المساعد الشخصي الرقمي

مشاهدة النسخة كاملة : كيف تعرف السمكه الطازه والسمكه البايته


دسم الشوارب
26/01/2006, 08:56 AM
السلام عليكم يا نواخذة ويا أهل الخبره في السمك
أنا ذاك اليوم وصاني ابوي اجيب سمك ونقزت على الفور
ودخلت محل السمك كأني داخل على عالم ثاني
اكتشفت اني كمخه في ذالامور لكن فات الاوان على الانسحاب
اول مره ادخل محلات السمك من عقب سادس ابتدائي
كنت اروح مع ابوي اذا راح يشتري سمك
مع العلم اني الى الآن آكل سمك اسبوعياً
يجيني جاهز بابا اللي يشتريه وانا في لبيت مستريح
المهم وانا في المحل ما بغيت اظهر على اني كمخه واني ما افهم
علطول عصرت مخي وجبت اقرب اسم وقلت (هاه وشلون الكنعد يا معلم )
طير عيونه فيني شوي وقال مافيه .قلت (ليش؟ خلص؟)
قال( مايجي ذالحين) وقام يقول ماينصاد والبحر مافيه وبعد شهر يجي فيه ووو
تصرفت عاد انا وقلت عطنا على ذوقك نوع ثاني ينفع للقلي وحتى نسيت اسم اللي هو عطاني
جلست اقلبها على ابو اني اتفحصها واطقطقها واشمشمها ومطرستها مطرسه وقلت له ايه طازه
حاصله من هالموقف استنتجت ان السمك مواسم ومواصفات
عاد ابغى تعلموني:
كيفية شراءه
وطريقة تفحصه
وانواعه وموسم كل نوع
وميزة كل نوع
واسعاره
مع اني ادري انكم تصيدونه ما تشترونه لكن يبي يكون عندكم خبره اكيد
ادري طولت وثقلت عليكم لكن وسعو صدوركم كبر البحر اللي تحبونه
وتحياتي لكم
كبير النواخذه
26/01/2006, 11:53 AM
حياك الله

السمك الطازه ايكون لون خياشيمه احمر مثل الدم و الخياشيم (هي فتحه خلف الراس يتنفس منها السمك)
والطازه مله ريحه والبايت اذا طول له ريحه خايسه
ايضا الطازه اتكون عيونها لامعه اما البايته عينها اتكون (طافيه) يعني بيضاء

اما اذا تسال عن السمكه سمينه ام لا فلكل نوع من السمك موسم يكون فيه سمين
دسم الشوارب
26/01/2006, 01:52 PM
ما قصرت يا كبير النواخذه لكن بالنسبه للكنعد كم يتراوح سعر الكيلو
وهل الا فضل هو ولا الهامور .
ويا ليت تعطيني اسمين ثلاثه لانواع السمك الممتاز الله لا يهينك
وياليت تخبرني ايش افضل طبخ للسمك القلي ولا الشوي ولا المحمر
ارجووووووووك تحملني وأفدني الله يثيبك
اخوك
بو راشـد
26/01/2006, 04:36 PM
السلام عليكم ورحمة الله وبركانه
مثل ماقال لخو كبير النواخذه عن طريقة معرفة السمك الطازج ولاكن حبيت ان اضيف ان السمك الطازج تجد جسمة نوعا ما مرن وليس يابس مثل اللوح. أما عن الأسعار فتختلفون عنا حيث يصل سعر كيلو هامور 4 دينار بحريني اي 40 ريال سعودي.أما ايهم أفضل فلناس أذواق ويعتمد على الطبخة ولاكن بنسبة لي انا أفضل الهامور. الأسماك المفضلة عندي الهامور الصافي والكنعد. أما عن الطبخات للسمك المقلي والمحمر هو الصافي وخصوصا للمحمر وأما المشوي كثير من أنواع الأسماك كلشعري .

أتمنى ان تكون معلوماتي مفيدة..................
دسم الشوارب
26/01/2006, 11:59 PM
ما قصرت يا بو راشد
اشكرك على الافاده والشرح والله لا يهينك
والشكر موصول الى اخونا كبير النواخذه
ولكم ازكى تحيه والسلاااااام
قاضي
27/01/2006, 09:42 PM
الناجل ملك السمك مع الطرادي والوطي والهامور الحجم الكبير يكون لون بني فاتح اسمه فرخ توين

وكل سمكه في موسمها طيبه
دسم الشوارب
29/01/2006, 09:55 AM
اخوي قاضي اشكرك للإفاده جزيل الشكر . لكن لو كان عندك لها صور ياليت توريني
والله يبارك فيك ويجزاك خير
خادم الإسلام
29/01/2006, 11:54 PM
السلام عليكم ورحمة الله وبركاته
أولاً : بالنسبة للجديد تجد علامته هي :
أ- الخياشيم حمراء أو تميل للون العودي .
ب- تجد في عينيه لمعة حادة .
ج- إذا ضغطت بإصبعك الجلد يرتفع من وقته .

أما بالنسبة للطبخ فعندك:
أ- الحريد / الهامور/ مشوي :good: على الفحم.
البياض / كنعد / فرن شي:good: خيال .
الناجل / كوزي ولكن بحجم أكبر من المتوسط من 8 ك إلى وما فوق بس :no2: تكون كبيرة العمر يعني عجيز .
والقلي كثير مثل : الشعور / حريد/ هامور / ناجل / لواطي/ بهارة / طرباني ... الخ .

وجرب استاكوزا مشوي والكبوريا مشوي :good: :good:

اتمنى أفدتك يادسم الشوارب
دسم الشوارب
30/01/2006, 12:26 AM
ياهلا بخادم الاسلام وينك اشتقنا لك
شكراً على المعلومات الذهبيه لكن الاستاكوزا لالالالالالالالا
لأني دخلت مره لمطعم وسألت عن سعره قال الصحن بـ 60 ريال
أبيك توضح لي طال عمرك اسعار كل نوع لاهنت
واذا فيه صور يكون :good2:
حاقد على لخمه
01/02/2006, 12:34 PM
يامرحب فيك اخوى دسم الشوارب والله نفس ما قالولك الشباب اتصيد لسمك من العين والخياشيم بس معلومه يمكن فاتتكم ترى فى بعض السماكين يصبغون الخياشيم فركزوا على العين احسن ومثل ما قالولك من لمعت العين

اما عن المواسم فماعرف عن مواسم السعوديه اسمحلى
دسم الشوارب
01/02/2006, 01:40 PM
اشكرك يا حاقد على لخمه على الاضافه المهمه
بس انتبه لايجرحك الموس :D :D