بنتٍ دورَه دورٍ ثبت ( جديد ) .................... حله ( الكنور ) .. الحل ( الحسره ) [الأرشيف]

مشاهدة النسخة كاملة : بنتٍ دورَه دورٍ ثبت ( جديد ) .................... حله ( الكنور ) .. الحل ( الحسره )

ابو ماجد 2

01/09/2011, 01:36 PM

بسم الله الرحمن الرحيم

السلام عليكم ورحمة الله وبركاته

بنتٍ دورَه دورٍ ثبت =تحت الري وفوق النبت
وان كان في وصفي ارتبت=جيتك يالغالي بالزود
لو انك راعي بهاسه=ماتعرف راسه من ساسه
بنتٍ قديمٍ مراسه=في وقتها تعطي فود
بنتٍ على اللي تحملها =فيها مثالٍ يشملها
ابرد00 في صدرك كملها=اسمه بالباقي موجود

مع تحيات ابو ماجد

منتديات مكشات 0 خيمة الالغاز

الدوسرية

01/09/2011, 03:29 PM

صح السانك ياخوي
وش رايك بصفة الصبر لان الي يصبر ابرد من الثلج

مسيرs

01/09/2011, 03:55 PM

حييت يافخر الالغاز وعيدك مبارك
تحريك..لولا البيت الاخير لقلت فلانه التي كسرة أو قصمت ظهر البعير؟؟

ابو ماجد 2

01/09/2011, 04:53 PM

صح السانك ياخوي

وش رايك بصفة الصبر لان الي يصبر ابرد من الثلج

صح بدنك اختي العزيزه
والرمعه ماصادت
انتظر القادم

ابو ماجد 2

01/09/2011, 04:55 PM

حييت يافخر الالغاز وعيدك مبارك

تحريك..لولا البيت الاخير لقلت فلانه التي كسرة أو قصمت ظهر البعير؟؟

هلا بك يابو معاذ
وعيد سعيد على الجميع
القشه
مالك لوى يالغالي
انتظر مرماعك القادم

الحناوي

02/09/2011, 12:23 AM

الكنور

02/09/2011, 01:17 AM

صح لسانك يبو ماجد

وش قولك باللى تشيله الروايه الحرمه اللى تسق الماء الظاهر انه القربه والمثل عليه

تحياتى

ابو ماجد 2

02/09/2011, 01:29 AM

صح لسانك ملايين يامبدع،،،

وشهادتي فيك مجروحة ياجدي الغالي،،

ابداع وتفوق ماشاء الله عليك،،

ترا قسمك محفوظ يالزعيم،،،

واسم اني مريت ولو انه مالي علاقة بالزراعة وش رايك بـ "المذراة" ؟

ولي عودة فديتك،،

هلا ومليون هلا بالحفيد
وترى طلع لك منافسين
اليوم اكلم ابو اسامه ويقول لي ( انا حفيدك طال عمرك )
صح بدنك يالغالي
والف شكر لكلمات الثناء ولو ان كل حفيد بجده معجب
بارك الله فيك
والرمعه ماصادت ولا تجرك بعض الكلمات الري والنبت مع ذلك قد لايكون له علاقه بالزراعه

ابو ماجد 2

02/09/2011, 01:41 AM

صح لسانك يبو ماجد

وش قولك باللى تشيله الروايه الحرمه اللى تسق الماء الظاهر انه القربه والمثل عليه

تحياتى

والله ان مثل هالمراميع تحرج
ان قلت مالك لوى ظلمتك
وان قلت قريب لقطه غيرك وانت قاب قوسين من الحل
ولكن اقول صح لسانك ملايين
وهي بشكل ادق
الحسره
تشبه العقال تضعها الروايه بين الري وهو القدر الذي فيه الماء وبين النبت وهو الشعر
ومهمته وقاء للراس
ولتثبيت قدر الماء فوق الراس
وحاملته تسمى روايه
والمثل ابرد من ...الروايه
يطلق على الشخص البارد الذي لاينفعل ولا يتحرك
والمثل حقيقة دقيق وبليغ
فالروايه عادة مؤخرتها عرضه لتساقط ماء القدر ولذلك يضرب فيها المثل بالبرود

أبو رافع الظاعن

02/09/2011, 01:46 AM

تسجيل إعجاب يا فارسنا زادك الله من فضله

ومتعنا بك متاعاً حسناً...

وكفووو يا أبا منصور !!

وضحكت على قولك : يلقطه غيرك !!

لأنه واقع !!!

الكنور

02/09/2011, 01:52 AM

صح بدنك يبوماجد وصح بدنك يبو رافع

تحياتى

ابو ماجد 2

02/09/2011, 02:00 AM

تسجيل إعجاب يا فارسنا زادك الله من فضله

ومتعنا بك متاعاً حسناً...

وكفووو يا أبا منصور !!

وضحكت على قولك : يلقطه غيرك !!

لأنه واقع !!!

هلا بك عميدنا
واعجابك محط فخر لي
وتعقيبك بعد مانحل اللغز تفرحني
عميدنا الغالي طبعا نحن نقول لمن وصل للحل صح لسانك وهذا حقه علينا
ولكن من قطع بالحل مشوارا مابقي الا يفضخ عينه حسب رايي له الحق بان يعطى الحل
فالمرماع الذي يليه سيستفيد من مرماعه ويصل للحل بسهوله

الحناوي

02/09/2011, 05:29 AM

ابو ماجد 2

02/09/2011, 05:35 AM

صح لسانك ملايين ياجدي،،

وكفو والله ابو منصور يستاهل ،،،

وشغلك عدل يالزعيم ، عز الله انك عدلت، وابو منصور اجتهاده طيب ماشاء الله عليه حتى لو ماعرف الاسم
فهو يعتبر وصل للحل ،،

وانا الحفيد و"حقوق الطبع محفوظة"، قل لبعض الناس يعقلون :)

دمت بكل ابداع

صح بدنك يالغالي
والحمدلله انكم وافقتموني على مانهجته حيال مثل هذه المراميع
وما عليك يالغالي ابو اسامه بس يحاول يصغر نفسه
والحركات هذي ماتنطلي على جدك

الكنور

02/09/2011, 05:40 PM

الله لايهينك اخوى الحناوى (ابو اسامه) وماعليك زود ياغالى

تحياتى