رايكم في الفيتارا السوزوكي

[كاره الفورد]

السلام عليكم ورحمة الله وبركاته

تحيه طيبه وبعد

هذي اول مشاركه لي ويعلم الله ماخترت هذه المنتدى الا لاني شفتكم راعين طعوس وبراري فقلت ايكد هم بيفيدوني عن الفيتارا

انا ياجماعت الخير سنين وانا مع الفوردات لابارك الله فيها من سياره ماركيز او فيكتوريا اذا ماتخرب هذي السياره اعرف انه فيه حاجه غلط خصوصا من 2006 صار مبرد القير حجمه صغير وترتفع حرارته ويضعف تبديلات القير وانواع المشاكل

المهم ماعلينا

المره الاخيره طلعت صلاله وندمت اني طلعتها بالفورد فقررت ان شالله اني اخذ جيب

بحك ماني عزوبي وابي جيب اقتصادي وقوي ولي وللزمن وعلى قد فلوسي

فقد وقع الاختيار على سوزوكي فيتارا الربع

قبل سنه تقريبا شفته وافتكر انه نزل نوع منه مكينته 2.4 وقير تماتيك وجنوط كروم

الان رجعت افكر فيه وماعندي خلفيه عنه كثير

طبعا انا اخترته لانه صغير وعجبني ومكينته تعتبر قويه جدا لان حجمه صغير وخفيف فبتكون المكينه مناسبه جدا للحجم

وحاب اخذ رايكم

الجيب يتحمل الكرف وهل فيه اعطال وهل فيه مثبت سرعه

لان الجيب داخل مزاجي مره مره واكيد بيكون اقتصادي فالبنزين لان الفورد هبل فني فالمدينه كئنه باخره ثقيل مره

انا شفته قبل سنه ومو متاكد منه عدل هل فيه مكينه 2.4 ولا انا غلطان ؟

بصراحه راح ابيع فوردي واضغط على نفسي وادبر قيمته واشتريه كاش

اتمنى تفيدوني هل تنصحوني فيه ولا لا

من ناحية القوه وحرارته وخراباته

ويعطيكم العافيه

وكل عام وانتو بخير

[قناص مزاجي]

السوزكي ممتاز

بس عيبه قطع غيار غاليه

وغير موجوده

لانهم يطلبونها لك من برا المملكه

سعره يطيح بعد الشراء

فانصحك بالابتعاد عنه

[كاره الفورد]

يعطيك العافيه ياخوي

انا جالس ابحث عنه فمنتديات ثانيه وبيني وبينك مالقيت عنه الا خرابات

لكن كوني ابخذه جديد تتوقع انه القطع الاستهلاكيه تكون متوفره؟

وسمعت انه الكلتشات تخرب وش الهرجه ؟

ماودي ابيع فوردي واتوهق فسياره ازفت منه

[قناص مزاجي]

شوف ال اف جي مناسب وممتاز

[عاشق الربع313]

نصيحه لا تبعد عن الباترول الربع
بس ياليت تفيدنا بسعر السزوكي عشان نفيدك بالبديل

[كاره الفورد]

يعطيك العافيه

بالنسبه للاف جي وغيره فكرت فيها وانا ابي شي جديد فحدود الستين عشان ما اجلس ارقع واصلح

غير كذه المستخدم مااضمنه وانت عارف وضع الشعب عندنا فالسواقه

تلقاه ماكل فيها حفر ومطبات وحارق والدينه فالطعوس وهو مامشى الا 3000 كيلو

وبيني وبينكم بدات اشيل الفكره من راسي لاني بدات اتخوف منه

ولو انه شكله عاجبني ومناسب لكن مالقيت احد يمدحه

[كاره الفورد]

البترول حريقه فالبنزين

وقطعه مره غاليه

[عاشق الربع313]

مالك لوا
الباترول اعبي فل ويجلس معي اربعه ايام وبعض الاحيان خمسه ايام والقطع ماراح تحتاج قطع ان شاءالله اذا طحت بشي نظيف وهذي نصيحه مني لا تتعدا الباترول

[كاره الفورد]

وش رايكم فالاكستيرا ؟

اشوف الناس تمدحه

ملينا من السيارات المنخفضه

وابعد الحيب سياره

[غالي يا غالي]

تبي رايي انا وان شاء الله شووووووووري هو الانسب لك وان شاء الله اخواني الموجودين هنا يايدوني
اذا معك ستين الف ريال مو دولار ههههههههه امزح

تقدر تشري جيب اكستيرا 2008 قير عادي نظيف جدا او جيب اكستيرا قير اتوماتيك به صدمة خفيفة رفر باب

سيارة معرووفه سيارة كد وسفر وبررررر وقطع غيارها متوفر عند الوكالة
وانا مجربها سفر وبر لي سنتيييييييييين

حرام 60 الف على سزوكي

انباع عندنا بحائل قبل شهر جيب اكستيرا ابيض قير عادي ماشي 100 الف بس نظيف استخدام راعية وكالة باعة محتد ب 59 الف

[عاشق الربع313]

الاكستيرا ماشفت احد ذمه بس ان شاءالله الاخوان يفيدونك
والعذر والسموحه منك

[غالي يا غالي]

مستعملة ارخص من الاف جي واحلا للعائلة من الاف جي
ولا تنسى الاستخاره

[كاره الفورد]

القير الاوتوماتيك ابيه قير عايدي مابيه

حياتي كلها راحت هدر للقير الاوتو ماتيك تبوني الحين اقلب قير عايدي عشان اراجع المستشفيات من اوجاع الركب هههههههههههههه

بطلع بكرى بدور عليها واشوف

بس هو كيف ينقز مثل الجيب الشاص لاني متعود على الفورد منذ مبطي وراح يتغير علي الوضع

[ابومضاوي22]

اعرف صديق لي عنده جيب فيتار سوزوكي : تصدق ان مقاس الكفرات خاصة وقليله بالسوق ما تلقاها ووجد صعوبة في الحصول عليها ؟؟ والله انصدمت من كلامه

تاكد هل هذه السيارة قطع غيارها متوفرة

تحياتي

[الصــرح]

أحد معارفي إشترى جراند فيتارا

ومن رحلة واحد لمنطقة بحرة

الواقعة بين جدة ومكة المكرمة

كرِه السيارة وأعطاها لأحد أبنائه

السيارة سيارة مدينة وإن كان شكلها

على هيئة جيب

مجرد نصيحة : شركة بامعروف بئيسة

إذا كان ولابد فعليك بالراف فور

[كاره الفورد]

نسيت اسئلكم

هل فيه احجام للمكينه

ولا كلها مكينه بس اللي يفرق المواصفات

يعني مثل الاكسبلورر الغبي تبداء اسعاره من 80 لحد 128 والمكينه والمحركات وحده بس اللي يفرق المواصفات

[كاره الفورد]

هل تنصحوني اكستيرا استخدام امريكي ؟

[غالي يا غالي]

الاكستيرا متوفر قطع غيارة 100 %

ومكينة وحدة بس 4000
290 حصان

[غالي يا غالي]

امريكي لا
خذ سعودي مافرقت 6000 ريال

[كاره الفورد]

امريكي لا
خذ سعودي مافرقت 6000 ريال

يعطيك العفيه يابطل

راح ادور على استاندر عشان ارخص دام المكينه وحده مافرقت معي

[غالي يا غالي]

بس الاستندر تنقصة بعض الكماليات

دعسات جانبية - سلة علوية - مثبت سرعة - جنوط كروم -
وهي زي ماقلت كماليات
ماهي مهمة يمكن بس الدعسات الجانبية ضروروية بحكم ان الموتر رفيع

[كاره الفورد]

بس الاستندر تنقصة بعض الكماليات

دعسات جانبية - سلة علوية - مثبت سرعة - جنوط كروم -
وهي زي ماقلت كماليات
ماهي مهمة يمكن بس الدعسات الجانبية ضروروية بحكم ان الموتر رفيع

اخو فالله طويل هههههههههههه

اهم شي عندي قوة المكينه باقي الاشياء ماتهم

على العموم يعطيك العافيه على تفاعلك معي واتعبتك

بس يبيلي فتره الف وادور لاني استخدام الشعب عندنا يخوف ومو اي واحد راح اشتري من عنده وعلى بال ماادبر المبلغ بصير كل اسبوع انزل وادور على روقان ويمكن افكر فالامارات اذا فيه ارخص

ويعطيك العفايه يابطل

[aborajwa]

انت تبي الشور انا اقول حط ضمن خياراتك الباجيرو الربع .. صح قطع غيارة غالية لكن يكرف كرف مو صاحي وبقد فلوسك تلقى موديل حديث لان سعره ينقص عند البيع حتى لو جديد .. وفيه كماليات واكسسوارات روعة ويجي قير اوتو صدقني ما تندم لان مداحه واجد . بعدين شكله رزة .

[كاره الفورد]

انت تبي الشور انا اقول حط ضمن خياراتك الباجيرو الربع .. صح قطع غيارة غالية لكن يكرف كرف مو صاحي وبقد فلوسك تلقى موديل حديث لان سعره ينقص عند البيع حتى لو جديد .. وفيه كماليات واكسسوارات روعة ويجي قير اوتو صدقني ما تندم لان مداحه واجد . بعدين شكله رزة .

بدينا بلحست المخ هههههههههه

على العموم وكيل باجيرو خدماته سيئه مره مره ويقولون انه محد يعرف يسوي له صيانته

وانا دورت عليه بس كلها محركات 3000 ماتوكل عيش ولاعبين فحسبتها

ابي محرك 3800 انا عندي وقت طويل ابحث واشوف اللي فيه الخيره ويعطيك العافيه على مرورك الجميل ياجميل

[Abusliman]

الاكستيررا بططل وغالبية المستخدمين يمدحونه
بس بتعااااني وانت تدور اكستيرا مكسر ولا نظيف
لاني اعرف واحد كان يدور اكستيرا مستعمل يقووول تعبت وانا ادور ما لقيت هالكلام بمعارض النسيم
بس ما فيه زي الوكاله
والباجيرو قطع غيارهـ نار ابعد عنه
واذا بتطلع وكاله نصيحه تويوتا يعضض قيمته عضض

[المغيسلية]

نصيحة مجرب لاتاخذ السوزكي ولا تقربة انحش
من ناحية التحمل فهو يتحمل لانه حمار كده لكن عيوبه كثيرة وقطع غيار نار يعني عادي تصلحه بثلاث آلاف اربع الاف شي عادي ثاني شي طامن مره يعني عادي يحك حتى حتى ببعض المطبات الصناعية

[سلكي نت]

ابعد عن السوزوكي
هذي شركة دبابات ومناشير خشب
شوفلك سياارة متوفره قطعها ومنتشرة بين الناس حتى لو احتجت قطع ماتحتار تلقاها بالتشليح
انتبه تاخذ سيارة مو منتشرة وربي لتبلش بالقطع خصوصا وان الوكيل ما يحضر القطع الا بالطلب خصوصا قطع مثل القزاز والاسطبات ام الفحمات (الاقمشه)اكيد بتلقاها عنده
واذا ملزم على جيب صغير وقير اتوماتيك شوف الباجيرو المتسوبيشي الربع حليل وسعرة اقل من غيره ولكن القطع ماهي بعيده عن السوزوكي بالغلا لكن على الاقل متوفرة لدى الوكيل ومتوفرة بالتشاليح
ولكن مثل ماقلتلك روح الوكيل وسعر القطع مثل شمعات اسطبات مساعدات اقمشة فرامل سيور مروحة ..... الخ ولا تنسى القزاز اعتقد متوفر عند القزازين ولكن مرهم وشوف
وهذه صورته وعلى فكره ترى بالكويت منتشر بقوة وكذلك بالامارات وبالبنزين اقل من التايوتا والنيسان وهو ياباني اصلي تصنيع وتجميع على ما اعتقد
http://www.ahgwa.com.au/vehicle_images/gallery/Pajero-401.jpg
http://www9.0zz0.com/2010/05/29/20/406473844.jpg
http://uaesm.maktoob.com/up/uploads/85fbcbd900.jpg
http://www.t63ys.com/pictures/pictures01/pictures-hill-climb/alm7lyah/12-01-1430/mitsubishi-pajero-2.jpg
http://www.t63ys.com/pictures/pictures01/pictures-hill-climb/alm7lyah/12-01-1430/mitsubishi-pajero-1.jpg
http://img215.imageshack.us/img215/9158/img0024xr.jpg

والله يكتب لك الخير .... ولا تنسى الاستخارة
وفقك الله

[هاجر الود]

لاتتعدى الأكستيرا بختصصصصصصصصصصصصصصصصارررررررررررررررررررر شددددددددددددديد ..........

[Abo-ibrahem]

مالك لوا
الباترول اعبي فل ويجلس معي اربعه ايام وبعض الاحيان خمسه ايام والقطع ماراح تحتاج قطع ان شاءالله اذا طحت بشي نظيف وهذي نصيحه مني لا تتعدا الباترول

بعد اذن صاحب الموضوع

ما ادري كيف بعض الاخوان يحسبون الصرفيه بالايام ..!!!

استخدام الواحد اليومي مختلف من شخص لشخص والاستخدام اليومي ماله متوسط معين حتى يقاس عليه :)