خاص لملاك التاهو امل الدخول للمختصين

[مغرم بالفياض]

عندي مشكلة في التاهو 2007 استخدام امريكي القير على وضع d يعطي فاضي وكذلك على وضع r الرويس ورتفعت حرارة القير الى 120 درجة في الشاشة واسحب عيار الزيت للقير له ريحه مخيسه واذا برد يمشي بس مايطول يفضي طبعا الكلام هذا كله على خط الغربية السؤال ؟
وش سبب هذي المشكله والسيارة ماشيه 90 الف فقط ومحافظ على تغير الزيت والفلتر
هل سببه المرتفعات الجبليه لانه بصراحة اشتغلت السيارة على خط كرا من الطائف لمكه رايح جاي وبعض مرتفعات الشفاء ارجو الرد لمن عنده خبره

[tevo]

السلام عليكم
هذا سلمك الله احتمال كبير ان الكلتشات راحت والسبب حرارة القير الزايدة .
تأكد من الكلتشات واذا هي الله يكون بعونك ان شاء الله.
نصيحتي لك ركب مبرد لزيت القير اضافي مع العلم ان السعودي يجي فيه مبرد اضافي وتقدر تطالع في شبك اي جمس بتلاقي قدام رديتر صغير هو حق القير وبعد الناس يغيرون السعودي بواحد اكبر للحفاض علي القير.
تكلفة المبرد تقريبا من 400 الي 1000 حسب حجم المبرد ونوعه.

[مغرم بالفياض]

جزاك الله خير بس ودي اعرف اذا كان العطل من الكلتشات ايهما افضل التوضيب او اركب مستعمل ؟ وهل قير 2009 جيد او 2010 ست تغييرات ؟ وشي الورشة الممتازة في الرياض الي تنصحون فيها ارجو الرد تحياتي لك واشكرك على مرورك

[survivl]

اخوي وضب قيرك احسن شي لان المستعمل ماتعرف هل هو نظيف اولا بالاظافة ان قير 2007 يختلف عن 2008 فوق لانة خمس تغيرات وال2008 ست تغيرات لذلك افضل حل هو التوضيب علمآ ان التكلفة ماتعدي ثلاث الاف للتوضيب لاني اعرف واحد وضب يوكن 2007 بالفين وخمس مية هنا في الرياض