على كلام اهله الاولين

[sbider2002]

ياجماعة الخير انا شريت طير من منتدانا من رجال الله يستر عليه وكان كاتب انه صايد الحبارى والكروان والسوادي والارنب وكل شي كاتب على كلام اهله الاولين ؟؟؟؟

الكلمة هذي سارت دارجه وستار يتستر به بقوله على كلام هله الاولين واشوف ان الكلمه هذي يجب ان تؤخذ بعين الاعتبار اما رجال يقول صايد كذا وكذا ولا يقول مجهول اما انه يرمية على ناس راحوا في حال سبيلهم فهذا اشوف انه ماله داعي يالربع اذا كلامي فيه غلط قولو غلط واذ كلامي صحيح ياريت تبينون لي رائيكم وشكرا

[حامد الحنيني]

السلام عليكم ورحمة الله وبركاته
صباح الخير
معك حق اخوي فيه ناس الله يستر عليهم ليا لزق الطير
بحلقه قال على كلام اهله الاولين يبي يمشي سلعته بالمنتدى وبغيره
لاكن اللي يقول على كلام اهله الاولين قله وانا اخوك ابي رقم اهله الاولين
قبل لا اشري ابي اخذ علوم الطير منهم رأسا لأنك ياصاحب الطير
لو يصير مايصير في علوم الطير تقول انا قلت مع اهله الاولين ولا امسك بشئ
والله يرزقنا وياكم بالطير الطيب
تحياتي لك.

[skeet]

اخوي انا اشوف انه الي يقول علي كلام اهله الاولين مااخطاء الرجال هاذي علومه عند اهله يمكن مايتستر علي كلامك بس مافيها شي اذا سالت عن اهله الاولين وتاكد بنفسك انت حر وهاذي علوم عند اهله ماهي عنده وهو ماله ذنب ماشاف شي عند الرجال الي عارضه وماقنص فيه وتقبل مروري

[سلاااامات]

طيب سؤال هل الطير اللي شريته من العضو اللي بالمنتدى فيه شي يعني فيه عذاريب ياليت توضح أكثر

وأعتقد كلام أخوي حامد الحنيني في محله

[راشد حسين]

اخوي كلامك مضبوط

ولاكن انت عليك حق كان قلت للرجال عطني رقم جوال اهله الاولين الي صاد معاهم

افضل من انك تاخذه على كلام الرجال وانت ما تدري الرجال كلامه صدق ولا لا

[خلف الفار]

السلام عليكم ورحمة الله
اخي من طرح السؤال / اذا كان الشرط على كلام اهله الاولين والطير معجبك
سمه سوم مجهول في خاطرك يعني عطه القيمه اللي انت راضي بها لمجهول

[جـرح الشمـال]

[QUOTE=حامد الحنيني;7214882]
السلام عليكم ورحمة الله وبركاته



صباح الخير
معك حق اخوي فيه ناس الله يستر عليهم ليا لزق الطير
بحلقه قال على كلام اهله الاولين يبي يمشي سلعته بالمنتدى وبغيره
لاكن اللي يقول على كلام اهله الاولين قله وانا اخوك ابي رقم اهله الاولين
قبل لا اشري ابي اخذ علوم الطير منهم رأسا لأنك ياصاحب الطير
لو يصير مايصير في علوم الطير تقول انا قلت مع اهله الاولين ولا امسك بشئ
والله يرزقنا وياكم بالطير الطيب


تحياتي لك.
كلام صحيح اؤيد بقوه :good2:

[الجراح11]

نصيحه ...اشتر نظر لا تشري علوم( اما انت شايفه والا رجال تعرفه زين ويبخص الطير) .

[sbider2002]

كلامكم في محله بس المشكله اذا عطاني رقم واحد من الشارع وقال هذا راعي الطير والاخ الثاني جلس يمدح ويخيط ويبيط؟؟؟؟
بصراحة اخذت درس من الشراء في النت لاني كنت اعتبر الناس زي بعض ورجال وان الرجل مايقول الا الكلمة اللي في محلها وكلامه ثقة ..... مادريت انه فيه ناس ماتخاف على سمعتها وتخاف من ربها ؟
تكرم الحاكم وشواربكم عن الامثال هذي
تحياتي

[هاوي بر و صيد]

من عرض الطير يقول اللي عنده واللي عارفه
اما اليشتري الطير المفروض يتبع قناعته ونظره
وان حب يتاكد يطلب رقم اهل الطير الاولين ويزيد معلوماته عن الطير منهم
مع حسن الضن بنيات الجميع والاخذ بالاسباب للتاكيد والاطمئنان
وتحياتي

[طير الهقاوي]

السلام عليكم ورحمة الله وبركاته

كلامك واقع واسال الله ان يجعل صادقون فما يقولون
نحسبهم والله حسيبهم
تقبل مروري طير الهقاوي

[sbider2002]

اشكر تفاعلكم وكلامك وكلامكم عين الواقع ولاكن ياريت يكون فيه طريقة صحيحة احلى من كلمة يقولون

[روزفلت]

خل عنك قولة كلام اهله
دق على اهله كان بغيت تاخذ زود علوم
انت قبيلك البايع مهوب اهله الاولين
كان اللي بيبيعك يعرف اهله وياثق بكلامهم فهو بيبيعك ويشرط
اما اذا كان مشتريه من سوق والا اوادم مامن امور ماهوب شارط
ويبين الطير قيمته
كانه ذابح وثبات ماتحطه بيدك رخيص
لكن ولم الشهود والا ورقه لاجل اذا بغى يحوص بذيله
اما ان كان باعك رخيص اعرفه انه ماذبح والا معيوب
وسلامتك

[أبوعابد 22]

كلامك صحيح ولا يختلف على أثنين

[ABN-DSHIN]

اغلب الكلام والآراء اتفق معها

[مغاتير]

اخوي الغالي السلام عليكم ورحمة الله وبركاته
تحملني شوي اول شي وانا خوك الغلط منك اول شي يا انك تشوف جناح الطير
او انك تشتريه عليه شروط او تشتريه بسعر. المجهول لانه فيه بعض الناس مشرين طير لاكن ماشاف شي عنده
او جا يبي يبيعه انت تقدر انك اتجربه تبي توقلي شاريه من المقيض المفروض تسجل عليه ورقه ولاتحط بينكم شهود
لانه يمكن انه الرحال ماهو صدوق او انه مايعرف صقارتك ويبي يبيع الطير وهو ماخذه علي الشرط او خايف انك ماتصقر الطي عدل ولاقصورن فيك وانا انصحك من واقع تجربه اكثر من ١٠ سنين بالبيع والشرا لاتشتري سمك بالماي تقبل مروري واسمحلي علي الاطاله

[عبدالرحمن بن ذياب]

معك حق بكلامك و عداك العيب

[sbider2002]

بالعكس انا اتحمل كل صغيرة وكبيرة ولو اني مابي ارتقي في طريقة البيع والشراء عن طريق موقعنا ماجبت الخبر هذا واكتفيت اني اكنه بصدري ولاكن اثرت الموضوع لكي يستفيد الكل وابي ابين للناس ان اذا قال البائع يقولون لايشتري الا بقيمة مجهول وكلامكم كله درر وبيض الله وجيهكم

[أبو أمين]

اشتري طير ما صقر

ولا بيتي من عند رفيق وريح راسك

[sbider2002]

بس مع ثورة التكنلوجيا العصرية سار كل شي عن طريق النت واشتر وانت في غرفتك وسار الواحد يتكاسل حتى من الذهاب للسوق ونبي نغير الصيغة اللي مالها داعي في لغة بيع الطيور تحياتي

[لبيه يمنادي]

من خلال تجربه مريت بها الموسم اللي طاف في سوريا ....
اتفقت مع احد الاخوان السوريين في الرحيبه علي شراء طير شاهين فرخ كان السوري مشتريه من احد الاخوان القطريين فقالي الريال ان الطير فيه سبق فارط والطير قانص الكراوين علي كلام راعي الطير الاول ... وانا اعرف الريال السوري صادق .. فقلتله اذا ماعندك مانع تعطيني رقم الريال راعي الطير الاول .. فقالي ابشر اخذت رقم الريال واتصلت عليه وخذت اعلو الطير كلها ... وفعلن خذت الطير بنفس اليوم والله وفقنا بهدد علي كراوين .. وهديت الطير وشفت فعله ... والله ان الاخوان الاثنين ماقصرو .. وكان كلامهم عن الطير في محله ... والله ايبيض اوجيهم ...

المراد من القصه كلها .. مافيه مانع اذا الواحد قال علي اعلوم هله الاولين ... خذ رقم راعي الطير الاول واتصل فيه وخذ اعلوم الطير ... وعط الطير حقه وابشر بالعشاء ..

[sbider2002]

والله ياجماعة الخيب ماخلا للطيب نصيب والنت يجمع الكل واصبح الغش واللعب كثير وسلامتكم

[طير الجنوب]

اذا قال لك كذا وهو عاجبك الطبر
اشتره على انه مجهول

[قناص2000]

ياخوي اللي اوله شرط اخره نور (يعني شرط عليك ان الطير صايد كذا وكذا يعني يلزمه ما قاله من الشرط ملزوم عليه اما اذا قال علوم اهله الاولين يعني يأخذ الطير على انه مجهول لانه ما شاف فعل الطير قدامه . واذا اختلف احد الشروط تبطل البيعه يلزمه رد المبلغ ) هذا من وجهت نظري والله اعلم وسامحوني والله يعطيكم العافية.وتقبلوا مروري.

[الكعمي]

كلام عين العقل وانا اعرف واحد كل ماتكلم عن شي قال معي رحمة فلان ورحمة فلان والناس ان شاء الله صادقين بس عينك ميزانك على كلام اهله الاولين

[الصامل_]

الكلام واااجد لايغرك وحسبي الله على اللي يكذب

[ابوعزيز2007]

انا مع اخوي حامد

[ابن حـنيف]

والله ياخوي سبايدر

البارح انا واخوي الاشعل احد اعضاء مكشات

نتكلم في هذا الموضوع

واتفقنا على مثل ما قلت

وختمنا الكلام بأن اللي يقول لك على كلام هله الاولين يعني = طير مجهول

من يوم يقول على كلام هله الاولين

وانا ابرمج نفسي ان الطير مجهول


وعندي ان الواحد يقول مجهول ازين من يقول على كلام هله الاولين


تحياتي ..

[البرنس الليبي]

هاااااااااام :
طيب إذا جاك الطير هديه من إنسان يعز عليك ويقل انه صايد ..هل ترضى تعطي رقمه لكل شراي ..؟ طبعا لا لسببين :
الاول يقول انك غير واثق فيه وفي كلامه
الثاني انك تسبب له إحراج وازعاج .
انا اعرف رجال يبيع طيور مجهوله وتصيد مع اهلها وإذا سألته قال الطير ماصاد معي مع ان اهله الاولين يقولون صايد لكن انا ما ابي ادخل في ذمتي شي .

وجهة نظر .

[مطامر]

اتفق مع كلامك يالذيب بس من خبره انتبه واحذر من بعض الكلمات اوالجمل مثل يقولون اوماعرف راعيه الاول اوضيعت تلفونه وماشرطلك شي وسعره غالي ومجهول وعمره كبير
اما بالنسبه للي يلحق واللي يطلع فالغش والعياذ بالله على كيفك يتفننون لان فيها رفع السعر يكون هو مطلب الغشاش وكل واحد يفسر اللحوق والطلع ويصنفه على كيفه مع انهن واحد وليس عليه اختلاف هؤلاء ياخي العزيز اذوا المسلمين بكثره ولكن ابشرك انهم قله قليله نسوا الله فانساهم انفسهم ونسوا قول الله تعالى
ويل للمطففين وويل اعاذنا الله واياكم منه وادي في جهنم والمطففين هم الذي يزيدون وينقصون في الكيل والميزان ويدخل في هذا الغش والتطفيف في وصف السلعه مثل الطيور
وقول الرسول صلى الله عليه وسلم من غشنا فليس منا ومعناه ان الغشاش في بيعه يخرج من ملة الاسلام والمسلمين ×
اخي العزيز مر بنا ماذكرت واعرف ماتقصد والمشكله الكبرى مشترى الطير لو كان غالي الثمن والمصيبه انك وثقت في رجل صقار وثبت لك انه مخادع وكذاب مع ان اهم صفه في من يمارس هذه الهووايه هي الرجوله والصدق والامانه عموما ارجع اقول انهم قله وارجال شرواك ومن يقرا فيهم الخير ومانقول غير الله يهدينا الى مايحب ويرضى وشاكر للجميع سعة صدرهم

[اقدم صقار]

اخوي انا اشوف انه الي يقول علي كلام اهله الاولين مااخطاء الرجال هاذي علومه عند اهله يمكن مايتستر علي كلامك بس مافيها شي اذا سالت عن اهله الاولين وتاكد بنفسك انت حر وهاذي علوم عند اهله ماهي عنده وهو ماله ذنب ماشاف شي عند الرجال الي عارضه وماقنص فيه وتقبل مروري





صح الله لسانك وبيض الله وجهك انا اشهد ان كلامك وافي وما عليه تعقيب .
وتقبلوووو مرووري

[مخلاب خامس]

كلام عين العقل

حدٍ الطير ماشفت فعله وعلومه معك ، ولا صاد وعايفٍ الحباري والكراوين وغيرها بعتبر طير مجهول ولاله اي داعي انه يرتبط باهله الاولين ، كلمه هذي اكبر تصريفه
وصلى الله على سيدنا محمد

[أبوفرحان]

ماقصروا الاخوان في الردود

[sbider2002]

كلام عين العقل

حدٍ الطير ماشفت فعله وعلومه معك ، ولا صاد وعايفٍ الحباري والكراوين وغيرها بعتبر طير مجهول ولاله اي داعي انه يرتبط باهله الاولين ، كلمه هذي اكبر تصريفه
وصلى الله على سيدنا محمد
بيض الله وجهك لاني قهرني يوم جيت اللومه قال هذا كلام اهله الاولين وانا مالي دخل اجل من اللي له دخل

[sbider2002]

والله ياخوي سبايدر

البارح انا واخوي الاشعل احد اعضاء مكشات

نتكلم في هذا الموضوع

واتفقنا على مثل ما قلت

وختمنا الكلام بأن اللي يقول لك على كلام هله الاولين يعني = طير مجهول

من يوم يقول على كلام هله الاولين

وانا ابرمج نفسي ان الطير مجهول


وعندي ان الواحد يقول مجهول ازين من يقول على كلام هله الاولين


تحياتي ..



عز الله انك قلت الكلام اللي يجمد على الشارب اجل ياجماعة اللي يقول على كلام اهله الاولين معناته طير مجهول ولا ينسام على كلام قال وقيل وهذي الزبدة اللي طلعت فيها وبيض الله وجيهكم