صوت طقطقه بدبل الربع وش الحل ؟

[أحسن 1]

السلام عليكم ورحمة الله وبركاته

أخواني عندي جيب ربع نيسان موديل 91 والمشكله في الدبل حومت كبدي

اذا عشقت الدبل ومشيت يطلع فيه صوت طقطقه قويه

ما ادري وش المشكله واذا في ورشه كويسه في الرياض ياليت تدلوني عليها

شيء ثاني عندي القزازه الجانبيه اللي ورا الراكب انكسرت وما حصلتها بمحلات القزاز

حتى السالم ما حصلتها عندهم ياليت أحد يعرف وين احصلها

يعطيكم العافيه

[sgl2002]

الطقطقه هذي احتمال كبير انه جنزير دبل

[أحسن 1]

يعطيك العافيه ياغالي بس اذا تعرف ورش كويسه تصلحه بالرياض ياليت تقول لي

[برايدوي عنيد]

فيه ورشه بالرياض رجال سعودي ويثنون الشباب عليه كل خير

ورشه ابوصالح التركي بالصناعيه القديمه

[أحسن 1]

فيه ورشه بالرياض رجال سعودي ويثنون الشباب عليه كل خير

ورشه ابوصالح التركي بالصناعيه القديمه


ما أدري وين موقعها أخوي ؟

[ابرق نثيل]

حسب كلام اهل الخبره الاصلاح ماهوب زين يعود يخرب عليك ولايضبطونه اصلا
شف لك من التشليح شي نظيف ومشي حالك

[You Like Me]

اذا مركب فرار شيك عليه
انا حصلت لي الشتاء الماضي وطلع من الفرارات

[عاقر الحصان]

الطقطقه هذي احتمال كبير انه جنزير دبل
من المعروف ان دبل الباترول مايخرب فيه الا الجنزير :good:

[أحسن 1]

من المعروف ان دبل الباترول مايخرب فيه الا الجنزير

طيب يالربع كم تكلفة الجنزير وأبغى ورشة كويسة تسويه لو تكرمتوا

ويعطيكم ألف عافية

[الوسامي]

حسب علمي ان الجنزير سعره قريب من سعر الدبل بس خذلك دبل من التشليح بس اشترط عليه يكون نظيف والجنزير قليل الي يضبطه هذي الايام

[لهايب نجد]

الله العالم انه جنزير دبل اذكر غيرته للباث فاندر ب ٩٠٠ ريال ويالله لقيته

[سعود الحسن]

السلام عليكم
هذا اكيد جنزير الدبل لازم تغيره وقيمته ياباني اصلي 1150 ريال وأي مهندس يركبه لك وانتبه تركب مستعمل وبالتوفيق ان شاء الله.

[أبو جاسم 97]

مشكلة الباترول الازليه .. لاتنتهي مع الجنزير

[فتاح الجواد]

انا اشك بالفرار
ليتك توصف الصوت هل هو من تعشق الدبل ومن تمشي عليه يطقطق؟ =
ولا لاشديت عليه؟=
والله يسهل امرنا وامرك وامر كل مسلم

[(هزاع)]

مهوب اكيد الجنزيركشفت على زيت الدبل و متا اخر مره شحمت صلبان العمدان كلش بس فك القير وفكة القير الدبل سهله لا تبلش بالدبل الا عند مكنيكي محترف ومذكور بالخير

[م م ع 686]

اذا كان عندك الدبل خربان غير بواحد من التشليح بشرط حق ياباني

[أحسن 1]

انا اشك بالفرار
ليتك توصف الصوت هل هو من تعشق الدبل ومن تمشي عليه يطقطق؟ =
ولا لاشديت عليه؟=
والله يسهل امرنا وامرك وامر كل مسلم


أخوي أنا ما ركبت فرار و الصوت اذا عشقت الدبل ومشيت يبدأ يطقطق واذا شديت عليه زادت الطقطقه بقوووه


مهوب اكيد الجنزيركشفت على زيت الدبل و متا اخر مره شحمت صلبان العمدان كلش بس فك القير وفكة القير الدبل سهله لا تبلش بالدبل الا عند مكنيكي محترف ومذكور بالخير


والله ياخوك شيكت الزيوت وكل شي وعشان كذا ما ودي اتعبث بالدبل ابي احد ممتاز بالرياض

[فتاح الجواد]

اخبر يمدحون ورشة بالصناعية النسيم وواحد بالصناعية القديمة نسالك والله يسل امرك
ذكرت ورشت ابو عادل عندهم عامل اسمه موسى او عيسى فاهم 100% ان شاءالله يفيدك
اخبره مسافر ولاادري رجع؟ولا لا

[ابو شدون]

كلم الرقم هاذ سوري شغله حلو وقله جايك من طرف العوجان
0508687259الله يوفقك

[عالي الكيف]

الاخ احسن1

مساء الخير


وانت واقف على الاسفلت اشبك الدبل ولف الطاره لآخر حد وتحرك بسرعه خفيفه جدآ

اذا طلع الصوت وحسيت ان الطاره معلقه مهيب راضيه ترجع فالمشكله جنزير .

انصحك تركب جنزير ياباني مستعمل افضل من الوكاله ( يجي صناعه ماليزيه او حولها)

السعر بحدود 1500 الى 2000

[النبض قصيمي]

فيه ورشة يحل لك الموضوع بــ500 ريال وضمان 3 سنوات
وهذا الكلام عن تجربة انا موتري باترول 98 صالون ورحت له
وقالي لا تشتري جنزير ولا شي عطني 500 ريال وحط الموتر
الصبح وبعد العشاء تعال خذه والحين الدبل شغال زي الألف
وبدون صوت

[أحسن 1]

كلم الرقم هاذ سوري شغله حلو وقله جايك من طرف العوجان
0508687259الله يوفقك

يعطيك العافيه أخوي وما قصرت



الاخ احسن1

مساء الخير


وانت واقف على الاسفلت اشبك الدبل ولف الطاره لآخر حد وتحرك بسرعه خفيفه جدآ

اذا طلع الصوت وحسيت ان الطاره معلقه مهيب راضيه ترجع فالمشكله جنزير .

انصحك تركب جنزير ياباني مستعمل افضل من الوكاله ( يجي صناعه ماليزيه او حولها)

السعر بحدود 1500 الى 2000

اكتشفنا انه جنزير ياغالي بس عاد من يضبطه



فيه ورشة يحل لك الموضوع بــ500 ريال وضمان 3 سنوات
وهذا الكلام عن تجربة انا موتري باترول 98 صالون ورحت له
وقالي لا تشتري جنزير ولا شي عطني 500 ريال وحط الموتر
الصبح وبعد العشاء تعال خذه والحين الدبل شغال زي الألف
وبدون صوت

ياليت ياخوي تقول لي وينها والا رقمهم اذا هي بالرياض

ويعطيكم ألف عافيه على وقفتكم معي

[جوجل الجوف]

خذ نصيحة اى دبل او قير يجدد ما يرجع مثل قبل
انصحك تاخذ تشليخ غير مفكوك او مجدد
وريح راسك
حتي لو تفرق معك الف ريال اشتر ولا تشاور
اى اصلاح بالدبل راح يخرب معك مرة ثانية

[أبن ثعلي]

0508687259

انا كلمته عندي نفس المشكلة طقطقه وقلت له من طرف العوجان وقال ( راشد ) قلت صحيح



ولاكن يقول الضمان 15 يوم ..!!


علماً اني لقيت ناس يضمونه 6 شهور فالصناعية القديمه ...؟


عجيب ..


انت واثق منه ومن فيهم الجيد ياليت تفيدنا بارك الله فيك

[YUKON_GMC]

الصناعيه القديمه شمالها كم شارع كلها قيور ودبلات طب وتخير بس


لكن صراحه ما انصح تصلح او تشتري منهم .. لأن صلحت الدبل مرتين عندهم ولاكمل معي شهرين ..


والحل تأخذ دبل مستعمل من التشليح لم يفك ..


وبرضة القرازاه تحصلها بالتشليح

[محمد النيساني]

عندي نفس مشكلتك باترول 2000 واحد قالي اذا غيرت الجنزير غير معهم ترسين عشان ما يتخرط مره ثانيه
ولحد الان متردد ادور مستعمل ولا اشتري جنزير الله ييسر ان شاء الله

[ls1.5700]

جنزير مافيها كلاام غيره وكاله وتنحل مشكلتك