شباب انا ماني صقار لكن ابي منكم اجابة لاسئلة عندي ياليت تشرفوني

[حطاب الحطب]

ياهلا ومرحبا يالربع انا ماعندي خبرة لا بالصقور ولا غيره لكن انا هاوي طيور جارحة وودي اربي لي واحد واطقطق عليه ومع الوقت ادربه والله انا حاط ببالي نوع يمكن تضحكون علي :D
وهو العقاب انا همي الاول تربيه واستمتاع بعدين يمكن ادربه فما رايكم فيه هل هو يتدرب ولا وهل فيه بديل طبعا لا تقولون الصقر ياليت يكون نوع يتدرب ويكون متوفر بالقصيم

طبعا انا ابي اصيده بعشه ودي اخذ فرخ من العش عشان يانس علي بسهولة
المهم وش رايكم بالعقاب ووين تتواجد اماكنهم بالقصيم وياليت يكون قريب من غرب القصيم حول المطيوي الشمالي ولا حول الرس يعني بالمنطقة هاذي
وهل فيه بديل غير عقاب ويكون متوفر لا تقولون صقر الله يجزاكم خير
عساكم فهمتم علي

وجزاكم خير
:D

[راشد حسين]

اخوي والله من ناحيتي

انحش عن العقاب انحش

ما ينفعك بريال

وكانك تبي تتعلم مضبوط نص الموسم هذا لا تاخذ شي من الطيور

خلك معى الصقاقير وكل يوم اطلع معهم للمدعى(تستفيد خبره) وذا جاي

شهر واحد انجليزي خذرك وكري قرناس والقرناس يكون اهدى من الوحش (الفرخ)

وحاول تطبق مثل ما كانو يسوون الي كنت معهم في المدعى وشوي شوي لين تتعلم ان شاء الله

[حطاب الحطب]

اخوي والله من ناحيتي

انحش عن العقاب انحش

ما ينفعك بريال

وكانك تبي تتعلم مضبوط نص الموسم هذا لا تاخذ شي من الطيور

خلك معى الصقاقير وكل يوم اطلع معهم للمدعى(تستفيد خبره) وذا جاي

شهر واحد انجليزي خذرك وكري قرناس والقرناس يكون اهدى من الوحش (الفرخ)

وحاول تطبق مثل ما كانو يسوون الي كنت معهم في المدعى وشوي شوي لين تتعلم ان شاء الله

اخوي مشكور على الرد لكن الصقر لازم تشريه وغالي انا ودي واحد اخذه بيدي من العش طيب فيه بديل غير العقاب بس يكون متوفر بالقصيم وجزاك الله خير على الاجابة

[رامى السيد]

خوى العقاب تدريبه صعب اكثر من الصقر بكثير وعلى ما اسمع ان الكزخ ياخدو الطير فرخ من عشه ويدربه لسنوات وانت ماعندك حتى المبادئ يعنى بيكون اصعب بكثير بالاضافه الى ان الانواع الكبيرة من العقبان بيكون التعامل الخاطئ معها مؤذى للمدرب وربما كارثى بالاضافه الى ان طرائد العقاب طرائد كبيرة يعنى من الصعب عليك ايجادها لو تريد تربى طير يفضل صقر اى كان نوعه او قيمته (ممكن تحصل وكرى او تبع )وتنجح معاهم

[الشلاعي]

العقاب على حسب اللي عرفته من برنامج تدريب العقبان تاخذه فرخ ويحتاج اربع سنوات من التدريب .....وش تبي به؟؟ خذ لك ب1000 لو شبوط ابرك منه تهده على الحمام ...تقبل مروري

[بو عزه]

صح كلام اخواني الي ردو قبلي خذ لك تبع ولا وكري و روح مع بعض الصقاقير الي تعرفهم بنفس المنطقى الي انت عايش فيها و حاول انك تتعلم على خفيف و تطبق بعدين لحالك و شرط انك ببتعلم بسرعه و النت ما يقصر بهاذي الشغلات و الشباب الي بالمنتدى ما يقصرون و اذا احتجت اي شغله لا يردك الا لسانك و هذا رقمي 0548077421 عشان اذا بغيت تستفسر عن اي شئ

تقبل مروري

[رعد المطر]

فادوك الاخوان

[الظغط العالي]

سلامه عليكم ورحمه الله وبركاته


بالنسبه يخوي انك تبا عقااب ويكون غرب القصيم


صعبه

اذا تبا شئ لازم تبعد وتتعنا عشانه ما يجيك لين قريب البيت

وبالنسبه للعقااب صعبه

اذا معزم اطرح لك حداااه ههههههههههه وهي اصغر من العقاب بشوئ


واعرف رجاال دربهااا وفي خلاال شهر او اكثر يدعيها على التلوااح


بس بتكلفك لان علفهاا دجاجه كاامله فكر فيهاا



شد حيلك وتعرف على طوااريح ديرتكم واقنص معهم والله بيرزقك بالناادر ان شاء الله