طريقه جديده للوكر بدون روائح او مرش

[AK-VTC]

السلام عليكم ورحمة الله
كيف حال الشباب كلن باسمه
الله يجعل هالسنه علينا سنة خير وبركه ان شاء الله
الموضوع اهو عباره عن فكره وطريقه سويتها وحبيت اعرضها عليكم وهي عباره عن وكر للمجلس والبيت بدون روائح أو مرش عزكم الله واليكم الشرح
هذا هو الوكر عند تفكيكه وهو سهل الفك والتركيب


http://www.mekshat.com/pix/upload05/images227/mk180734_waker1111.jpg


وهنا الوكر وهو مركب


http://www.mekshat.com/pix/upload05/images227/mk180734_waker22.jpg


وهنا الوكر مع الرمل لتجنب رائحة المرش وسهولة تنظيف الرمل يوميا


http://www.mekshat.com/pix/upload05/images227/mk180734_waker333.jpg


وفائدة هذا الوكر هو امتصاص الرائحة وسهولة التنظيف وسهولة الفك والتركيب بعكس الجريده اللي تحتوي على اسماء والله وآيات قرآنيه والخيش صعب غشيله بشكل يومي واتمنى ان تحوز على اعجابكم الفكره وننتظر آرائكم ومقترحاتكم
تحياتي للجميع

[اقدم صقار]

يسعدني اني من اول من بيرد على موظوعك
والله انك ابتكرت شي مهم جداً ومحتاجينه كلنا وبيض الله وجهك بياض الشاش يا بطل
ماشاء الله تبارك الرحمن الله لا يضرك على الفكره
وتقبل مروري

[سلاااامات]

ياسلاااام ياسلااام على الابتكار الراااااائع الله يبيض وجهك,,,بس المسامير البارزه تجرح الطير اذا كفخ لو قصرت من طولها شوي يكون أبتكارك ميه ميه ولا يعلاااااا عليه,,,أشكرك من أعماق قلبي,,,دمت بود ذيباااااان

[ابن حـنيف]

الله يعطيك العافية

وفكرة ممتازه وبالامكان ان اي واحد يسويها بنفسه


والله لايهينك


تحياتي ..

[راعي مرعوب]

ياسلاااام ياسلااام على الابتكار الراااااائع الله يبيض وجهك,,,بس المسامير البارزه تجرح الطير اذا كفخ لو قصرت من طولها شوي يكون أبتكارك ميه ميه ولا يعلاااااا عليه,,,أشكرك من أعماق قلبي,,,دمت بود ذيباااااان

اوفقك الراي لو يتم تقصير المسامير يكون افضل كشكل وكحمايه للطير

[AK-VTC]

اخواني اقدم صقر ، سلاااامات ، ابن حنيف ، راعي مرعوب اشكركم عالمشاركة وملاحظتكم في عين الاعتبار وكلام سليم ولا اخفي عليكم انني حاولت اني اقصهم ولكن ما حصلت المنشار المناسب وان شاء الله اليوم راح اقصهم لتكتمل الفكره وليتم تطبيقها من قبل الصقارين وشكرا للجميع

[مغاتير]

الله يبيض وجهك ياخوي الغالي عزالله فكره طيبه وممتازه
لاكن نفس ماقلو الاخوان قصر المسامير او دقها عكس يعني تكون من تحت ماهو طالعه من فوق

[اقدم صقار]

اخواني الرجال ما قصر كفكره والله العضيم انها ناجحه بكل المقاييس لاكن لكل شي سلبيات ولاكن انا اشوف المسمار شي استثنائي يمديني اقصر المسمار او اجيب من الاساس مسمار قصير واحل الموظوع هذا شي ما يعيب
فيه شي ثاني الصحن اقدر اكبره مافي مشكله هذي اشياء عاديه وتحل ببساطه الكلام في الفكره !!!!
ماشاء الله تبارك الرحمن الله لا يضرك
انا كلامي على الفكره والله مسكته وكلنا محتاجين لها
تقبل مروري مره ثانيه واسف على الاطاله

[راعي مرعوب]

الله يوفقك يرزقك فكره روعه ولا عليها كلام واذا جهزت احجزلي واحد وعطني رساله

[@السيف@]

بيض الله وجهك فكره ممتازه ماشاء الله لا قوة الا بالله الله يزيدك
ياليت لو تسويها علي شكل درج مثل طريقة اقفاص طيور الببغاء
بحيث تسحب الرمل وتغيره والطير مكانه وتخلي سماكة التراب وانت بكرامه ٢ سم
وتغير الارضيه الثابته بزلاجات بدال ماتشيل تسحب

[مخاوي ذيابه 9]

١٠٠/١٠٠
ابداااع

[سلاااامات]

اخواني الرجال ما قصر كفكره والله العضيم انها ناجحه بكل المقاييس لاكن لكل شي سلبيات ولاكن انا اشوف المسمار شي استثنائي يمديني اقصر المسمار او اجيب من الاساس مسمار قصير واحل الموظوع هذا شي ما يعيب

فيه شي ثاني الصحن اقدر اكبره مافي مشكله هذي اشياء عاديه وتحل ببساطه الكلام في الفكره !!!!
ماشاء الله تبارك الرحمن الله لا يضرك
انا كلامي على الفكره والله مسكته وكلنا محتاجين لها

تقبل مروري مره ثانيه واسف على الاطاله


هلابك أقدم صقار والله ونعم بالرجال وفكرته حنا طال عمرك ماقلنا شي بالعكس الفكره حلووووه وراعيها احلى,,,وانت قلتها كل شي له سلبيات وإجابيات ,,,وأقولها مره ثانيه بيض الله وجه عزالله ماقصر,,,حنا قلنا المشكله بالمسامير لكي يكون أبتكاره كامل والكامل وجه الله,,,ومن ناحيتي أنا من اليوم ابي اشتغل في طريقة الوكر,,,وابدعي لصاحب الفكره

[الحربي أبوذيب]

ماشاء الله تبارك الله

بدت الافكار تنهل على قسم الصقور الله لايحرمنا من هالوجيه الطيبه لاعدمناكم

لاهنت ياخوي وبيض الله وجهك على هالفكرة الممتازة

تحياتي

[ابو سالم3000]

يعطيك العافيه على الفكره المميزه بس ياليلت تعدل المشامير وتخليهن يشدن عكس على تحت على شات ما تتعور الطير

[شليويح511]

بيض الله وجهك على هالفكره والاختراع الطيب بس فيه ملاحظه لويكفخ الطير يمكن يضرب حافة الصحن جناحه ويتكسر ريشه

[(هزاع)]

جازتلي الفكره ويمكن بعد تطويرها لك اجرها من الله انشاء الله

[راعي غضبان]

ياسلاااام ياسلااام على الابتكار الراااااائع الله يبيض وجهك,,,بس المسامير البارزه تجرح الطير اذا كفخ لو قصرت من طولها شوي يكون أبتكارك ميه ميه ولا يعلاااااا عليه,,,أشكرك من أعماق قلبي,,,دمت بود ذيباااااان ابتكار 90 في الميه مثل ماقال اخوي سلااااامات المشكله 10 في الميه المسامير خطيره جدا شفلها حل اما قصها والا اربطها الى الاسفل والله يجزاك خير وتقبل تحياتي

[اقدم صقار]

هلابك أقدم صقار والله ونعم بالرجال وفكرته حنا طال عمرك ماقلنا شي بالعكس الفكره حلووووه وراعيها احلى,,,وانت قلتها كل شي له سلبيات وإجابيات ,,,وأقولها مره ثانيه بيض الله وجه عزالله ماقصر,,,حنا قلنا المشكله بالمسامير لكي يكون أبتكاره كامل والكامل وجه الله,,,ومن ناحيتي أنا من اليوم ابي اشتغل في طريقة الوكر,,,وابدعي لصاحب الفكره



ههههههههههههههههههههههههههههههههههههههههه حلوه من اليوم بتشتغل بالوكر
ما عندك وقت
الله يوفقك فيها
والله يبيض وجه راعي الفكره * عزى الله انها تنحسب لحسابه

[راشد حسين]

لاهنت الله يعطيك العافيه

لاكن هذا انت الي مسويه ولا موجود بالمحلات

[AK-VTC]

اشكر كل من كان له مرور او شارك بالموضوع
ياشباب المسامير بضبطها اليوم وانزلها ان شاء الله
اخوي شليويح انا مسويها شوي مرتفعه عشان ماتزلق السرميك او الطاوله وتقدر تسويها من غير ارتفاع
وبخصوص الصحن انت تختار الحجم اللي يناسبك وياشباب هذي فكره انا فكرت فيها وسويتها وليس محل يبيعها او يسويها
شاكر للجميع

[سلاااامات]

ههههههههههههههههههههههههههههههههههههههههه حلوه من اليوم بتشتغل بالوكر
ما عندك وقت
الله يوفقك فيها
والله يبيض وجه راعي الفكره * عزى الله انها تنحسب لحسابه


ياعسى هالضحكه دووووم مو يوووووم

[سلاااامات]

اشكر كل من كان له مرور او شارك بالموضوع
ياشباب المسامير بضبطها اليوم وانزلها ان شاء الله
اخوي شليويح انا مسويها شوي مرتفعه عشان ماتزلق السرميك او الطاوله وتقدر تسويها من غير ارتفاع
وبخصوص الصحن انت تختار الحجم اللي يناسبك وياشباب هذي فكره انا فكرت فيها وسويتها وليس محل يبيعها او يسويها
شاكر للجميع

الله يخلي لنا هالراس وابتكاراته ,,,

[أبو فيصل]

ما شاء الله فكره زينه

وهي تطوير لفكرة الشيبان من 20 سنه وهو الطشت البلاستيك في حجم هذا الصحن ولكن أعمق منه و يحط فيه الوكر (وكر المجلس) ويترسونه الله يكرمكم رمل الى النصيفه بحيث تقدر تنظفه كل لحظه و كذلك الطير يوقع وراه اذا كفخ على أرضيه مناسبه بحيث لا يجرح كفوفه و لا يلعب في ريش الجنحان و الذنيبا

السؤال:

هل هذا الصحن بما يحتويه من وكر ... الخ , متزن بأبعاد و وزن محسوب كي لا يسحبه الطير أو يقلبه عليه اذا كفخ؟ أو الفكره للطيور المبرقعه فقط؟

يمال العافيه ياراعي الفكره المطوره

[هاوي بر و صيد]

بيض الله وجهك فكره ممتازه ماشاء الله لا قوة الا بالله الله يزيدك

[الجبل البري]

اشكر صاحب الفكره على الأبداع الطيب ولكن هناك إضافات بسيطه وهي كما أشار عليها إخوننا جزاهم الله خير اولاً تكبيرالصحن - إمكانية عكس الصواميل - وهناك أيضاً ملاحظه وهي اعزكم الله مرش الشاهين يفرق عن الحر بحيث انه بعيد المدى واتمنى للجميع التوفيق×

[رامى السيد]

فكرة ممتازة فعلا والكل يحتاجها ولو طال عامود الوكر بيكون افضل ,,,,تقبل ملا حظتنا بصدر رحب فهى ليست انتقاص من فكرتك الرائعه ولكن رغبه فى وصول فكرتك الى اكتمالها ,,والله الموفق

[AK-VTC]

الصراحه اشكركم عالمرور والمشاركات الطيبه وملاحظاتكم علي راسي وفي عين الاعتبار وانتظرو الجدييييييد عن قرييب تحياتي

[Turki1]

الله يعطيك العافيه على الفكرة.
المشكله اذا صار طيرك جير يبي لك صحن ابو عشر ذبايح ويالله الخلاص.

[أبوفرحان]

والله فكرة رائعة وراح نستفيد منها

وراح تحسب لك

والله يعطيك العافية

[راعي - عديم]

يعطيك العافيه ع هالفكره الطيبه

[رسلان الوايلي]

الله يعطيك العافيه ومقصرت

[عبدالرحمن بن ذياب]

بارك الله فيك عز الله انك جبتها و ما قصرت
مجهودك يا طويل العمر يستاهل التثبيت و ال 5 نجوم
الله يجزاك كل خير وجاري التطبيق للفكرة و بارك الله فيك

[راعي فراس]

الله يجزاك خير على الفكرة الجيده

[**عاشق الشواهين**]

يعطيك العافيه على هالفكره وبيض الله وجهك حليت مشكله نعانى منها دائما

[جفنان ينبع]

الله يبيض وجهك ياخوي الغالي عزالله فكره طيبه وممتازه
لاكن نفس ماقلو الاخوان قصر المسامير او دقها عكس

[ابو مقحم]

الفكره حلوه ومفيده لكن انك تحط الطير في صحن احس انها صعبه شوي والطير له مكانته واحترامه عند العرب ونحب نكرمه مثل ما نكرم الرجال

تحياتي لك

[الطبيب 2]

هذا اللي كان في نفسي بيض الله وجهك