المساعد الشخصي الرقمي

مشاهدة النسخة كاملة : كيف تحضرون الباميه مع لحيمه؟ :)اقترحاتكم


سندباد
25/01/2006, 05:19 PM
السلام عليكم يالسنافيه, احس اني اعرفكم كلكم. اثق في الرجل الذي يعشق البر والصيد اوتوماتكلي :)> لأن لهم صفات مشتركه. منها انهم يحبون الأخوه وتلقاهم ربع عشريه وهبة ريح.

نرجع للسؤال, كيف تطبخون الباميه مع لحم؟ يعني تزينونها ايدام باميه على جنب مع الكبسه؟ او تطبخونها مثل الخضار العاديه مع الكبسه في قدر واحد؟

اهم شئ, كيف نحضر الباميه مع لحم.

يعطيكم العافيه.
اخوكم سندباد
سنـــــــــام
30/01/2006, 04:16 AM
ياااااامحبا فيك سندباد والساعة المباركة اللى نشرحك فيها وأنشاءالله تجوزلك وبالعافية عليك ...

أول شي نق البامية الزينة وشيل راس البامية وأذا كانت من الحبات الكبار أنصفها نصفين وشيل ويفضل الوسط

المهم بعد تقطيعها أغسلها بماء فاتر وصفها بصفاية ماء ... بعد ذالك أحضر الكمية اللى تبي تطبخها وحطها بقلاية

وصب شوية زيت وأحمسها خلها لين يتغير لونها لمدة تقريبا" شر دقائق إلى 12 دقيقة بعدها أحضر اللحم يكون مقطع

مكعبات وصافى من الشحم والبطاطس والطماط يكون بحجم اللحم وأترك ماسبق بطبق جانبي ... أحضر قدر وأسكب الزيت

وأحمس البصل وقليل من الثوم وعود القرفه والهيل (وحبات الحلبه ان وجد للطعم الحلو ) :) بعد مايتحم البصل والثوم أضف

البامية وحرك المزيج بأستمرار حتى تتشرب البامية طعم البصل والثوم بعدها ضف البطاطس واللحم والطماطم دفعة واحدة

قلب بأستمرار وأذا تغير لون اللحم أضف مكعب ماجي والبهارات البزار الكركم الفلفل الاحمر وحسب الذوق وبعد

المكعب الماء الحارويترك حتى يستوى اللحم قبل الاستواء بشي قليل أضف معجون الطماطم أتركة على نار هادئة

ألين يصبح المزيج متماسك وانا نسيت الملح انت لاتنسااااه :) ... وأسمحلى الا الاطاله.
سندباد
30/01/2006, 07:42 AM
الله يعطيك العافيه اخوى سنام, كفيت ووفيت, بكره اجيب الباميه واجربها بالبيت قبل البر :)
nahham
04/02/2006, 08:23 PM
ماشاء الله عليك اخوي سنام
ما خليت شي
ما عندي شي اقوله بعد
تسلم