من العايدين ...والله يجعل كل أيامكم عيد وفرحة يارب ...مجرد استفسار

[أحمدالخيل]

عااااااااااااااااااااااااااااااجل جدا .....

إخواني الله يحفظكم ياليت تفيدونني بطريقة استخدام قدر الكاتم ((قدر الضغط)) في الطبخ ...لأني طالع كشتة اليوم الليل وما أعرف عنه أي شي أخاف ينفجر ولا يصير شي .... وياليت تفيدوني بالتفصيل الممل جعلني ما انحرم منكم
والله يعطيكم الف عافية..ومشكورين مقدما

[أبوسليمان السهر]

أخوي الله يعافيك بالنسبة للحم او الدجاج كلً وحسب طريقته بالبداية
تقطع البص والطماطم والثوم وتحمس الكل بزيت خفيف لاتكثر مافيه
زود فائدة حتى يتحمر ومن ثم تضع الدجاج وتقلبه حتى يتجانس
ومن ثم البهارات والملح والمعجون على حسب مزاجك وكيفك
ومن ثم صب عليه الماء واكتم ياكاتم لمدة 18 -20 دقيقة
وبعدها تقوم بإضافة الرز وأهم شيء يكون الرز منقوع ومغسول
جيدا وتمام التمام وقم بوضعه داخل القدر والماء يكون فوق الرز مقدار
مفصل إصبع (أنت وعلى حسب حجم إصبعك):D
واكتمه لمدة 8 دقائق على نار متوسطة وبعدها هدئ النار واتركه
لمدة 10 دقائق وبعدها افتح وشف شغلك كيف يكون وبالهنا والعافية

[أحمدالخيل]

الله يجزاك الجنة أخوي أبو سليمان ويعطيك الف عافية كفيت ووفيت وبيض الله وجهك