المساعد الشخصي الرقمي

مشاهدة النسخة كاملة : لا حول ولا قوة الا بالله،،،إتقوا الله يا أخوان


عدنان الوابل
07/09/2011, 07:26 PM
السلام عليكم
كيف الحال؟
بعد كلام اخينا (الطبيب2)عن الربح والخسارة
صراحة انصدمت
تتوقعون ليش؟؟؟؟؟؟
كل الاعضاء قالوا خسارة ،،،،،، وصح هي خسارة
تطلع تصيد بافريقيا تكلفك انت بالحالك مع عزبتك حوالي 15الف اما الطلعات العادية والهدد تكلفك من 20الى50ريال
لاكن
مين سال واحد راح يعتمر او يحج بمكة ورد علية خسارة
هو صح هذا الهدد متعة ،،لكن.،.،.،.،.،.،.،.،الى متى هذي المتعه
تعطيك حسنات ؟؟؟؟لا
تغفر ذنووب؟؟؟؟لا
اخوان انا مرة سالت واحد بدوي بالسعودية راعي طيور قلت له انت حجيت قال:ايش قلت:انت حجيت ولا لا. قال:والله معرف وش هو الحج. بغيت امسكه واذبحة قلت :طيب تعرف مكه رد علي بكل مصخرة :مكه والحج ما تسوى شي لطيور والحرار

-----------------------------------------------------
تخيل انك مكان هذا الجاهل

خسارتك للفلوس بالاماكن المقدسة تستبدل بارباح من الحسنات

وش تسوي؟؟؟؟
وش ردة فعلك؟؟؟؟؟؟؟
وش تشوف نفسك؟؟؟؟؟؟؟؟؟
وش تعتبر حالك؟؟؟؟؟؟؟؟؟؟؟؟؟؟؟؟؟
يا ناس اكثروا من زيارة الاماكن المقدسة
وشكرا
والسلام عليكم ورحمة الله وبركاته
يحب البر
07/09/2011, 07:30 PM
جزاك الله خير يالله ثبات العقل والدين
راعي مرعوب
07/09/2011, 07:35 PM
اخالف الراي اخوي عدنان واصابعك ماهي سوا
وانا اقولك في خساره ماديه لاكن خساره دينيه لااااااا والف لااااااا

ولاتجمعت معا ربعك ونت قانص معا ربعك ماتصلي مايكون بينكم ذكر الرحمن مايكون بينكم اسغفار
كل الي ذكرته حسنات
وفيها حسنات انت ماتشوفها الحمدلله لاتجمعنا قمنا للصلاه وصلينا واسغفرنا ربنا
وقت الحج والعمره محدن ينساها ولا احدن يردك عنها وبالعكس ربح مادي وربح ديني
سلاااامات
07/09/2011, 07:41 PM
اصابعك ماهي سواااا يالطيب وكلن وهوايته وش جاب طاري مكه والحج والعمره في سالفة مقناص الطيور اذا تبي تعرف منووو الصقاقير اللي اعتمروا وحجوا
اطرح سؤالك الله لا يهينك وتلقى باذن الله الجواب من الصقاقير
وبعدين البدوو ترى على الفطره وبعدين وش معنى مالقيت الا البدوي السعودي ياخوي ترى كلامك فيه تجريح لنا كسعوديين ليش يعني شنووو افهم من كلامك متخلفيييين يعني مثلاً,,,,الله يهديك حاول تطرح موضوع باسلوب راقي الله لايهينك
مغاتير
07/09/2011, 07:43 PM
ياخوي الغالي انت الحين خليت راعي الطير ناقص عقل والدين
ولا وناا خوك كلامك غلط الي يبي يدين يدله والي يبي الفسق يدله الدين
ماله دخل بصقاره الناس الي تكشت والي تقنص والي والي الي يبي الجنه يدل وانا خوك طريقه
والي يبي النار والعياذ بالله يدل طريقه الامور الي انت تتكلم عنه مايغفل عنه الا المجنوووون
والابالخير ربك الي يحاسب العبد ماهو البشر
وليتك ماقلت لاسعودي ولا غيره اطرح مواضيع فيه فايده وانا خوك
لافرق بين عربي واعجمي ألا بالتقوي
أبو أمين
07/09/2011, 07:46 PM
والله مع احترامي الشديد لك

الا انني ما عرفت توجهاتك

تذكر سالفتك انت وخويك يوم تضحكون على واحد ضعيف وتعذربون بطيره وتاخذونه ببخس الاقيام !!!

ويوم نصحناك ابيت الا ان تقول ان موقفك هو الصحيح لان الرجال مغفل ؟؟

وبعدين وش دخل المقناص في الحج والعمره !!!

ووش الطلعه اللي ب ٢٠ او ٥٠ ريال

هذا جوز الحمام اللي بهده لطيوري ليوم واحد فقط

وابشرك المقناص لافريقيا يكلفك اكثر مما ذكرت !!!
عدنان الوابل
07/09/2011, 07:50 PM
طيب يوم يقول مكة والحج ما تسوى للطيور والحرار
وبالنسبه للقنص تقولي نصلي ونسبح
سؤال
كم مرة رحت تقنص وكم مرة رحت لمكه
وجه الحاشي
07/09/2011, 07:52 PM
جزاك الله خيرا
سلاااامات
07/09/2011, 08:07 PM
طيب يوم يقول مكة والحج ما تسوى للطيور والحرار
وبالنسبه للقنص تقولي نصلي ونسبح
سؤال
كم مرة رحت تقنص وكم مرة رحت لمكه
بالنسبه للي يقول واحد من فئة المليوووون هذا اذا كان كلامك صحيح

ومن ناحية سؤالك أفرظ اي صقار راح لمكه خمس مرات وراح للمقناص ستين ألف مره تبي تحاسبه انت والا ربه
طير الهقاوي
07/09/2011, 08:09 PM
جزاك الله خير
Warad
07/09/2011, 08:19 PM
السلام عليكم ورحمه الله وبركاته
ياطويل العمر انت دخلت القنص في الدين
بعدين في احد الحين مايعرف الحج ولا مكه مستحيل
ومع احترامي لك موضوعك مدري وشو قايل
الغسق البعيد
07/09/2011, 08:22 PM
يعنى الحين البدوى الى سألته تتوقع طالع من تحت الارض مثلاً:D

اذا اليهودى يعرف مكه والحج والعمره تبى البدوى السعودى الى يتكلم عربى وليس اردو:D

مايعرف مكه صدقنى يعنى >>>>>مايقلد ناايف الراشد:D
الجش
07/09/2011, 08:36 PM
الحمدلله على نعمة الا سلام
علومك يالاجودي خرمسيييييييييييييييييه
معلومه اكثر هل الصيد والطيور على فكره مطاوعه والمطوع من طاع الله
الراسي.الراسي
07/09/2011, 08:38 PM
ياخووي انت ضارب العرفج وش دخل الصقور بالدين

اذا انت طحت بجاهل انصحه وعلمه

بس لاتحكم على الناس كلهم


يالله حسن الخاتمه
دل البحار
07/09/2011, 08:38 PM
جزاك الله خير ووفقك لكل خير
أنا داري
07/09/2011, 08:38 PM
صحيح المقناص مايغفر ذنوب لحاله
لكن الرجال يقدر يغفر ذنوبه ..
قاي انت لو في وقت مقناص وجالس لحالك تستغفر
تتأمل لخلقت ربك وعظمته سبحانه
تقوم تصلي الفجر في وقتها ولا لا؟!
المقناص ما ابعدك عن الفتنه وخلاك تغض بصرك..
ويمكن الواحد في المقناص يراجع حساباته شوي ويرفه عن نفسه عقب الضيق والحر وعقب يقدر يعتمر ويحج كل سنه وكل سنه يقنص
(الرسرل عليه الصلاة والسلام وعلى اله وصحبه اجمعين لما ضاق من دعو المشركين وعقب الحزن الله سبحانه وتعالى رفه عنه وخفف عنه بالاسراء والمعراج صح ولا لا؟!
علماً ان الرسول عليه الصلاة والسلام اعتمر وحج ..

( اوزن قبل تطرح ولا جات خفيفه اطرحها )
أنا داري
07/09/2011, 08:38 PM
صحيح المقناص مايغفر ذنوب لحاله
لكن الرجال يقدر يغفر ذنوبه ..
قاي انت لو في وقت مقناص وجالس لحالك تستغفر
تتأمل لخلقت ربك وعظمته سبحانه
تقوم تصلي الفجر في وقتها ولا لا؟!
المقناص ما ابعدك عن الفتنه وخلاك تغض بصرك..
ويمكن الواحد في المقناص يراجع حساباته شوي ويرفه عن نفسه عقب الضيق والحر وعقب يقدر يعتمر ويحج كل سنه وكل سنه يقنص
(الرسرل عليه الصلاة والسلام وعلى اله وصحبه اجمعين لما ضاق من دعو المشركين وعقب الحزن الله سبحانه وتعالى رفه عنه وخفف عنه بالاسراء والمعراج صح ولا لا؟!
علماً ان الرسول عليه الصلاة والسلام اعتمر وحج ..

( اوزن قبل تطرح ولا جات خفيفه اطرحها )
دل البحار
07/09/2011, 08:42 PM
جزاك الله خير
راعي مرعوب
07/09/2011, 08:51 PM
طيب يوم يقول مكة والحج ما تسوى للطيور والحرار
وبالنسبه للقنص تقولي نصلي ونسبح
سؤال
كم مرة رحت تقنص وكم مرة رحت لمكه


ان كانك تبي تحاسبني ؟؟؟؟

لاااااااااااااا تعليق
الحربي أبوذيب
07/09/2011, 09:06 PM
الحمدلله على نعمة الا سلام
علومك يالاجودي خرمسيييييييييييييييييه
معلومه اكثر هل الصيد والطيور على فكره مطاوعه والمطوع من طاع الله


هذا اللي حبيت اقوله سبقني الجش فيه

اهل الطيور والصيد لابد تلقى اثنين ثلاث مطاوعه من عرض الشله

الله يديم علينا نعمة العقل
مخاوي ذيابه 9
07/09/2011, 09:21 PM
٢٠-٥٠ ريال قطتكم بأي مخطط طالعين النشاما
راشد حسين
07/09/2011, 09:26 PM
هههههههههههههههههههههههههه

والله مدري وش اقوول ما قصرو اخواني
الصقر الحربي
07/09/2011, 09:35 PM
( ســــاعـــــة وســـــاعة )

لا إفراط ولا تفريط
والدين دين الوسطية
والوسطية مطلوبة في كل شئ
.........
والدين مايمنع الواحد يروح يتصيد أو يكشت أو ينفه عن نفسه بحدود الشرع



بارك الله فيك
الامبراطوري
07/09/2011, 09:40 PM
السلام عليكم
كيف الحال؟
بعد كلام اخينا (الطبيب2)عن الربح والخسارة
صراحة انصدمت
تتوقعون ليش؟؟؟؟؟؟
كل الاعضاء قالوا خسارة ،،،،،، وصح هي خسارة
تطلع تصيد بافريقيا تكلفك انت بالحالك مع عزبتك حوالي 15الف اما الطلعات العادية والهدد تكلفك من 20الى50ريال
لاكن
مين سال واحد راح يعتمر او يحج بمكة ورد علية خسارة
هو صح هذا الهدد متعة ،،لكن.،.،.،.،.،.،.،.،الى متى هذي المتعه
تعطيك حسنات ؟؟؟؟لا
تغفر ذنووب؟؟؟؟لا
اخوان انا مرة سالت واحد بدوي بالسعودية راعي طيور قلت له انت حجيت قال:ايش قلت:انت حجيت ولا لا. قال:والله معرف وش هو الحج. بغيت امسكه واذبحة قلت :طيب تعرف مكه رد علي بكل مصخرة :مكه والحج ما تسوى شي لطيور والحرار

-----------------------------------------------------
تخيل انك مكان هذا الجاهل

خسارتك للفلوس بالاماكن المقدسة تستبدل بارباح من الحسنات

وش تسوي؟؟؟؟
وش ردة فعلك؟؟؟؟؟؟؟
وش تشوف نفسك؟؟؟؟؟؟؟؟؟
وش تعتبر حالك؟؟؟؟؟؟؟؟؟؟؟؟؟؟؟؟؟
يا ناس اكثروا من زيارة الاماكن المقدسة
وشكرا
والسلام عليكم ورحمة الله وبركاته



من تكون ياعدنان الوابل عشان تخلي البدووي مضرب مثل عن الاشياء السيئة البدوو عيال حمايل ويخافون الله وكرما وطيبين بس انت شخص شايل الغيض والحقد على البدوو وبقولك قصيدة بالنت تحكي لك الصورة الاصلية للبدوو


جيتي بحلقي لقمة ٍ ماتسدي
نعم بدو حنا بدو مجد ٍ مشيد
حنا قضبنا سلمنا نستمدي
حنا هل التوحيد حنا لكم سيد
حنا الشرع الله نصون اونبدي
حنا قبايل للفعايل عواميد
حنا جبال الارض ولها وتدي
حنا بدو نرحل اوننزل ولانهيد
نتبع مطرها والحيا له نشدي
حنا نزلنا نفدها والجلاميد
حنا معيشة سبعها له نكدي
حنا الكرم حنا الشجاعه مواريد
نارد على حياض المنايا انعدي
حنا حماة اديارنا مرتع الغيد
حنا هل العشق العفيف المشدي
حنا اكعام المعتدي له ملاهيد
حنا حماة الدار عنها نصدي
حنا الوفا حنا السخا وهل الصيد
حنا الشهامه المن نخانا نهدي
حنا هل الردات يوم المعاويد
يوم القبايل في صراع اوتحدي
حنا هل البل نطوي من فوقها البيد
نشرب لبنها ومن وبرها انسدي
حنا بدو حنا قصصنا سراميد
حنا تاريخ ٍ يستمد او يمدي
حنا حشرناكم على السيف ترديد
حنا وطينا خشومكم له نهدي
حنا حكمناكم بخشم البواريد
حنا وطينا روسكم عصر جدي
لاعاد يوم ٍ جابني لك ولاعيد
ولي حليمه جعل قربك ايلدي
نعم بدو بدو بدو ياتلع الجيد
وملعون ابو عشق ٍ لفابك ابحدي
تركي الشقاوي
07/09/2011, 09:47 PM
يا جماعة الربع
ما فيه حد مايعرف مكة والحج والعمر لا صغير ولا كبير لابدوي ولا حضري
بس شكل عدنان طاح له في واحد وسيع صدروعيار يوم سمع عليماته جلس يطقطق ويضحك عليه 0
القرناس المهاجر
07/09/2011, 10:19 PM
اخي عدنان

يجب ان تكون اكثر عقلانبة .. وتحسن الظن بالآخرين
لأن المسلم لايجرح أخيه ولآيقذفه ولايبهته بظهر الغيب

اخي عدنان .. نحن في بلاد الحرمين اعزها الله
ونحن من يبلغ رسالة محمد عليه الصلاة والسلام
ونحن من احفاد الفاتحين الموحدين
ونحن في عصرٍ إمتزج بانواع المسليات والمرفهات
أخترنا ان نمارس هواية امتزجت بالرجولة والكرم والأخلاق

وأحب ان اخبرك وأبشرك ..
أن الله جعل الدين يسر وليس عسر

فجعل الحج مرة واحده في العمر .. لمن استطاع
ولايؤاخذ من لم يستطع
وكذلك العمره مره واحده لمن استطاع

وابشرك ان اغلب الصقاره .. يحجون ويعتمرون
بل ويتسابقون على فعل الطاعة .. لأنها مجلبه للخير

وابشرك ان اغلب الذين ذهبوا إلى أفريقيا
يمتعون انفسهم وينفقون من اموالهم مالله به عليم
من توزيع ملابس وغذاء وحفر آبار وغيره

ولااريد ان اذكر احد لأنهم يعملون للآخرة
ولو يسمحون لي لذكرت ذلك

حتى بالسعوديه يحملون الهدايا والصدقات
والكتيبات لنشر الدين بين الرعاة المستقدمين
لاأقول سوى هداك الله وغفر لك
والله الموفق
مغاتير
07/09/2011, 10:33 PM
طيب يوم يقول مكة والحج ما تسوى للطيور والحرار
وبالنسبه للقنص تقولي نصلي ونسبح
سؤال
كم مرة رحت تقنص وكم مرة رحت لمكه
طيب يوم رفيقك كلمك علي قد عقليتك واسمحلي علي صراحتي
ليه جمعت كل الصقاقير وليه دخلة البدو وليه دخلة السعوديين ياخوي ترا كلامك يقرا مليون واحد ف ساعه قبل لانجاوبك علي سؤالك كم مره قنصت وكم مره رحت لمكه اسأل نفسك والناس الجاوبك والي يبي يسوي خير مايقول انا وانا وانا
الله يهيدك والله موضوع اتمني من الادراه حذفه مع احترامي الشديد
جـرح الشمـال
07/09/2011, 10:37 PM
[QUOTE=الامبراطوري;7240390]من تكون ياعدنان الوابل عشان تخلي البدووي مضرب مثل عن الاشياء السيئة البدوو عيال حمايل ويخافون الله وكرما وطيبين بس انت شخص شايل الغيض والحقد على البدوو وبقولك قصيدة بالنت تحكي لك الصورة الاصلية للبدوو


جيتي بحلقي لقمة ٍ ماتسدي
نعم بدو حنا بدو مجد ٍ مشيد
حنا قضبنا سلمنا نستمدي
حنا هل التوحيد حنا لكم سيد
حنا الشرع الله نصون اونبدي
حنا قبايل للفعايل عواميد
حنا جبال الارض ولها وتدي
حنا بدو نرحل اوننزل ولانهيد
نتبع مطرها والحيا له نشدي
حنا نزلنا نفدها والجلاميد
حنا معيشة سبعها له نكدي
حنا الكرم حنا الشجاعه مواريد
نارد على حياض المنايا انعدي
حنا حماة اديارنا مرتع الغيد
حنا هل العشق العفيف المشدي
حنا اكعام المعتدي له ملاهيد
حنا حماة الدار عنها نصدي
حنا الوفا حنا السخا وهل الصيد
حنا الشهامه المن نخانا نهدي
حنا هل الردات يوم المعاويد
يوم القبايل في صراع اوتحدي
حنا هل البل نطوي من فوقها البيد
نشرب لبنها ومن وبرها انسدي
حنا بدو حنا قصصنا سراميد
حنا تاريخ ٍ يستمد او يمدي
حنا حشرناكم على السيف ترديد
حنا وطينا خشومكم له نهدي
حنا حكمناكم بخشم البواريد
حنا وطينا روسكم عصر جدي
لاعاد يوم ٍ جابني لك ولاعيد
ولي حليمه جعل قربك ايلدي
نعم بدو بدو بدو ياتلع الجيد
وملعون ابو عشق ٍ لفابك ابحدي[/]


كلام سليم الله يبارك فيك اخوي الامبراطوري
وانت ياصاحب الموضوع الله يهديك
كل هذا عشان موضوع الطيب
واتمنى من مشرفينا الكرام اقفال مثل هذي
الاسئله التي لاتخدم احد بس اخذ ورد بدون فائده للجميع
بن فتن
07/09/2011, 10:56 PM
السلام عليكم ورحمة الله وبركاته والله يكون في عون الجميع بالنسبة للجهله في السعوديه فأصابعك ماهي سوا كل ديره فيها حقها من رجالها والجهله بكل مكان يمكن اللي سالته يتريق عليك ولا يجوز الاستهزاء بالدين لاكن الله يهديه ويهديك ويهدينا معكم
الشريف 267
07/09/2011, 10:57 PM
سلام عليكم جميع اولا ...

كلامك ي الطيب مدري وش يبي ,, السالفه مققناص هوايه وحب وولع وش جاب الحج ومكه والذنوب !! ماباقي الا ندخل الشيعه والسسنه بالسسالفه مثل باقي مواضيعنا هههه ..

اما البدوي ياخوك مافي فرررق بين البدوي ( السعودي على قولتك ) وبيين الي مو بدوي الطالح والصالح تلاقيه بشكل عام بكل انواع البششر فلا تدخل البدوي بشكل خاص تراك تححرج نفسسك بهالنقطه ههههه ,, بالاخير اطررح شي يفيد ولا يسسبب حساسسه يكون افضل "" بامان الله ي غالي والمعذرره ع الاطاله,, ههههه
عابر الموج
07/09/2011, 11:18 PM
خذ هالقصيدة فيها عبر للشاعر مقحم النجدي

يـا الله يالمعـبـود يــا والــي الأقــدار=يـا فـارج الشـدات لـو هـي كليـفـه ‏
أنـت الـذي تعلـم خفـيـات الأســرار=معيش الخلند اللي عيونـه كفيفـه ‏
يـا رب يـا رحمـن عـاون هــل الـكـار=يا معـاون العبـد الضعيـف وسعيفـه ‏
اللـي مجالسـهـم بـهـا بــن وأبـهـار=ونـجـر يـصـوت للهواشـــل رجـيـفـه ‏
الـلـي صيانيـهـم وسيـعـات واكـبـار=ومفطحـات الحيـل للضـيـف ضيـفـه ‏
تقليطـهـم للضـيـف قـعـدان وأبـكــار=وحيل الغنم وقت السنين الحفيفه ‏
حنا كما المشخص اليا طب مـا بـار=بـالـوزن يـرجـح بالـدراهـم صـريـفـه ‏
حنـا لـك الله مـا نخفـي سنـا الـنـار=ولا نــنــزل ألا بـالـديــار المـخـيـفـه ‏
وحنـا لـك الله مـن بعيـديـن الأخـبـار=والنفس ما نلحـق هواهـا حسيفـه ‏
وحنـا لـك الله دوم نبعـد عــن الـعـار=ولا نقبـل العيـلات لـو هـي طفيفـه ‏
وحنـا لـك الله مــن قـديـم لـنـا كــار=عـن جارنـا مـا قـط نخفـي الطريفـه ‏
الجـار مــا نـذكـر خمـالـه ولــو جــار=وجاراتـنـا عــن كــل عـايــز عفـيـفـه
مـا زارهـن مـن يبـغـي الحـيـف زوار=ألا ولا عـنـهــن نـــــدس الـغـريـفــه ‏
وحـنـا لـــك الله للمـعـاديـن جـنــزار=والجـار مـا نجـفـاه لــو بــان حيـفـه ‏
نرفـى خمالـه رفيـت العـش بالـغـار=ونـودع لـه النفـس الثقيلـه خفيفـه ‏
وعـن المهونـه والــردا جـارنـا مـجـار=بربـاعـنـا يـلـقــا ونــاســه وكـيـفــه ‏
والجـار لـه قيمـة وحشـمـة وتعـبـار=نضحـك حجاجـه بالعـلـوم الطريـفـه ‏
نبـغـي أن كـانـه بــدل الــدار بـديــار=وقام أيتذكـر مـا حصـل مـن حليفـه ‏
يعـد مــا شـافـت عيـونـه ومــا صــار=والكـل فــي جــاره يـعـد الوصيـفـة ‏
جــار عـلـى جـــاره بـخـتـري ونّـــوار=وجـار علـى جــاره صـفـاة محيـفـه ‏
ولا بــد مــا تـذهـب تـواريـخ وأذكـــار=والطيـب يشـرى بالعمـار القصيـفـه ‏
الطيـب نوهـاتـه صعيـبـات وأعـسـار=مبطي لدسمين الشـوارب وضيفـه ‏
نكـرم سـبـال الضـيـف حــق وتعـبـار=يـوم أن خطـو الـلاش شـح برغيـفـه
يــا مـزنـة غــراء مــن الـوبـل مـبــدار=بـرقـه جذبـنـي مــن بعـيـد رفـيـفـه ‏
هلـت مـن القبلـة هماليـل الأمطـار=مـن سيلهـا الـوادي غدالـه وحيفـه ‏
تنـزل علـى الوديـان مـن ديـم مـدرار=وتصبـح بهـا ريـضـان ربـعـي مريـفـه ‏
صبح المطر فاحت بهـا ريـح الأزهـار=وتـخـالـف الـنــوار مـثــل القطـيـفـه ‏
ترعـابـهـا قطعـانـنـا ســــر وأجــهــار=تقطـف زهـر مرباعهـا مــع مصيـفـه ‏
قطعانـنـا مـــا تـرتــع بـدمـنـة الـــدار=ترعـى زمالـيـق الفـيـاض النضيـفـة ‏
ترعى بحـد السيـف قصـاف الأعمـار=في ضل مرويـن السيـوف الرهيفـه ‏
فــي ضـفـة الله ثـــم جـبــر وجـبــار=خـيـالــة يــــوم الـمـلاقــا عـنـيـفــه ‏
ترعى من البكري اليا خشم سنّـار=مـا حـده الــوادي لـرجـم الحتيـفـه ‏
تسمن بهـا العـرا مـن الـذود معطـار=غـبـوقـة الـخـطـار عـجــل عطـيـفـه ‏
يبنـي عليـهـا بنـيـت اللـبـن لـجـدار=عقـب الضعـف صـارت ردوم منيـفـه ‏
أن سوهجوا عنها معاميـس الأبصـار=حـنــا نـــرد الـلــي يبـيـهـا نكـيـفـه ‏
ما هي سوالف مسرد عقب مـا نـار=مـع العـرب يشبـه لخـطـو الهديـفـه ‏
ومن لا صبـر مـا حـاش بالفـود دينـار=تصبـح أحوالـه عنـد ربـعـه كسيـفـه ‏
خطـو الولـد مثـل البليهـي اليـا ثــار=زود على حملـه نقـل حمـل أليفـه ‏
يشدا هديب الشـام حمّـال الأقطـار=الـيــا زودوا حـمـلـه تـــزاود زفـيـفـه ‏
وخطو الولد مثـل النـداوي اليـا طـار=صيـده سميـن ولا يصيـد الضعيـفـه ‏
وخطو الولد فعله على العيب والعار=صـفـرٍ عـلـى عــود تـضـبـه كتـيـفـه ‏
وخطو الولـد كوبـان مـا يقـرب الحـار=لا نـافــع نـفـسـه ولا مـنــه خـيـفـه ‏
وصلاة ربي عـد مـا أخضـر الأشجـار=على الرسول اللي علومـه شريفـه
الذحاح
08/09/2011, 12:47 AM
والله مع احترامي الشديد لك

الا انني ما عرفت توجهاتك

تذكر سالفتك انت وخويك يوم تضحكون على واحد ضعيف وتعذربون بطيره وتاخذونه ببخس الاقيام !!!

ويوم نصحناك ابيت الا ان تقول ان موقفك هو الصحيح لان الرجال مغفل ؟؟

وبعدين وش دخل المقناص في الحج والعمره !!!

ووش الطلعه اللي ب ٢٠ او ٥٠ ريال

هذا جوز الحمام اللي بهده لطيوري ليوم واحد فقط

وابشرك المقناص لافريقيا يكلفك اكثر مما ذكرت !!!

من جد تذكر سالفة الطير الي شريته من سوق الطيور وضحكت على راعيه يا بتاع ربنا ولا التوبه هلت عليك فجأه
زاد المعاد
08/09/2011, 12:57 AM
ياالربع احسنوا الظن في اخوكم المسلم ونعلم جميعا ان المقناص ماهو حرام ويعد من المباحات ولا نختلف ان فيه ناس اعمارهم50 و60 سنه ماحجوا وكل سنه يقولون السنه المقبله كله عشان الهوايات المتعدده والمقناص وخاصه وقت الحج فيه عبور قوي ممكن تنفع فيهم النصيحه وكلمته يقول البدوي وفي السعوديه يقصد انه في السعوديه اقرب الى مكه لغيرها وكلمة البدوي يقصد انه دائما متعلق قلبه بالله وبعيد عن ملذات الدنيا
الشلاعي
08/09/2011, 01:13 AM
:good2::good2::good2::good2::good2::good2::good2:
يا جماعة الربع
ما فيه حد مايعرف مكة والحج والعمر لا صغير ولا كبير لابدوي ولا حضري
بس شكل عدنان طاح له في واحد وسيع صدروعيار يوم سمع عليماته جلس يطقطق ويضحك عليه 0
drksa
08/09/2011, 01:59 AM
أخوي الكريم ما في شي البدنيه خساره غير خسارة العمر وبعدين اصابع ادينك ماهي سوي ناس اعتمرة برمضان 4 مرات في شهر واحد ومع ذلك يدور الوناسه الله سبحانه وتعالي ترك لك مجال للعباده ومجال لنفسك بس عاد بدون فسق او كفر او فجور
راعى شاهين
08/09/2011, 02:04 AM
عدنان الوابل صغير سن ولاتجيبووووحيلكم عليه