المساعد الشخصي الرقمي

مشاهدة النسخة كاملة : زيت الكلتش هبل بي


مخاوي ذيابه 9
31/08/2011, 11:25 PM
السلام عليكم ورحمة الله وكل عام وانتم بخير
يالربع عندي باترول 99 به مشكلة زيت الكلتش تنقص بشكل يومي
رحت ووديته لصناعية البلد وقالي الفني العلبه اللي تحت تهرب والعلبه اللي فوق سليمه وشريت وحده جديده وكاله
وركبها اليوم الثاني اتفاجئ اني ماقدر اعشق مابها زيت وصارت تنقص ازود من اول
وش الحل هل ممكن احد يحددلي العطل او يدلني على ورشه بالرياض صاحيه
aslaam
02/09/2011, 04:10 PM
وعليكم السلام يا أخي ما تحتاج شطارة لاحظ تهريب الزيت من وين وتنحل المشكلة إما من العلبة العلوية وتشاهد التهريب من داخل الغمارة من عند دواسة الكلتش أو من السفلية ومكانها على جانب القير انزل تحت السيارة وتشاهد التهريب أو من الماسورة التي توصل بينهما .الزيت يدلك على المشكلة ( تقول زادت المشكلة بعد التغيير) هل فحصت الماسورة بعد تركيب الاصلاح الجديد ؟ ربما يكون التهريب من ثقب صغير بالماسورة نفسها بالقرب من صامولة الربط
مخاوي ذيابه 9
02/09/2011, 07:11 PM
بيض الله وجهك معلومه قيمه
هويدي
02/09/2011, 07:42 PM
الله يكون بعونك وييسر امورك

فيه بلف تنسيم هوا عند العلبه اللي فوق احتمال انه مرتخي
واذا تبي تتأكد ... عبها ودبل كلتش وخل واحد يناظره كانه مرتخي بيرشق زيت

اللي تحت مدري عنها بس اتوقع فيها بلف تنسيم
مخاوي ذيابه 9
03/09/2011, 07:05 PM
لاهنتو يالربع كلن بسمه وديته لفني كشف على العلبه اللي فوق ولقاها تهرب الزيت على الباكم شريت اصلاح للعلبه اللي فوق وباكم والله يستر علينا وعليكم