المساعد الشخصي الرقمي

مشاهدة النسخة كاملة : طيري فيه بلغم


abu saud
04/09/2011, 09:47 AM
السلام عليكم ورحمة الله وبركاته
يا اخواني فيه عندي طير اذا كفخته يطلع منه صوت مثل الحشرجه
ومره كح وطلع منه سائل أصفر مثل البلغم
اذا أحد منكم يعرف علاج أو مرة عليه هالحاله لا يبخل علينا
وجزاكم الله ألف خير
راعي غضبان
04/09/2011, 10:16 AM
مرحبا والله اخوي ابوسعود الله يعافي طيرك والله جت طير واحد من الربع وراح المستشفى واعطاه اعلاج ولانفع لين تعب الطير ماغير خشخشه وتقول واحد في صدره بلغم ويظهر مثل ماقلت ولانفع الا اعلاج عند العويدي والله ممتاز حبوب بيض مبرومه واستعملها من اول يومين والطير حاسين بتغير ويوم خلص العلاج لمدة اسبوع وبعدين اعطاه اسبوع حبوب امبسليين البيضاء والبنفسجيه والله سلم ماعاد فيه الا العافيه بس اهم شي الحبوب البيض الي عند العويدي والحق طيرك لاتاخر عليه ترى كل ماله ويتعب ويقوم يفتح فمه لان التنسم يكون ضيق عنده والله يعافي طيرك امين يارب
وتقبل تحياتي
abu saud
04/09/2011, 10:22 AM
بيض الله وجهك وما قصرت
وأسأل الله أن يجعلها في موازين حسناتك
سطام ابو سعود
04/09/2011, 10:24 AM
طيرك فيه التهاب حاد في الاكياس الهوائيه ولله اعلم وامكنه با العلاجات وراحه التامه
هاوي بر و صيد
04/09/2011, 10:31 AM
السلام عليكم ورحمة الله وبركاته
ما قصر اخوي راعي غضبان جزاه الله خير
واخوي ابو سعود ودي اقول
ان الطير في حالات كثيرة يشبه امراض الانسان
الطير والله اعلم عنده التهاب في الاكياس الهوائية ( الرئتين ) من الاعراض الوصفتها
ودام البلغم في تغيير باللون او الرائحة فيكون الالتهاب اكثر شي بكتيري
مثل ما قال اخوي راعي غضبان اهم شي تستعجل تراجع المستشفى
ويكون افضل لو عملوا للطير فحص الحساسية للدواء
يعني ياخذ عينة من البلغم ويسوون فحص عليها اي دواء يشتغل اقوى واسرع
ان كان في المستشفى هذا الفحص ويعطون الطير العلاج على ضوء نتيجة الفحص
وان ما كان عندهم الامكانية هاي سوي القال عليه اخوي راعي غضبان
لان تختلف نوع البكتريا بكل حالة

اسف على الاطالة وربي يشافي طيرك وعسى تاكل من صيده ان شاء الله
abu saud
04/09/2011, 11:42 AM
اخواني سطام أبو سعود وهاوي قنص وصيد الله يجزاكم خير الجزاء وبيض الله وجيهكم
عاشق الداخل
04/09/2011, 11:43 AM
اخووي نصيحه اخو لااخو الحق علييييييييه
سلاااامات
04/09/2011, 12:01 PM
الله يشفي طيرك
أبوفرحان
04/09/2011, 12:18 PM
ماقصروا الاخوان

والله يشفي طيرك
مقناص الكويت
04/09/2011, 02:59 PM
لله يشفيه ولا تطول عليه بالعلاج
رامى السيد
04/09/2011, 09:02 PM
ربنا يكتب له الشفاء ولا يضرك فيه
زاد المعاد
04/09/2011, 09:29 PM
ابوسعود الوقت محسوب عليك يروح منك وانت تقول يمكن ويمكن وده مستشفى الرياض وخص الدكتور السوداني في المرض الي تقوله خاصه وهو ممكن تسكير في الجما زي القلاع مجبن وهو بكتيريا يشلعه وله اجذور اوبكتيريا على القصبه الهوائيه احبوب 6 ايام وتطلع الله يشفيه
ابن الاصيل
04/09/2011, 10:30 PM
الله يشفي طيرك وده البيطري بسرعه معه التهاب حاد بالرئه
abu saud
05/09/2011, 07:56 AM
أخواني وأحبابي
عاشق الداخل
سلامات
أبو فرحان
مقناص الكويت
رامي السيد
ابن الأصيل
الله يجزاكم خير وبيض الله وجيهكم
الأخ زاد المعاد
المشكله هي اني بعيد عن الرياض ولكني بديت أستعمل له دواء اسمه تايلان بأستعمله لمدة ثلاثة أيام وأشوف النتيجه وأعطيكم خبر
أنا متأكد ان الطير مافيه قلاع والمشكله بدأت من ثلاثة أيام وأعتقد أني أنا السبب
وذلك أني صحيت من النوم ثاني العيد ورأيت هذا المنظر في الصوره
لقيت الجير فك برقعه وعلف أفضل الطيور عندي وهي شيهانه جبليه معي من وهي فرخ وهالسنه تقرنس خامس صايده كراويين عدد ريشها (صيغة مبالغه)
المهم يوم شفت هالمنظر قلت لاحول ولا قوة الا بالله قدر الله وما شاء فعل
هالحين أبغى الجير يروبج العلفعشان بأروح العصر أدعيه فقمت وملأت برواز ابره ماء وملح وحطيتها في حلقه بس الظاهر شوي من المحلول دخل فتحت التنفس وبعدها صار فيه صوت مثل اللي فيه بلغم وبعدها طلع بلغم
طبعا طريقة محلول الماء والملح أنا مجربها في أكثر من طير ومافيه أي مشاكل ياخذ شوي ويروبج كل العلف بس الظاهر ان الطير كان فيه بلاء
وهذا كل اللي صار



http://www.mekshat.com/pix/upload05/images227/mk11440_31082011125.jpg
راعي غضبان
05/09/2011, 09:25 AM
مرحبا والله اخوي ابوسعود المشكله الي جت طيرك الماء والملح اكيد دخل فتحت الهواء والملح خطير مايعطى الطير يضره ويذبح الطيور دائما وايضا الطير لامن اكل من الطير وتعلف منه دائما يجيه التهاب وافحص طيرك واعطه مضاد حيوي امبسللين حتى لايزيد اللتهاب لمدة اسبوعين ابدا من هلحين لاتاخر والله يعافي طيرك ويعوضك بدل شيهانتك والله يعوضك خير والله يعافي طيرك وتقبل تحياتي
زاد المعاد
05/09/2011, 10:23 AM
الله يوفقك منضر يوجع القلب وهي تعلف من الشاهين اتمنى ان تعطينا اعلوم الطير للفائده
هاوي بر و صيد
05/09/2011, 11:14 AM
لا حول ولا قوة الا بالله الله يعوضك خير
اضم صوتي لصوت اخوي زاد المعاد ياليت تعطينا علوم الطير للفائدة
abu saud
05/09/2011, 01:07 PM
انشاء الله بأعطيكم العلوم
بعد يومين أو ثلاثه
وبأحط اسم العلاج الصحيح لأني ماني متأكد هل هو تايلان أو تايلوزين لأني الان في المكتب اذا رجعت البيت بأتأكد من الاسم
أخي زاد المعاد
هالقرناسه متعلم على أيدها خمسه أو سته فروخ في السنين الماضيه على الكراويين والله كنت اتمنى الجير يموت ولا القرناسه لكن الحمد لله على كل حال
abu saud
10/09/2011, 01:21 PM
السلام عليكم ورحمة الله وبركاته
كما وعدت الأخوان اني أعطيهم اخر التطورات
بالنسبه للمضاد الحيوي اللي قلت لكم عنه استخدمته يومين وتركته لأنه وصلتني حبوب من عند الأخ خالد العويدي الله يبيض وجهه
وهي عباره عن حبوب بيضاء 14 حبه أعطيها للطير كل يوم حبتين قبل العلف لمدة اسبوع وكبسولات حمراء اللون لأنه جاه ملع من المعافر مع الشيهانه 10 حبات كل يوم حبتين مع اراحة الطير لمدة اسبوعين
وقد بدأت باستخدام الحبوب من يوم الخميس وان شاء الله أعطيكم النتيجه بعد ما تخلص الحبوب
بالنسبه للبلغم اللي في الطير قالي الأخ خالد العويدي انه معه التهاب جراء نقله من مكان بارد الى مكان دافي أو العكس
هذي هي الحبوب


http://www.mekshat.com/pix/upload05/images226/mk11440_09092011138.jpg

وهذي صورة الملع اللي في الطير



http://www.mekshat.com/pix/upload05/images226/mk11440_09092011139.jpg

جزا الله كل من رد على موضوعي خير الجزاء
هاوي بر و صيد
10/09/2011, 01:55 PM
مشكور اخوي على المعلومات
وان شاء الله ربي يشافي طيرك وتاكل من صيده وتستانس

جزاك الله خير