المساعد الشخصي الرقمي

مشاهدة النسخة كاملة : كم صنف تستطيع طبخة بالبر في الوجبة الواحدة


حد السيف
24/01/2006, 10:47 PM
السلام عليكم ورحمة الله وبركاتة

اخواني من كثرة مشاركات الاخوة وخصوصا انة بدى على سفرة مكشات حاليا اكثر من صنف ووصفة

مثل بامياء وواحد حاط قبل فترة الملوخية

حبيت اسئلكم كم صنف وطبق غذائي تستطيع طبخة في الوجبة الواحدة

لك تحياتي

ونبي نشوف مواهب الشباب
دسم الشوارب
25/01/2006, 02:02 AM
يا طويل العمر المسأله هنا تتوقف على الاذواق
بعضهم يغير من وجبه لوجبه وهذا هو الأفضل
يعني مثلاً :
الغداء كبسة لحم
العشاء بسابيس
الفطور قرص
والله يا فيه بعض الناس يقهرونك
الغداء مقلقل دجاج
العشاء كبسة دجاج
الفطور بيض دجاج
الله يديم النعمه .أنا ما أقول اني أكرهه . لكني ما أحبه هو ولا النواشف
وبالنسبه لسؤالك/ كم صنف وطبق غذائي تستطيع طبخة في الوجبة الواحدة ؟
أنت حر في الغدا والعشا لكن الفطور لاتلعب فيه
اما قرص ولا كبده ولا مراصيع( ولا نواشف كاني انحديت) وأحيانا بسكوت نخاله
وبسكوت النخاله هذا ابديه على كلش ..ممتاز وأحبه
وبالنسبه للطبخات اللي تقدر تسويها في البر واجد منها :
الكبسه
المقلقل
القرص
المراصيع
الكبده وملحقاتها القلب والريه والكلى وذاك وذاك
القرصان
مرقة الخضار
العدس
شوربة الشوفان
الفول
المعكرونه
المشوي
الشكشوكه
المصقعه
الجريش (اذا ما كنت مستعجل)
وأرجو أن أكون قد فهمت السؤال حتى تصح الاجابه
والسلام عليكم
اخوكم / دسم الشوارب
حد السيف
25/01/2006, 11:38 PM
ماشاء الله عليك دسم الشوارب
اذا ربعك كل واحد يبي طبخة
وش تسوي
وكيف تتصرف
دسم الشوارب
26/01/2006, 02:30 AM
والله في هذي الحاله اسوي تصويت و الطبخه اللي تحصل على أصوات أكثر تكون هي اللي راح نسويها
وإذا كان التصويت غير منصف ( يعني كل واحد على حده ) أختار الطبخه اللي تنطبق عليها الشروط التاليه :
1- ان لاتكون مكلفه من ناحية الجهد والوقت
2- ان لاتكون تستهلك الكثير من المكونات
3- ان يوافق الشخص الذي اختارها على غسل الصحون
وإذا لم يوافق أحد على الشرط الثالث ذيك الساعه أطبخ اللي في راسي
موب مخي لاتفهم غلط :eek: :D
يعني اللي في بالي :good:
والسلام عليكم
سحاب1111
31/01/2006, 11:47 AM
السلام عليكم
الحقيقه اهم شى هو اتفاق المجموعة والوقت المتاح

ولا الشغل خذ طباخ ولله الحمد
الدهماني
31/01/2006, 12:36 PM
والله ياخوك ماهنا إلا نوع واحد على الغدا ويحمدون ربهم الشباب

وحنا عندنا وجبتين باليوم المكشاتي فقط

فطور متأخر (9.30) وهذا يكون أكثر من نوع ( لأن الشباب يكونون متقهوين وشاربين حليب وبخصم(كعك) بعد صلاة الفجر

وعقب العصر يكون هو غدا وهو عشا ونوع واحد بس