الشتــــــــــــــا

[خوي راعي كيف]

من العجلة ماصدقت على الله يجي بس الشتا ويبرد الجو وتزين الفلة وتزين الروحات والجيات وتزين شبة

الضوية مع ربعك ومن يعز عليك والدله والبريق وقرقعة الفناجيل

مع اننا تونا في بداية الشتا بس الشفاحة مانقدر عليها ولكن ماقول الا الله يجيبك يالشتا بسرعه وتفكنا من

الحر وهموم الحر وغرابيله.


الا ليت الشتاء يعود يوماً = فأخبره بما فعله الصيف


وبالمناسبه اقدم الرابط يفيد الفلاليح (( المزارعين)) وانا داري اني مسبق بالموضوع بس عاد http://www.geocities.com/alngoom/shita.htm

مـــــــــــــــــــــــــشـــــــــــــــــــــتـ ـــــــــــــــــــــــــول;)

[فرد حمزة]

جزاك الله خير أخوي

والله يعافيك
وتسان المقصد الشفاحه كلنا الله لا يبلى مشفوحين على الشتاء :D

تحياتي لك ... أخوك فرد حمزة

[السمح]

إلا مشفوح ونص .. لعنبو بليسك اصبر شوي تونا بالخريف .. دوم إنك عجل الله يهديك كم صبرت ببطن أمك .. :D
تبي الصدق عاد الشتاء غير ، والبر بالشتاء يزين وتتغير الأرض والصحبة والأنفس .. وكمالتها إن جاب الله الوسم مبكر .. مهيب كايدة على رب الكون ( كن فيكون ) .. ياجعل الوسم يعم من الحجاز إلى الشرقية ومن الحدود الجنوبية إلى الحدود الشمالية كلها ، وعلى بلاد المسلمين جميع إنه على ذلك قادر فنعم المولى ونعم النصير .. اللهم أغثنا غيثاً هنيئاً مريئاً سحاً غدقا .. ونسأل الله أن ينزل معه البركة حتى نشوف البر بساط أخضر مختلف الألوان والأشكال ..
مشكور أبوفهد وجا الموضوع في وقته وكلها عشرة أيام ويدخل الوسم .. ومشكور أيضاً على الجدول الجميل على الرابط ..

[عبدالعزيز الدباسي]

حياك ربي ابو فهد .

يا اخي انا ما أدري ليه تحبون الشتاء ، برد ، ولا يقدر احد يتحرك ، ودايم متنافظ ، وبعضهم يجيه مشق ، وبعضهم تحمر خدوده ، وبعض متلفلف بفروه ولا بالقطب الشمالي ، وبعضهم يتعيجز يتوضأ لصلاة الفجر ، وبعضهم (ينحسر) بالليل ويحلف ما يقوم (طبعاً من البرد) داخلٍ في السليب باق ومسكر كل السحابات ومتلطم ما تشوف منه مبط ابره .

يا اخي احمدو ربكم ان عندكم الصيف ما مثله شغل المكيف وانبسط ، وان صار براد قصر على المكيف على كيفك ،،،،،،،،،،،:cool: :cool: :cool: ما نيب صادز

------------------
تسلم والله يا ابو فهد والحقيقة شهيتنا لطلعات البر والدوجان في الفياض والبران ،،،،،،،،،،، يا زينها من ساعة اذا جلست عند الضويه والدله مرتكزه والشاهي على النار وجالسن مع الاحباب (مثلك وشرواك) يسولفون ويتسامرون ويضحكون ،،،،،،،،،،، والله انها متعة ما بعدها حتى لو كانت درجة الحرارة 15 تحت الصفر .

[العزام]

السلام عليكم ورحمة الله وبركاته .
طبعا فيه ناس يحبون الصيف وناس يحبون الشتاء ولكن عندي ملاحظه على بعض الناس الذي يكره الشتاء أو الصيف .فاالله خلق الكون وهو المدبر له ولله الحكمه في جعل الشتاء والصيف .
فمثلا لو كان شتاء دائم لمل الخلق منه ولو كان صيفا دائم لمل الناس منه وابن آدم مايملا أثمه ألا التراب .
وثانيا- تمني مجيءالصيف أوالشتاء فهو من عمرك يابن آدم والأيام سايره لامحاله ,
فمن الواجب استغلالها بما ينفع ,والشتاء أنشاءالله قادم ومايدري الواحد منا هل سيلحق به أم لا,
ولكن أقول الله يلحقنا خير ويجي الشتاء وتحلى المكاشيت والروحات والجيات ,
اللهم أغثنا . اللهم أغثنا . اللهم أغثنا آمين آمين آمين . والمعذره أذا أثقلت عليكم. والسلام عليكم ورحمة الله وبركاته,

[خوي راعي كيف]

هلا وغلا اخوي فرد حمزه

عز الله انه شفاحه مير ماقول الا الله هم طولك ياروح على الحر :o ومشكور يابعدي والله والله يصبرنا على مابقى من حررررررر


هلا بعمي وغلاوالله ببوتركي

اه يابو تركي بس؛؛؛ بعذري لو صرت مشفوح غدي ابو ناصر يطيح اللي

براسه ويجره البراد هذا اول سبب يخلين اتشفح للبراد.وغديك انت الا وصلت الديار اللي حولنا تطول وتجي .

والله يعافيك يابو تركي والجدول من رابط اخذته من موقع لو اعرف اسمه ذكرته يعني (((مشتول الا شوي ))):D :D


هلا بالطيب الغالي عزيز وشوفتك منوه ابو عبد الله

شرفتنا ياقرم الرجاجيل عز الله تو ماحل البراد وزانت الفله؛؛؛ الله يحييك ويبقيك يابعدي وشرواك الطيب

ماالضاهر يابو عبيد انك تبي الصيف اكثر من الشتا صز انك بعض الاحيان ودك تطب بجفرة ضو من البرد

وعلى قولك : (وبعضهم يتعيجز يتوضأ لصلاة الفجر ، وبعضهم (ينحسر) بالليل ويحلف ما يقوم (طبعاً من البرد)

داخلٍ في السليب باق ومسكر كل السحابات ومتلطم ما تشوف منه مبط ابره) .


بس ماش ترجع خرمة للبراد. وبعدين يابو عبيد الصيف الا بغيته بعد طق المكيف على البارد والى بردت اقصر

عليه ;)

وبالحر الحين لو تقعد لحالك مليت. بس بالشتا اقعد لحالك ياطويل العمر وشب ضويك ومخمخ لك شوي وهوجس واقصد طال عمرك ولا احد يدريبك ;) واخرط الاول والتالي والله ان يروح الوقت وانت مادريت رايحن فيها من الهواجيس.

عاد ان جينا للصز عز انك راعي مسامر يابو عبد الله وسواليف والله يجيب الشتا اللي يجمعنا جميع انشا الله على خير .


العزام

حياك الله اخوي وجزاك الله الف خير وماقصرت واللهم امين وبالعكس يابعد قلبي هذي الساعة المباركه اللي تشرف بالموضوع.

[القماري]

أحلى ماقريت وكان علامة للسمح
متى على الله تنتهي جمرة الصيف -- ويهب من صوب الشمال البراد

[...الطوقي...]

الله يجيبك........يا مبعد عني ليتك قريب خل الليالي......سعاده وينك يالشتا تعال

[بينكي وبرين]

وش التوقعات على جدة؟؟؟