مجرد راي

[خوي راعي كيف]

خيمة القصص والاشعار من الخيام النشطه في هذا المنتدى الرائع ((مكشات ))

وهذا يرجع الفضل لله ثم للمشرفين والأعضاء الذين يبذلون اقصى الجهد لتقديم المنتدى الى افضل مكانه من

تقديم الجديد والرائع للمنتدى سواء في هذه الخيمة(( القصص والاشعار ))

او غيره من خيام المنتدى.

واقتراحي هو انه لو تكون هناك مساجلات ورديات خفيفه تكون بين من يملكون موهبة الشعرفي المنتدى

ليكون فيها حماس وتشجيع بين الاعضاء ويكون هناك تصويت لأحسن شاعر موجود.

((وعساي اعصر روحي واصير شاعر بس ما الضاهر ))

وش رايكم يالربع

[مقيط]

خوي راعي كيف عزالله اقتراح زين واضم صوتي لصوتك بس يليت المشرفين والشعار يتجاوبون ويعجبهم الراي لانها فعلاً متعه .


اخوك مقيط

[الخبير]

السلام عليكم

انا اعرف ان المساجلة يبيلها مواجهه ، و حظور و جماهير و لا ننسى شبة النار .

المشكلة في تنظيم المسألة هذي ، كيف ؟؟؟؟؟
إذا كانت عندكم فكرة عن هذا الموضوع اعرضوها ، و ما لكم إلا إلي يجوز لكم.
======================

http://nobody.jeeran.com/jkduhpma1.gif

[خوي راعي كيف]

الله يطول بعمرك يامقيط والمشرفين انشا الله انهم يدورون الشي اللي فيه

مصلحه للمنتدى ؛؛؛ بس المشكله نبي هالشعرا وينهم ;) ماندري.

هلا وغلا اخوي الخبير

اولا اخوي حنا ودنا نبدا على خفيف فرضا تكون بين اثنين ولا هوب لازم قصيده كامله لا على بيت او بيتين

على ماقال بداية الغيث قطره وبعدين ان صار فيه تجاوب من الشباب كل يبي يصير شاعر بالمنتدى وكل يبي


اما عاد تنضيم المسأله فعاد ماقول الا اعط القوس باريها يقوم واحد

عنده خلفيه بالشي هذا وينضم . وشبة الضو تصير انت المسئول عنه كل ماجا اثنين يبي يترادون شب :p


بس تقل ماشفنا اراء المشرفين الباقين ابو تركي وابو عبد الله وشقران او فيه اشكال ;)


تراه يالربع مجرد راي فقط لاغير