~~,, شوركم ياغالين ناويها بأذن الله لينبع ,لاهنتم ,,ردودكم تهمني ,,

[v16]

~,,
~~,,

السلام عليكم ورحمة الله ,,
كل عام وانتم بخير, ,
السالفه ومافيها ياغالين ,
,,كنا بنسافر مع الاهل لابها ,وفجأه الوالده جابت فكره وقالت
,, من الرياض الي القصيم ثم المدينه ثم ينبع ,,
فقررنا باذن الله تتطبيق كلام امي باذن الباري ,,
,ولكن
كيف طريق الرجعه ؟ يعني هل فيه طريق من ينبع معروف يرجع للرياض او
,, لا لازم ارجع كذا ينبع (المدينه ( القصيم ( الرياض ؟

,,انتظر ردكم رفع الله قدركم ,

وهل ينبع فيها تمشي وناسه ؟:)



انتظررركم ,لبى البووكم ,:good2::good2:

[v16]

~~ ماالظاهر حولي احد ؟

[الرويضة اون لاين]

ياهلا ياخوي..




كل الطرق تودي الى روما..

تقدر تروح منها الى مكة الى الطايف الى الرياض..

وبالتوفيق

[fa393]

فيه ترجع منها لجده و ومكه ولو تروح لملج تبعد تقريبا 180 كيلو تقريبا وكرنيشها جديد والبحر بكر

[ابو ساره العنقري]

هلا ياخوي

انا ماعرف الا طريق القصيم المدينه ينبع

يقولون الشيبان اتبع الاثر لو طال السفر

اتبع الطريق العامر لو زادت المسافه وانا اخوك وتاصلون بالسلامه

[فهد 003]

الطريق مافيه الا ينبع _ المدينه _ القصيم _ الرياض
أو
ينبع _ جدة _ مكه_ الطايف _ الرياض
بس طريق جدة مكه بعيد وفرق كبير لاكن اذا تمشيه مو مشكله

[أبا مجاهد]

والله وانا اخوك ينبع زينه وحليله وفيها اسواق ومهرجانات واشياء زينه..انا زرتها حقيقه مره واحده فقط قبل سنتين وكانت زياره موفقه..

لكن بيني وبينك الناس في الصيف تنشد عن البراد والاجواء الجميله..مثل ابها وغيرها.

[v16]

ياربي يحفظك ياغالين ,,
واحد يقولي امس ان اجواء ينبع مهب حااره بل خيال ,,


,, وصدقت ياابا مجاهد ولا ينون الربع ان البراد افضل شي ,,

طيب انا ول مره ارووح انا شخصيا الي اسوق لابها
,, وين طريقها

ابطلع من الريااض مخرج 14 ,, الدائري الشرقي ويين ارووح

,, وخاايف شوي من الطرريق لان موتري كامري ,,
, ولا نتوكل على الله رايكم يهمني ,

[أبا مجاهد]

والله وانا اخوك انا لااعرف عدة طرق من الرياض تؤدي الى الجنوب..لاني لست من سكانها..ولكن


الطريق المشهور طريق الرياض المؤدي الى الطائف مرورا بظلم ومويه وغيرها..الى ان تصل الى الطائف بالسلامه..


ثم بعد ذلك تمسك خط الباحه .. الى ان تصل الباحه..وبعدذلك تتجه الى بلجرشي ومنها الى ابها.


بالنسبه للسياره الحقيقه لابد ان تكون نظيفه لكثرة العقبات والجبال بين بلجرشي وابها ..مرورا بعدة محافظات(الكامر اذا جديده توديك اليمن ان بغيت ماشاءالله)


المسافه التقريبيه من الطائف الى الباحه =تقريبا 180 كلم


ومن الباحه الى ابها = تقريبا 400 كلم(الحقيقه الطريق متعب نوعا ما لكثرة العقبات ولابد تكون متهيء نفسيا للقياده)



اتمنى من الاخوان ممن يعرف طريق اخر الى ابها للقادم من الرياض ان يدلي بدلوه


اتمنالك التوفيق.

[أبو خالد900]

من الرياض إلى أبها المسافة 1000كم بالضبط
من الرياض تأخذ طريق الخرج وبعد 60 تأخد مخرج الدلم وادي الدواسر إلى الدلم 30كم ومن الدلم إلى حوطة بني تميم60كم ومن الحوطة إلى الأفلاج 140 ومن الأفلاج إلى السليل 230كم وهذه تعتبر أطول مسافة بين المحافظات ومن السليل إلى وادي الدواسر 80كم ومن الوادي إلى تثليث180كم ومن تثليث إلى خميس مشيط 200كم والآن يقولون إلى وصلت خميس مشيط كأنك واصل أبها ما فيه فرق بينهما بعد التوسع العمراني