المساعد الشخصي الرقمي

مشاهدة النسخة كاملة : الفزعة من الرجال النشاما


sbider2002
07/09/2011, 04:15 PM
ياشباب ابي اسوي لشايبي وجار (مشب ) في البيت وانا من اهل الشرقية ولا اعرف كيف الطريقة ولا من يركبة لي وابي اقتراحاتكم ومشورتكم وفزعتكم واذا امكن صور او الطريقة وكم راح يكلف مع العلم ان مساحة الجدار اللي ابي اسويها فيها 3.90x2.50 شوروا علي يالجاويد وكيف اركبة ويش نوع الخامة اللي استخدمها وكم يمكن يكلفني وشكرا
وبيض الله وجه من ساعدني ووجيهكم كلكم
عاشق السيل
07/09/2011, 05:32 PM
وجهك أبيض يالغالي ،،

أولا ودي أقولك الوالد الله يحفظه ويخليه لك المفروض ماتقول عنه شايب ،، لأن كبار السن يتضايقون من هالكلمة حتى لو مابينوا هالشي وأنا متأكد إنك حريص جدا على رضا الوالد وعدم مضايقته بأي كلمة ،، الله يرزقك بر والديك والوفاء من أبناءك !!

ثانيا بالنسبة للمشب تراها أنواع وأشكال ومقاسات ،، سعرها يبدأ تقريبا من 1500 ريال للشغل العادي والبسيط وممكن يصل إلى 10000 ريال إذا صار كبير وفيه ديكورات ورخام !!

ثالثا أنصحك ماتكبر المشب وتخليه عرض 180 وارتفاع 160 كااااافي جدا ومنظره رائع جدا ويكون المشب والمدخنة مبنية من الطوب الأحمر والكمار مبني من الجص الأبيض وتكلفته 2500 شاملة كل شي ،، يبقى عليك تركب مروحة حديد في أعلى المدخنة ومنقل حديد متحرك في نفس المشب !!

ولو كنت بالرياض دليتك على كم محل لكن الشرقية ما أعرف فيها شي ،، والله يوفقك لكل خير ....
sbider2002
07/09/2011, 07:15 PM
بيض الله وجهك يالنشمي وكثر الله من امثالك وما زلت انتظر تفاعل النشاما الباقين عساني احصل الحل عند واحد منهم وشكرا على تعطيرك لموضوعي
البصراوي1
07/09/2011, 11:11 PM
السلام عليكم
بارك الله فيك اخي الكريم وجعله في موازين حسناتك فكم من شخص تمنى وجود احد والديه على قيد الحياة ليبر به
وبالنسبة للمشب توجد في القصيم مشبات جاهزه وبمقتضاه مختلفه شامله الوجار رخام مع المدخنه
البصراوي1
07/09/2011, 11:12 PM
وبمقاسات مختلفه
الزعازع
07/09/2011, 11:39 PM
لك رساله على الخاص

تحياتي لك
sbider2002
08/09/2011, 10:51 AM
السلام عليكم
بارك الله فيك اخي الكريم وجعله في موازين حسناتك فكم من شخص تمنى وجود احد والديه على قيد الحياة ليبر به
وبالنسبة للمشب توجد في القصيم مشبات جاهزه وبمقتضاه مختلفه شامله الوجار رخام مع المدخنه
جزاك الله كل خير على مرورك العطر
sbider2002
08/09/2011, 10:52 AM
لك رساله على الخاص

تحياتي لك
بيض الله وجهك ماقصرت
saag
08/09/2011, 12:21 PM
طيب الله فالك يالطيب والله يعينك على برك بوالديك

الوجار الجاهز المصنع من الحديد جيد ويفي بالغرض لانه مكمل بلوازمه وتحصله عند السنيدي في الرياض

اما البناء انصحك يكون جرم المدفئة تحت المدخنة مباشرة خارج الغرفة كي تستغل المساحة داخل الغرفة
وانصحك بألا تدمج بين الوجار والمدفئة لان المدفئة تفي بالغرض وفيها امان اكثر من عبث الاطفال بالنار

واهل الخبرة من البنائين ربما يفيدونك اكثر في حالة تفضيلك للبناء بدلا من الجاهز
sbider2002
08/09/2011, 04:02 PM
بيض الله وتجهك يالنشمي وجزاك الله كل خير