احسن مكان سباحه ومكان حداق في قطر ؟؟ [الأرشيف]

مشاهدة النسخة كاملة : احسن مكان سباحه ومكان حداق في قطر ؟؟

كبير النواخذه

25/01/2006, 09:53 AM

بوحور

25/01/2006, 01:40 PM

احسن مكان للسباحة ام بركة :D

واحسن مكان للحداق قبلة بس لاتودي معاك واحد حنان :director: ياكل قلبك ولا تودي معاك واحد كله يتحنطم :no:

كبير النواخذه

26/01/2006, 07:15 AM

حبيبي انت يابوحور
يعطيك العافيه على هالمعلومات القيمه والمفيده جدا جدا والمكان ممتاز
اتصدق اني صدت 70 كج سمك و 30 كج سباحه حتى ان النجال الي عندي ماشالهم

لذلك طلبت الطرادالمسمى (البانيو) حتى يشيل معاي السمك وهو الحين جاي في الطريق

تسلم تسلم وماقصرت

بس ابصراحه اني لحين مارحت المكان الي قلت لي عنه.........!!!:d

معذب الشعري

26/01/2006, 02:29 PM

السلام عليكم ورحمة الله وبركاته

والله يا كبير النواخذه بالنسبه لاماكن السباحه عندك وايد مثل الوكره والغاريه والدخان .....
اما الحداق عندك في الخور والشمال .....
وبصراحه انا ما اايد كلام بو حور لان رحلة البحر ما لها لذه بدون واحد حنان ولا واحد يتحنطم......
وجزاك الله خير............................................... ......................

حاقد على لخمه

31/01/2006, 12:59 PM

اول شى السلام عليكم اخوى كبير النواخذه

انا اشوف انه احسن مكان لسباحه على السيف فى قطر هو سيف الغاريه وهذا المكان بعيد شوى لكن حلو جداا الوصف (شفت خط الشمال تمسك الخط وتتوكل على الله وبعد 75 كيلو تقريبن بتجيك لوحه مكتوب عليها منتجع الغاريه تدخل الفه يمين وتكمل سيده بتجيك لفه يمين اتدخلك على المنتج اتركها وكمل سيده لين ما ينقطع الشارع ادخل حصى شوى بتحصل السيف قدامك وهو مكان حلو وبعد ينفع لصيد لان هناك فشت كبير اسمه فشت العارض وهاى الفشت يبعد 8او10 كيلو عن السيف

كبير النواخذه

31/01/2006, 01:23 PM

وينك يا ادفل

هذا اخونا حاقد على لخمه عطانا مواقع
وبعد اخونا جلف هنتر عطانا مواقع

قلت لك الناس مش سواء واصابعك مش سواء
ولا تقول كل البحاره مايعطون مواقع ...قول كثير منهم(ممكن)

يسلمو

اكليل

31/01/2006, 01:36 PM

انا من قطر--
1-اتمنى من الاخوان الي ايعرفون اماكن جيده ونظيفه حق السباحه (من السيف طبعا) في اي اي مكان في قطر
ان ايدلونا عليها -اتمنى وصف دقيق-يفضل ارضيه رمليه مش مدلخه

2-ايضا انا دائما انزل الطراد من فرضه الرويس-وسمعت كثير عن احداثيات لمحادق شمال بظلوف والمدينه ب4-6 كم بس مالقيتها لحد الحين --اتمنى من الي عندهم احداثيات مايبخلون علينا لان نزلاتي للبحر قليله لظروف عملي
--يفضل احداثيات قريبه 4-6 كم

الله لايهينكم

حيا الله قطر واهلها ....
اخي كبير النواخذه ....الله لا يهينك ... دور لي معاك على بعض الإحداثيات القريبة من أبا الظلوف مثل: " جزيرة ركن " و " راس ام قطاوه " و " أم صبّاح " و " عين العذبة " ولا تنسى تنعش روحك وتملأ صدرك بهوى الشمال على سيف أبا الظلوف .... ترى له نكهه خاصة.
اخوك ابو أحمد

كم منزل يألفه الفتى = وحنينه أبداً لأول منزل

كبير النواخذه

31/01/2006, 01:42 PM

الله ايحيك يا الاكليل
والله مثل ما انت شايف احنا ننتظر الردود والاحداثيات من الشباب
بس بالنسبه حق راس ركن ..نعم اعرفه...بس ياقي الاماكن الي ذكرتها ..اول مره اسمعها

وعر

01/02/2006, 10:56 AM

السلام عليكم يا كبير النواخذه

شوف طال عمرك

بالنسبه للأحداثيات اللي داخل البحر انا نفسك ادورها

اما بانسبه للأحداثيات للحداق والغزول من اليسف
موجوده عندي
في العديد وعندي شوي في الشمال
وبطلعهم في اقرب فرصه من القارمن

كبير النواخذه

01/02/2006, 11:18 AM

خلاص انتظرك ياوعر

تسلم

وعر

07/02/2006, 12:21 PM

السلام عليكم

اسمحلي ياكبير النواخذه على التاخير وهذا لضروف طارئه

وانا طال عمرك طلعت لك الاحداثيات من القارمن الا وهي

اماكن حداق في العديد

طعس الدهيمي
N 24.39.090
E051.25.743
(نيسر- بدح - شعري - جش - مطوع - الخ.........)

وعندك الله يسلمك معبر الديحه
N 24.38.098
E051.23.577
(مافيه غير البدح) وممكن تطلع الصقوع (المحار) من هناك . والصقوع مثل ماتعرف اكله البدحه المفضله.

القصار
N 24.33.382
E051.20.094
(هوامير-شعوم-شعري- نيسر-بدح)

طعس الشيراتون
N 24.34.393
E051.20.295
(بدح-شعري-سبيطي-هامور-وشعوم)

واذا بغيت الغزول
الغاريه
N 26.03.771
E051.21.489
(هذي الاحداثيه جنب شاليهات الغاريه-وانت طال عمرك اذا بغيت الصافي والقرقفان انصب جنب طوفه الشاليهات)

ام باب
N 25.12.334
E050.46.043
(وقف موترك فوق الاحداثيه بالضبط وحاول انك تسكر على الفشوت اللي هناك)
(سبيطي-بياح-نيسر-صافي-فسكر-بدح-شعري.....الخ)

اما بالنسبه للمساكر

مساكر راس ام حصاه
N 26.06.159
E051.21.521

مساكر ام الحول
N 25.06.949
E051.35.178

وهذي طبعا مب كل الاماكن اللي اروحها بس هذي الاماكن اللي رحتها من اخذت القارمن

وانشاله تستفيد منها

وتقبل تحياتي

أبومناحي

07/02/2006, 01:28 PM

لا والله وصفك دقيق

لأن هذا المكان زرته وسكنت بالفندق الي بجنبه

وعلة العموم مشكور وماقصرت

كبير النواخذه

08/02/2006, 07:20 AM

والله انك ماقصرت ياخوي وعر
جزاك الله خير

حاقد على لخمه

09/02/2006, 12:32 PM

بس ياالورع هذى الاماكن ممنوع فى قطر صوب لعديد لاتودى اخونا فى داهيه

كبير النواخذه

09/02/2006, 12:34 PM

طال عمرك الي ممنوع في العديد الغزول والخيه ..بس خيوط عادي
مع اني ماقد حدقت هناك بس ايقولون صيد مايحتاي

بودعي المانع

26/06/2006, 08:04 AM

ياوخوي ..انا مب مالاحداثيات وجهاز ..
بس في مكان لغزول ولا اروع ...في عريده ..او راس مطبخ (ثاني لفه يمين بعد ماتطوف مستشفى الخور)

عقب بتجيلك لفه يسار لفها ...وبعدها ...ثاني لفه يمين ..بتوصل بين شاليهين مهجورين ..في فرضه ...(لسان ) اخر مره نصبنا غزولنا ع راسها ..وبشكل التي ..ترا غزال يبيله سباحه ..
بس صيد ..ماتتوقعه ..

من المانطق الثانيه ..مريح ( محميه ذخيره ...داخل الشبك) قبل منجف العماني..
في مكان وايد حلو ..تروحله بالطراد ..كنك رايح المنجف ..كمل سيده .اذا الماي ثابره ..بتحصلك بندر عوود ..الربيب اهناك ولا احلا ..وينم وفسكر ..
اذا مادليتها ..عندك بعد المنجف ثاني بويا خضره عوده ..بتحصل البندر مقابلها ..بس ها ..حاسب ماتشوفه الا اذا اثبرت الماي

وفي مكان مارحته براس لفان صوب الشاليهات ..يسمونه البويات الاربع ..

واذا تبي تنزل من ذخيره ..عندك بويه ذخيره ..
لاتفوتك ..ارضيه شعوم ..وصدنا والله سبيطي من فتره ..جايين روووس..

الله يحفظك ..واسمحلي عالى الايطاله

Alhzzen

26/06/2006, 06:34 PM

يعطيكم العافية

:d
شكرا

Mr.Snorkel

31/12/2012, 08:23 AM

شباب الله لا يهينكم ,,, انا عندي فور ويل وحاب اطلع طعس الشيراتون والقصار لما استفسرت عن المكان لقيت انه كله طعوس وفي بعضهم قالولي خطر تروح اذا كنت اول مره ,, هل هذا الكلام صحيح وشنو افضل طريق يوديني لها

تحياتي

بوراشد911

31/12/2012, 11:16 AM

بسم الله الرحمن الرحيم

اخوي كبير النواخذه الشباب ماقصروا وجزاهم الله خير

بالنسبه لمحادق الشمال عندك الفشت من بظلوف الين العريش فشت متواصل خط واحد ولكن اذا جيت من جهة الرق بتحصل غوال بين الفشت (( خوره )) والفشت محاوطها من كل جهه وهي ممتازه للحداق بس لازم يكون طرادك سطحه للمياه الضحله عشان لا يلحم على الفشت وابشر بالشعري والسبيطي والهامور

واي مساعده لايردك الا لسانك

اخوك بوراشد911