكلمه تسأله
...
بس للمعلومية موديلات 2002و2003و2004 مهيب مشهورة بمشكلة الكتاوت اللي مشهورة 2005وفوق

[يالبى الهلا]

اما اذا يدق سلف ولا يشتغل فاحتمال انه من كتاوت ريليه طرمبة البنزين شف هالموضوع
http://www.mekshat.com/pix/upload02/images69/mk44974_img_5009.jpg
فك الدرج تحت الدركسون واضرب الريليه بمفك ويشتغل واذا ما شتغل غيره بجديد

http://www.mekshat.com/vb/showthread.php?t=236266
هذه \\\\\\\\\\\\\\\\\\\\\\\\\\\\\\\\\\\\\\
الطريقه لحل مشكلتك وهي كهربائيه وهذا عيب في السفاري وخاصه الموديلات الجديده واللي ما يعفها يتوهق

[صدى الاطلال]

جرب الله لايهينك تغير هالفيوز ورد لي خبر!!!
اوكي
اليك بالصورة
http://im9.gulfup.com/2011-08-30/1314740851901.png

[كلاسيك 777]

اشكر الاخوان على التفاعل كلن بأسمه
لكن ياأخي هاوي الذيب ابدق الحين على جوال ابوصالح واخذ رأيه انشاء الله وجزيت كل خير
اما اخي ابرق نثيل بالنسبه للبرمجه الي ذكرت للريموت وليست لمفتاح السياره لانه فيه بالخطوات لازم تضغط على الريموت والسياره مافيها ريموت
ولانزال نحاول لعل الله ييسر الامر

[hz1oo]

خل احد يفتح السويك وتولع لمبات الطبلون اسمع الطرمبة تحت السيارة من وراء اذا مافية صوت وراء يكون فيه مشكلة الفيوز او الكتاوت او الطرنبة

[ابوهيبه]

اخوي هذا رقم البرادي الي يقص المفاتيح 0505144693الرجال فاهم وعارف البرمجه مضبرط وكم مره اقص عنده ويبرمجلي طبعا موتري فتك2003
مكانه بريدة الجرده شرق الهاتف عند الخياطين حقين الثياب

[صدى الاطلال]

اشكر الاخوان على التفاعل كلن بأسمه
لكن ياأخي هاوي الذيب ابدق الحين على جوال ابوصالح واخذ رأيه انشاء الله وجزيت كل خير
اما اخي ابرق نثيل بالنسبه للبرمجه الي ذكرت للريموت وليست لمفتاح السياره لانه فيه بالخطوات لازم تضغط على الريموت والسياره مافيها ريموت
ولانزال نحاول لعل الله ييسر الامر

ياخوي عطيتك طريقة بالصور راجع رد رقم 11
وقلت لك ردي لي خبر مارديت؟؟!!:(
اشوف لك شئ ثاني ونبدأ الارخص فالارخص
وانت بكيفك:good2:

[كلاسيك 777]

اشكر كل من تعاون معي بالنصائح وابشركم اشتغل الموتر لكن بسبب بايخ جدا جدا
بعد اقتراحات الاخوان والتي تم تطبيقها كله لكن دون جدوى وكثر الله خيرهم على تعاونهم
فأول خطوه
1- شيكت على الفيوز وكلهن سليمات
2-شيكت على فيوز الطرمبه وصارت سليمه
3-دقيت على رقم ابوصالح ورقم البرادي لكن دون جدوى وارسلت لهم رسائل بالمشكله لكن شكلهم مشغولين بالاعياد
=انا سبق وان قلت المشكله بالمفتاح لان اللمبه حقت السيكيورتي تعلق حمراء اذا دقيت سلف لكن قلت لامانع من عمل اللازم مثل ماقالو الاخوان
لكن رزقني الله برقم احد الاخوان وله خبره بالفتكات واقتلرح اقتراح بسيط وهو=
قالي افصل البطاريه دقيقه ورجعه مره وان مااشتغل حاول ثانيه
وابشركم اشتغل والحمدلله

والف الف شكر لكل من رد على موضوعي واتمنى من الله ان تكونوا بألف خير ونعمه وعيد مبارك

[صدى الاطلال]

يالله الحمد الله رب العالمين
الحق عايد قبل يقضي العيد هههههههه
والله كارثة العيد وبدون سيارة
عموما عيدكم مبارك
وكل عام والجميع بخير

[كلاسيك 777]

كثر خيرك ياصدى الاطلال على التهنئه وماتشوف الي شفته انشاء الله