استشاره لاهل الخبره بالجيوب

[كاشت نت]

السلام عليكم ورحمة الله وبركاته

وكل عام وانتم بخير

سلمكم الله عندي جيب 98 تويوتا جي اكس ار وجلد البلوف عندي تعبانه بسبب التخزين

عمومن الجيب ولله الحمد نظيف ولا ودي افرط فيه ... وسألت اصحاب الخبره قالو لي

لا تغير جلد البلوف لحاله لانه ما راح يضبط والافضل انك توضبه توضيب كامل ..

وانا صراحه ما اثق بالتوضيب ابد وسألت عنه قالوا يكلف بحدود 7الالف ..

وذكر لي واحد مكينة جيب شاص 2007 شبه جديده ..

السؤال لو تكرمتوا هل تركب على الصالون مكينة الشاص او لا ؟

وبرضه انتظر ارائكم حول الموضوع واللي عنده خبره لا يبخل علينا

وبيض الله وجيهكم مقدما .......

[كثير السؤال]

يفيدونك الربع

[ابو ضافى]

وعليكم السلام ورحمة الله وبركاته
وكـل عام وأنت بخير وصحة وسلامة
،،،
أما بالنسبة لموضوعك صدقني لو عندي معلومات والله ما أبخل عليك
ولكن إن شاء الله الشباب فيهم الخير والبركة راح يفدونك
تقبل مروري

[عبدالله حماد]

ياخي لا تغير ولا توضب ولا شي شغلة جلد البلوف شغلة سهلة أنا مغير جلد البلوف قبل شهرين تقريباً ومغير طقم وجيه احتياط ، أنا رحت للفني وفك راس المكينة وركبوا الجلد بالمخرطة لظمان الجودة وهالحين ماشاء الله المكينة على كيف كيوفك

ملاحظة / إذا إنت بحايل أو الرياض أخبر لك ورش ((( وهذا جوالي / 0544844465 ))) هذا بعد اذن الادارة

[عبدالله حماد]

آآآآسف فيه فنيين يغيرون جلد البلوف بدون مايفكون راس المكينة بس يفكون غطاء المكبنة ويغيرون الجلد ولاكن انا ماسويتها لمجرد الخوف على الجلد الجديدة ،،،،،

[كاشت نت]

يفيدونك الربع


ما قصرت ... ومشكور لاهتمامك

الله يسعد ايامـــــــــــــــــــــــــــــــك

[كاشت نت]

وعليكم السلام ورحمة الله وبركاته
وكـل عام وأنت بخير وصحة وسلامة
،،،
أما بالنسبة لموضوعك صدقني لو عندي معلومات والله ما أبخل عليك
ولكن إن شاء الله الشباب فيهم الخير والبركة راح يفدونك
تقبل مروري




وانت بخير وصحه وسلامه

وصادق والله يابو ضافي لا خلا ولا عدم ان شا الله ....

مرورك سرني واهتمامك اسعدني بيض الله وجهك

[كاشت نت]

ياخي لا تغير ولا توضب ولا شي شغلة جلد البلوف شغلة سهلة أنا مغير جلد البلوف قبل شهرين تقريباً ومغير طقم وجيه احتياط ، أنا رحت للفني وفك راس المكينة وركبوا الجلد بالمخرطة لظمان الجودة وهالحين ماشاء الله المكينة على كيف كيوفك

ملاحظة / إذا إنت بحايل أو الرياض أخبر لك ورش ((( وهذا جوالي / 0544844465 ))) هذا بعد اذن الادارة


آآآسف فيه فنيين يغيرون جلد البلوف بدون مايفكون راس المكينة بس يفكون غطاء المكبنة ويغيرون الجلد ولاكن انا ماسويتها لمجرد الخوف على الجلد الجديدة ،،،،،
اخ عبدالله ..... حياك الله



المشكله انهم يقولون ما تطول الشغله يعني ممكن تمشي الامور سنه وبعدين ترجع المشكله

وانا راعي مشاوير .. بس بكلمك ان شا الله



بيض الله وجهك يالغالي كفيت ووفيت

[المكري]

ياحبيبي تبي نصيحه انا لو محلك استشير الوكاله ادفع لهم قيمة الفحص 100 ريال ويفيدونك واضن انه ما يحتاج توضيب وز ماقالو عط الخباز خبزه ولو كلانصفه

[الوقيدي]

السلام عليكم : لكي تغير جلد البلوف لسيارتك يجب ان تفك الرأس وتشتري طقم وجيه لوجود جلد البلوف مع الطقم وكذلك وجه الرأس فيه والمخرطه تركب جلد البلوف لان البلوف اوتماتيك . أختر المخرطه الجيده والفني الجيد.

[sgl2002]

جلد البلوف تتغير لحالها

واذا الموتر ماينقص لااتغيرها

[أبو أسامة]

السلام عليكم
أخي الكريم الله يعطيك خيره ويكفيك شره ............ بالنسبه لموترك أن كانه على الدخنه اللي في أول التشغيل فالأمر بسيط وأتركها زي ماهي أفضلك و للسياره ........ وأن كان فيه دخنه على طول لازم تغير جلد البلوف فقط ومع تغييرها راح تغير طقم وجيه لراس المكينه وهذا اللي أنا أشوفه أما التوضيب ما راح يكون عندك إلا في حالة أنه كان عندك نقص بالزيت بكمية كبيره وحتى لو صار النقص بالزيت يمكن يكفيك تغيير الشنابر وتسمى نص توضيب وصدقني انها أفضل من تغيير المكينة على العموم لا تستعجل يمكن الأمور عشان الموتر من طولة الوقفه مكربن خذ عليه مشوار طويل أنصحك بسفره حوالي 200 كيلو مع سرعه ما تقل 120 أو أكثر وإذا لم تختفي غير جلد البلوف مع طقم الوجيه وصدقني تراها بسيطه و سهله صعوبتها على المخرطة إذا راكبها لازم يتأكد ما فيها تنسيم وإذا فيها تنسيم يركب تكايات للبلوف ويخرطها على شكل فتحات البلوف عشان الموتر يصير صافي مختصر الكلام ( الموضوع طويل لكن بسيط ) والمكينة اللي راح تاخذها وش يضمنك بعد شهرين تبدأ بلاويها ........... يأخي مكينة موترك تعتبر لقطه إذا على وصفك عند حقين التشليح يأخذونها منك رجيع ويبيعونها علينا بقيمة النظيف ويقولون ما تحتاج إلا جلد بلوف ............... يعني بيأخذونها منك بلاش ويبيعونها ب7 ألاف ريال........

ما عليش على الإطالة لكن والله من القهر اللي فيني من بعض المكانيكين وهل التشليح اللي ما يخافون الله.....

والله ييسر أمرك ...............

[كاشت نت]

ياحبيبي تبي نصيحه انا لو محلك استشير الوكاله ادفع لهم قيمة الفحص 100 ريال ويفيدونك واضن انه ما يحتاج توضيب وز ماقالو عط الخباز خبزه ولو كلانصفه


نصيحة طيبة بيض الله وجهك

[كاشت نت]

السلام عليكم : لكي تغير جلد البلوف لسيارتك يجب ان تفك الرأس وتشتري طقم وجيه لوجود جلد البلوف مع الطقم وكذلك وجه الرأس فيه والمخرطه تركب جلد البلوف لان البلوف اوتماتيك . أختر المخرطه الجيده والفني الجيد.



وعليكم السلام

ما قصرت يالغلا

[كاشت نت]

جلد البلوف تتغير لحالها

واذا الموتر ماينقص لااتغيرها



لا ما ينقص ابد

ما قصرت بيض الله وجهك

[كاشت نت]

السلام عليكم
أخي الكريم الله يعطيك خيره ويكفيك شره ............ بالنسبه لموترك أن كانه على الدخنه اللي في أول التشغيل فالأمر بسيط وأتركها زي ماهي أفضلك و للسياره ........ وأن كان فيه دخنه على طول لازم تغير جلد البلوف فقط ومع تغييرها راح تغير طقم وجيه لراس المكينه وهذا اللي أنا أشوفه أما التوضيب ما راح يكون عندك إلا في حالة أنه كان عندك نقص بالزيت بكمية كبيره وحتى لو صار النقص بالزيت يمكن يكفيك تغيير الشنابر وتسمى نص توضيب وصدقني انها أفضل من تغيير المكينة على العموم لا تستعجل يمكن الأمور عشان الموتر من طولة الوقفه مكربن خذ عليه مشوار طويل أنصحك بسفره حوالي 200 كيلو مع سرعه ما تقل 120 أو أكثر وإذا لم تختفي غير جلد البلوف مع طقم الوجيه وصدقني تراها بسيطه و سهله صعوبتها على المخرطة إذا راكبها لازم يتأكد ما فيها تنسيم وإذا فيها تنسيم يركب تكايات للبلوف ويخرطها على شكل فتحات البلوف عشان الموتر يصير صافي مختصر الكلام ( الموضوع طويل لكن بسيط ) والمكينة اللي راح تاخذها وش يضمنك بعد شهرين تبدأ بلاويها ........... يأخي مكينة موترك تعتبر لقطه إذا على وصفك عند حقين التشليح يأخذونها منك رجيع ويبيعونها علينا بقيمة النظيف ويقولون ما تحتاج إلا جلد بلوف ............... يعني بيأخذونها منك بلاش ويبيعونها ب7 ألاف ريال........

ما عليش على الإطالة لكن والله من القهر اللي فيني من بعض المكانيكين وهل التشليح اللي ما يخافون الله.....

والله ييسر أمرك ...............



ابو اسامة

شرح وافي بيض الله وجهك عز الله انك كفيت ووفيت

افدتني بمشاركتك ولا يهون الاخوان جمل الله حالك

رايك واهداية الله ,,

بغير وجيه وبلوف بس والله يكتب اللي فيه الخير

منكم نستفيد جمل الله حالكم جميعا

اخوكم
ابو مشاري

[Messerschmitt]

اخوي ابو مشاري

انصحك تروح للعضيب

لانهم يغيرون لك جلد البلوف بدون ما يفكون راس المكينه عن طريق زرقينه خاصه

وشغلتها جدا جدا سهله

[كاشت نت]

اخوي ابو مشاري

انصحك تروح للعضيب

لانهم يغيرون لك جلد البلوف بدون ما يفكون راس المكينه عن طريق زرقينه خاصه

وشغلتها جدا جدا سهله



لاهنت وين ورشة العضيب

شاكر مرورك واهتمامك

[Messerschmitt]

حياك يا بعدي

تلقاهم بالصناعيه القديمه

وتخصصهم لاندكروزر ولكزس

اذا رحت هناك اسأل وما راح تضيع يا بعدي

لاني والله ما اعرف وصفهم بالضبط .

[omar454]

السلام وعليكم اخوي ابو مشاري واضح انك محافض على الموتر الله يعطيك من خيرة ويكفيك شرة
ومن الناس الي تبي تستخدم وماتبي زيارة الورش بستمرار
موضوع تغيير المكينة ما انصحك ابد
و التوضيب اذا ماخرطت عامود الكرنك
وخرطت السرندل وغيرت بساتم هذا موتوضيب
هذا شنبر ويسمونة تسقيط شنبر
بختصار انت راكن الموتر فترة على حسب فهمي استخدمة فترة ان خفت الحمد لله
ماخفت الدخنة عندك عدة نقاط
رح لقطع غيار تو يوتا و اسأل عن سعر طقم وجية وطقم شنابر وسبايك ثابت و متحرك و جلد بلوف
شف السعر ورح لمكنيكي جيد (هندي او فلبيني ) لا ارشح باقي الجنسيات مع احترامي للكل
وكذا تعرف كم يكلف موترك (احتمال مايحتاج تغيير سبايك ) ويحدد المكنيكي هل السبايك تحتاج تغيير او لا
وانت صاحب القرار بحلالك
تبي تقول ابصلحة السنة و السنة الجاية له حلال غير جلد بلوف
تبي تقول ابصلحة لي و للزمن سو الي قلتلك
اختصار المشكلة
جلد البلوف تعزل الزيت عن الدخول للبستم و الخروج مع العادم
و الشنابر تعزل الزيت من الدخول للبستم و الخروج مع العادم
اذا غيرت وا حد من الاثنين معناها زاد الضغط على الاخر
هذا على حسب معلوماتي الضحلة

و نصيحة التوضيب ما في مشكلة المشكلة بختيار المكنيكي الجيد
و إن شاءالله موترك مايحتاج توضيب ولا شي ولا تستعجل بتخاذ القرار
الله لا يخسرك ولا يخسر مسلم يارب
واسف على الاطالة

[فهد الربش]

اسمعني وافتهم زين

دق سلفه ورح مسافة خمسين كيلو رايح ومثلها جاي على خط

اذا نقص الزيت بدل الجلد فقط

اذا ما نقص راح تلاحظ ان اللون الازرق اللي يظهر من شكمانه اختفى

خذ بنصيحتي ولا خلها تقعد بمكشات منت بخسران ولا ني بخسران

[كاشت نت]

حياك يا بعدي

تلقاهم بالصناعيه القديمه

وتخصصهم لاندكروزر ولكزس

اذا رحت هناك اسأل وما راح تضيع يا بعدي

لاني والله ما اعرف وصفهم بالضبط .



كفيت ووفيت يالغالي

شاكر اهتمامك

[كاشت نت]

السلام وعليكم اخوي ابو مشاري واضح انك محافض على الموتر الله يعطيك من خيرة ويكفيك شرة
ومن الناس الي تبي تستخدم وماتبي زيارة الورش بستمرار
موضوع تغيير المكينة ما انصحك ابد
و التوضيب اذا ماخرطت عامود الكرنك
وخرطت السرندل وغيرت بساتم هذا موتوضيب
هذا شنبر ويسمونة تسقيط شنبر
بختصار انت راكن الموتر فترة على حسب فهمي استخدمة فترة ان خفت الحمد لله
ماخفت الدخنة عندك عدة نقاط
رح لقطع غيار تو يوتا و اسأل عن سعر طقم وجية وطقم شنابر وسبايك ثابت و متحرك و جلد بلوف
شف السعر ورح لمكنيكي جيد (هندي او فلبيني ) لا ارشح باقي الجنسيات مع احترامي للكل
وكذا تعرف كم يكلف موترك (احتمال مايحتاج تغيير سبايك ) ويحدد المكنيكي هل السبايك تحتاج تغيير او لا
وانت صاحب القرار بحلالك
تبي تقول ابصلحة السنة و السنة الجاية له حلال غير جلد بلوف
تبي تقول ابصلحة لي و للزمن سو الي قلتلك
اختصار المشكلة
جلد البلوف تعزل الزيت عن الدخول للبستم و الخروج مع العادم
و الشنابر تعزل الزيت من الدخول للبستم و الخروج مع العادم
اذا غيرت وا حد من الاثنين معناها زاد الضغط على الاخر
هذا على حسب معلوماتي الضحلة

و نصيحة التوضيب ما في مشكلة المشكلة بختيار المكنيكي الجيد
و إن شاءالله موترك مايحتاج توضيب ولا شي ولا تستعجل بتخاذ القرار
الله لا يخسرك ولا يخسر مسلم يارب
واسف على الاطالة



جزاك الله خير اخ عمر

وصدقت ما ارغب الورش وغثاهم

وباذن الله هذا اللي نويت عليه

جمل الله حالك يالغلا ما قصرت ...

[كاشت نت]

اسمعني وافتهم زين

دق سلفه ورح مسافة خمسين كيلو رايح ومثلها جاي على خط

اذا نقص الزيت بدل الجلد فقط

اذا ما نقص راح تلاحظ ان اللون الازرق اللي يظهر من شكمانه اختفى

خذ بنصيحتي ولا خلها تقعد بمكشات منت بخسران ولا ني بخسران



اخ فهد نصيحة ثمينه من وجه فليح

جمل الله حالك

اخوك
ابو مشاري