صوت طق طقه بصدر المكينة

[Wolf hill]

السلام عليكم ورحمه الله
كيف حال المكشاتية عساكم بخير ومن العايدين بعد الزحمه

عندي صوت بصدر المكينة مع الدعسه يخف شوي
ملف صوت
http://www.mediafire.com/?m7hm9om9b7kara7

وملف فيديو يبين مكان الصوت

c5TeU-Sk_qg

[سعد النفيعي]

هذا صوت البلوف
يبيله وزن
او سبايك عمود الكرنك فيها صوت
سوال هل لمبه الزيت شغاله

[Wolf hill]

طافية لمبة الزيت ومع التشغيل تطفي بسرعه طبيعيه ماشوف فيها شي
اذا دعست بنزين يروح الصوت واذا نزل الظغط اقل من الواحد يطلع الصوت

جيت مكيانيكي يقولي تكايات البلوف وواحد ثاني يقولي ترس الجنزير الكبير
الموتر بثفندر

[سعد النفيعي]

هذا يمكن على حسب كلامك تقول الصوت في صدر المحرك اذا كان في صدر المحرك هذا يمكن من الجنزير
واذا كان الصوت في راس المحرك هذا يا من البلوف او تكيات البلوف
وتاكد من الخلل لا تصلح الا وانت متاكد من العطل

[AMAZ]

تاكد من السير الشداد لكن الغالب والله اعلم انه من الجنزير لكن
الحق غير الجنزير قبل ينقطع عليك ويعدم المكينه

[Wolf hill]

قبل شهر مغير الجنازير والشدادات والفحمات ولكن الصوت مازال موجود

[Wolf hill]

للرفــــــع

[الباثفايندر3]

لاتوجع راسك وانا اخوك( عط الخبز خبازه ولو اكل نصه)
ود الموتر للوكالة وخلهم يشوفونه لك
والا اتصل على ابو ابراهيم صاحب ورشة الثنيان بالرياض وموجود رقمه بالمنتدى والرجال خبرة باثفايندر والرجال تخصصه باث
اتمنى اني افدتك

[Topstars]

أنا عندي نفس المشكله والصوت بصراحة ما أدري من صدر المكينة ولا من البلوف بصراحة.
واحد من زملائي قاللي كان معه الصوت وقعد عليه مده طويله بس بعدها خبطت المكينة.
وانا الحين محتار هل في أحد يدل ورشة ممتازة في الخبر او الدمام. الله يفرجها عليكم.

[ابو فيصل م]

هاذي المشكله معي في سيارتي وانا اخوك الحل عندي قرروشوووووني الميكانيكيه الي يقول تخبيط ولي يقول بلوووف ولي لي خلها علي ربك الحل عندي ×

[ennter]

اخوي تأكد من دفع طرمبة الزيت يمكن ضعيف ومع الدعس يزيد الدفع ويختفي الصوت
فك غطأء البلوف وتأكد ان الزيت ينزل بقوة

[GABER65]

ممكن السير

[الا سير]

ياخوي اذا الصوت يرتفع مع الدعسه
هذا صوت سبيكه

[جي اكس ار2000]

السيور يمكن فيها قطع او ناشفه شغل وصب عليها الماء مجرد احتمال

[زياد السالم]

هذي طبيعيه من تكيات البلوف صوت بس مفي مضره انشاالله انا عندي نفس المشكلة بعد ما فكيت الراس وغسلته بنزين

[الإستراتيجي]

أخوي ما ودي أخوفك لكن أعتقد هناك حاجة منكسرة !!

وكأنها بصوتها قطعة بلاستيك مكسورة ويضرب بها شيء


تأكد هل هي في المكينة أو في المروحة

حرك المروحة وهي طافية السيارة وإستمع لها هل فيها صوت شيء يطق !! ثم شوف السيور زينه وخل كم ميكانيكي يشوف الموتر شوفه بس

في الأخير : لو كانت في المكينة فهي يمكن من الشدادات ما ركبت صح ولو كان الصوت موجود سابقا

فممكن يكون حاجة في الرأس منكسره تحتاج سرعة فك وتصليح حتى ما تكسر شيء ثاني

شوف وتأكد وأسأل الله أنها برى المكينة نهائي مروحة أو قريب منها

فك المكينة شغلته شغلة

وأمر نهائي أقول لو المكينة توها موضبه ممكن أقول بلوف المكينة غير موزونه وتحتاج وزن


تأكد من الشدادات ، مروحة السيارة ، كل حاجة تدور قريبه من المروحة ، بلوف وعصافير المكينة

وإن شاء الله تطلع مروحة تطق في البلاستيك أو شداد السير الخارجي أو حاجة قريبه منهم ...

[Topstars]

ياخوي اذا الصوت يرتفع مع الدعسه
هذا صوت سبيكه


شوف موضوعي : لو تقدر توضح الله يبارك فيك http://www.mekshat.com/vb/showthread.php?t=456445

[Topstars]

هاذي المشكله معي في سيارتي وانا اخوك الحل عندي قرروشوووووني الميكانيكيه الي يقول تخبيط ولي يقول بلوووف ولي لي خلها علي ربك الحل عندي ×


وش الحل وانا اخوك نورنا .....احنا محتارين...الفزعه ياشباب..