المساعد الشخصي الرقمي

مشاهدة النسخة كاملة : تم إيقاف التصاريح لراس بوعلي في الجبيل


الطرماح
06/09/2011, 02:51 PM
السلام عليكم وعيدكم مباركم

اليوم ذهبنا الى قيادة حرس الحدود في الميناء التجاري في الجبيل ( البلد ) لاستخراج تصريح للدخول الى جزيرة راس بوعلي

لكن للاسف قال لنا الضباط انه تم إيقاف اصدار التصاريح بأستثناء اصحاب الحضرات وهذا المنع لأسباب امنية
الرحموني
06/09/2011, 07:11 PM
حلوة اسباب امينة هههههه

اقول الله يكافيهم ان كانت المسألة قطع رزق

تعبونا نفسياً ممنوع... لا يسمح ...مدري ايش !!!!

الله يكافيهم بس
شاهين2007
06/09/2011, 07:17 PM
والله مع اني مية % ضد المنع لكن يخوي شوف الموضوع من جهه ايجابيه
يمكن المنع يكون في صالح المنطقه وترجع السمكه قويه فيها
عندك مثال راس بو قميص
كنا نشيل منه ثلاجات كل وافضل السمك
الحين يمكن تقعد ثلاث ايام ماتصيد الا ضلع وحواقيلََ
سامي الحسين
06/09/2011, 07:23 PM
قرارات فردية لا تعبر بالضرورة عن رأي المسؤولين في وزارة الداخلية
ذوالجناح7
07/09/2011, 07:08 AM
ياخي الجامعة حااااااايرين وماعندهم سالفة


وإذا يبي يتفلسف ( أسباب أمنية ) وخلالالالاص


الله المستعان
White_Shark
07/09/2011, 11:12 AM
السلام عليكم وعيدكم مباركم



اليوم ذهبنا الى قيادة حرس الحدود في الميناء التجاري في الجبيل ( البلد ) لاستخراج تصريح للدخول الى جزيرة راس بوعلي


لكن للاسف قال لنا الضباط انه تم إيقاف اصدار التصاريح بأستثناء اصحاب الحضرات وهذا المنع لأسباب امنية




الله يعينك ويعيننا , وهذي مو أول مرة يجيها المنع , كل سنة بعد العيد يجونا بموضوع جديد , مرة ممنوع دخول العوايل ( كان اول مسموح ) , وبعدها امنعوا التخييم , وبعدها امنعوا مناطق معينة , وبعدها خلو التصريح شهر ( كان شهرين وحتى 6 شهور) , ووصلوها اسبوعين , وبعدها عشرة ايام , وبعدها خمسة ايام للساعة 6 المغرب بس ... يحاولون يطفشون المتنزهين بس صاورا كل خمسة ايام يروحون يجددون التصريح .. الحين قالوا تدري احسن حل المنع النهائي ... لكن مانقول الا حسبنا الله ونعم الوكيل .
BLA6K
07/09/2011, 12:58 PM
أنا أعتقد سبب المنع

عدم الرغبة في تحمل المسؤوليه !!
لأنها شبه مماطله على كلام اخوي "White_Shark" ( كان شهرين وحتى 6 شهور) , ووصلوها اسبوعين , وبعدها عشرة ايام , وبعدها خمسة ايام للساعة 6 المغرب بس ... يحاولون يطفشون المتنزهين بس صاورا كل خمسة ايام يروحون يجددون التصريح .. الحين قالوا تدري احسن حل المنع النهائي ...

قالوا كل يوم نقلل مدة التصريح نشوف أحد يشتكي ولا لا مااحد أشتكى منعوا التصاريح نهائياً !
ناسي سنارتي
07/09/2011, 01:59 PM
الله المستعان
هاوي2007
07/09/2011, 02:07 PM
سالفة المنع مهيب جديدة

كل سنة نسمعها

الله على ذيك الأيام كنا نروح الظهر نصلي المغرب وقبل العشا جاي ومحمل خيرات ربك من كل نوع

والتخييم يا حلاته تدخل محد يسأل عنك وتطلع يقول لك مع السلامة الحين مبتلشين بمركز منيفة حتى لو انك مصرح اول ما توصل لمكان التخييم الا والعج قدامك (وين التصريح!!؟؟)

يمرمطون عيشك لين ما تزهق وتقلع خيمتك وترجع من مكان ما جيت

الله كريم يا عم الله كريم
خفجآإوي
07/09/2011, 02:53 PM
المنع ذا شي طبيعي عآآآآآآآآآآآآآآآآآآدي متعودين عليه
حنا مانعين النزول عندنا بالخفجي
طيب ليه؟؟؟؟؟؟؟؟؟ يقولك اسباب امنيه
طيب اسباب امنيه مافي مشكله اذا في اسباب امنيه
رحت بنفسي للمنزلق انصدمت في ناس تنزل؟
طيب ليه
قالو لك الي تصريحه ساري المفعول ينزل لين ينتهي تصريحه؟
طيب ياجماعه كيف منطقه امنيه والي معهم تصاريح قديمه تنزل
قالو كذا
رحت سلاح الحدود قالو مافي مشكله
رحت الامن الصناعي قالو من سلاح الحدود
لين طفشت وربي
شريت لي شوزن وخرازه والضاهر اني بحول بر ازين لي
لاني طفشت من السمك
معآآآآآآآآنآآآآآآآآآآآه
تحياتي لكم
هاوي2007
07/09/2011, 03:15 PM
الله على المعاناه

لنا خبره بالبحر ومواعيد السقي والثبر وذولا الله يهداهم

لا اتخيم عند السيف

قط خيمتك بالبر على بعد 200 متر ولا تركن سيارتك على السيف

ليش

قال لك انخاف عليك تغرق وبعدين توهقنا

ليش تونا انتعلم المشي ما نعرف للبحر

اتخلي العقارب ودواب البر تنهش بلحومنا أزين ولا شلون

والله انهم ما عندهم سالفه
الطرماح
12/09/2011, 09:44 PM
ذهبنا للمرة الثانية وقال لنا الضابط المسؤل ان شاء الله قريب نسمح

طيب متى ؟؟
يقول مادري بس قريب ؟؟!!

مادري هل قريب شهر و لا قرن
صياد رايق بال
13/09/2011, 10:38 AM
هو خبر حلو وشين في نفس الوقت

ممكن يكون المنع لزيادة الثروة السمكية علي حسب اقوال بعض المسؤولين والبعض يقول لاسباب امنية ماعرفان لهم من حق او باطل

ممكن يكون سبب المنع اجتهاد من نفس العساكري في المنطقة

والله اعلم
اسعاف1980
17/09/2011, 01:40 AM
السبب الوحيد ما يبغون كل اشوي يحركو الدوريه ويجولون على الخلق الموجوده هناك يبغون يدقون الكبسه وبعدها الشاي وبعدها البلوت وانتا تجى تعكر عليهم
او قوارب الصيد حق الضباط شغاله جرف وما يبغون احد يشوف