المساعد الشخصي الرقمي

مشاهدة النسخة كاملة : الفزعه تكفووون


شيخه2011
04/09/2011, 04:50 AM
السلام عليكم
انا بدخل دوووغري>>> بالموضوع تراني انغثيت من سالفة الفيوز كل يوم محترق ومفشلني قدام الله وخلقه اليوم طفت علي السياره الحمد لله اني بشارع فرعي مهو بطريق عام ولا كان رحت فيها ورجعت البيت على ليموزين :(
الحين وش السوات بالله عليكم ؟؟ السواق يقول انا مالي دخل المشكله من سيارتكم علما بأنها فورد.............
وأنا اأقول المشكله منه ؟
اللي عنده خبره ياليت ما يبخل علي
بكره بروح أشتري فيوز وأركبه لكن المشكله دايما تتكرر

والله يجزاااكم الف خير مقـدماَ
hz1oo
04/09/2011, 05:25 AM
يمكن الفيوز الي تقطع من اول الرقم الموجود عليها اقل من المطلوب خلي احد يتاكد ويشوف الكتابة الموجودة على غطا الفيوز مكتوب بها كل فيوز والرقم الصحيح 5او10 او 20 او اكثر واذا كان الرقم صحيح الحل اقرب كهربائي ثقة وياخذ فيوز اصلي اتركي التجاري او احد الاعضاء عند علم ويفيدك
Messerschmitt
04/09/2011, 06:10 AM
كنت اتمنى تحديد الفيوز اللي تنقطع

لكن اتمنى مراجعة التالي :

1 - الفيوز أصليه .

2 - التأكد من ارقامها عن طريق غطاء الفيوز .

3 - التأكد من سلامة الظفيرة .

وارجو الانتباه لنقطه , الانقطاع المتكرر للفيوز يمكن يكون بسبب إلتماس الكهرباء .

الحل هو بأخذ السياره لكهربائي ممتاز .
شيخه2011
04/09/2011, 06:18 AM
يمكن الفيوز الي تقطع من اول الرقم الموجود عليها اقل من المطلوب خلي احد يتاكد ويشوف الكتابة الموجودة على غطا الفيوز مكتوب بها كل فيوز والرقم الصحيح 5او10 او 20 او اكثر واذا كان الرقم صحيح الحل اقرب كهربائي ثقة وياخذ فيوز اصلي اتركي التجاري او احد الاعضاء عند علم ويفيدك

اهااااا يعني الفيوز له أرقام طيب انا اليوم بطلع للسياره وأشوف الرقم اللي على الغطاء وبعدها أطلب فيوز بنفس الرقم >>صح علي ولا فهمت غلط
طبعا انا اكيد باخذ كهربائي معاي لكن لازم احسسه اني فاهمه علشان ما يلعب علي واذا من ناحية الأصلي أكيد باخذ أصلي ما تسوى علي كل يوم موقفه بشارع
الله يوفقك ما قصرت
شيخه2011
04/09/2011, 06:31 AM
كنت اتمنى تحديد الفيوز اللي تنقطع >>أجل السياره فيها أكثر من فيوز ؟:confused: ياليل ما أطولك
شوف انا بشرحلك يمكن تقدر تحدد أول شي النور عادي شغال داخل السياره والأضاءه اللي برا بعد لكن الشبابيك ما تتحرك ابد وكمان السياره ادق سلف ولا ما ادق ما يطلع صوت أبد اللهم أنها تعشق عادي لأني فضيتها الحمد لله علشان يوقفها السواق بموقف آمن وبس..

لكن اتمنى مراجعة التالي :

1 - الفيوز أصليه .>>>ايه أصليه

2 - التأكد من ارقامها عن طريق غطاء الفيوز .>>> أوكي هذا اللي راح يصير

3 - التأكد من سلامة الظفيرة .>>> وشلون اتأكد ؟ من الكهربائي يعني
وارجو الانتباه لنقطه , الانقطاع المتكرر للفيوز يمكن يكون بسبب إلتماس الكهرباء .
>>>والله انك صادق انا حاسه بكذا لا كن ما عرفت أشرحها:good2:
الحل هو بأخذ السياره لكهربائي ممتاز .
الله يجزاك خير يارب ما قصرت بيض الله وجهك
ياليت اللي عنده حلول اخرى ما يبخل
sgl2002
04/09/2011, 11:55 AM
الفيوز مايقطع الاا من التماس
Messerschmitt
05/09/2011, 02:00 PM
التأكد من سلامة الطفيره عن طريق فحصها عند الكهربائي.

السياره 100% فيها إلتماس كهربائي

وافضل شي اننا نتأكد من سبب هالالتماس

مثل تركيب انوار زائده

او يمكن احد مصلح قطعه كهربائيه ولا ضبطها

او السياره فيها اكسسوارات كهربائيه حديثة التركيب.