تكفون شوفو لاخوكم حل

[باتروول2007]

بسم الله الرحمن الرحيم
السلام عليكم ورحمة الله وبركاته

صباح الخير
اعضاء ومشرفي منتدى مكشات الشامخ

كل عام وانتم بالف خير
الصراحه ياربع معي باترول ربع 2007 وجنوطه شد البلد ودي اغيرها لانه تقل ثقيله
واركب جنوط هلل ولا القى الا اماراتي الي قيمته مابين 550 الى 600 ريال ونا حاط شبك فوق حق الباترول
وتانكي ماء عرض وعزب وفرش والامور الي انتم خابرين
المشكله اخاف اركب جنوط هلل الصناعه اماراتي وينكسر الجنط مايتحمل وفي جنوط برازليه بس صناعتها الصين
وهل فيه هلل اصليات وكم قيمتها وكم يسون جنوط الباترول شد بلد
شور علي يارجال محتار والله
والله يبيض وجيهكم ويعطيكم الف عافيه

[باتروول2007]

لا اله الا الله 21 مشاهده ولا واحد علمنا
وين الرجال وين اهل المعرفه
الله يستر علينا بس

[صباح القايله]


اعتقد ان فرق الوزن مهب واجد بين الجنوط لكن اذا تبي شكل شي ثاني

[راعي جلمود]

لاتغيرها انتبه ترى الهلل كله تتكسر ولاتتحمل مثل جنط الوكاله
ولاهو فارق معك شي ابد في الخف
طع الشور ولا تغير
واذا غيرت لاتبيع جنوطك واذا بعت لاتقبل باقل من الف ترها تسواااا
وفكر ليه كل النيسان القديم والتايوتا القديم يركبونها الا من طيبها
ويدورونها دوره وفي الغرابي ماتلقاها واذا لقيتها باسعار عااااااااليه
بتلقا اللي يسمونه اصلي بس والله العضيم مايتحمل وينكسر على طول او ينعفط
اسئل مجرب

هذي نصيحتي

تحياتي

[تناساني]

لا تغير جنوطه
شكله احلى بالجنوب حقة بلاده
بس لما تركب الهلل يصير شكله غلط

و الجنوب الهلل يركبونها في الباترول من 97 و تحت
عشان جنوط بلاده تكون شنبر و ثقيله بقوووهـ ولازم لستك
عشان كذا يغيرونها لهلل لانها ليست شبنر و تكون تبلس.

لكن الجيب من 98 إلى 2009 جنوطه حلوه و ووزنها معقول عادي و تلبس ليست شنبر عشان تغيرها

لو ان سيارتك 97 وتحت بقول لك غيرها ومعك حق

تبي النصيحه خلها وربي شكله احلى
انا عندي 2008 بالنسبة لي شكله حلوو بجنوط بلادهـ ولما اشوف 2008 بجنوط هلل احسها صغيرهـ و شكله يصير غلط :(

و الخيــار لك بكل الحالات
الله يوفقك و يبعد عنك الجنوط الي تنكسر :)


سي يو

[باتروول2007]

اخواني صباح القايله وراعي جلمود وتناساني
بيض الله وجيهكم وباخذ برايكم والله يحرم وجهيكم عن النار
والف شكر لكم نخدمكم ان شالله بالافراح

[فديت عيون امي]

اخوي عندي جنوط هايلكس 2011 وكالة مع كفرات الوكالة وطيس الوكالة للبيع

[التعـ King ـديل]

عزيزي .. ركب هلل .. انا معي فتك ركبت عليه هلل وكنت اسافر واروح واحمل عليه وبعتها .. وتندمت والحين ادور هلل مبرز تجاري .. بس انتبه تاخذ مبرز بالمخرطه

عندك الهلل التجاري المبرز حلوة وعندك جنوط الباثفيندر السياحي برضوه حلوة وعندك البرازيلي واي خدمه راسلني اكلمك من واقع تجربه وخبره في الباترول وجنوطه وكل مايلزمه

[محنك]

السلام عليكم .... كل عام وانت بخير
أسأل نفسك ..
كيف تدور جنط خفيف وانت تبي هلل أصلي ... الهلل الاصلي اكيد وزنه قريب للي تبي تغيره .
ثانيا : بما انك فطين ماشاء الله عليك وتخاف من التجاري الله يستر ,,
أجل لاتغير شي .. اللي على موترك أصلي .. لازم تعرف معنى كلمة أصلي
وتقدرها .. وتقدر كل شي أصلي ...
ثانيا لاتقلد على اللي يحطون هلل !! خلك متميز برأيك وحرصك على الأصلي والوكالة ..
ثالثا : هل تعتقد ان موترك بيخف اذا ركبت هلل اصليات ؟ غير صحيح .
واذا ركبت تجاري صينيات راح تخاف من الرجه ومن الامور الثانية وانت حساس من هالامور ...
فأنصحك ماتغير شي ... والسلام

[باتروول2007]

اخوي التعديل
اخوي محنك
الله يعطيكم العافيه ونا ودي بالهلل لكن متخوف منها مره
لكن خلك على مقرودك لا يجيك اقرد منه
وبيض الله وجهيكم ماقصرتوا
كفيتو وفيتو