ام صتمة تركية قوية وبلاش ... [الأرشيف]

مشاهدة النسخة كاملة : ام صتمة تركية قوية وبلاش ...

arrow

08/09/2011, 05:40 AM

بسم الله الرحمن الرحيم ,,,

السلام عليكم ورحمة الله وبركاته ,,,,

مقصر في خيمتكم فاعذروني ...

اليوم مريت الهدف بشارع التخصصي لي معهم شغل ...
لفت انتباهي تجمع بعض الزباين عند البنادق ...
اخذني الفضول وقعدت اتفرج معهم واشوف العالم تضف ..

سألت قالو عليها تصفية وبسعر اخو البلاش ...

قيمتها: 500 ريال ...
قوتها: قريبة من 85 الفايروخ ...
الشكل: انيق والالوان ممتازة ( تجي 4 الوان )...
الوزن خفيف : أخف من 75 فايروخ ....
الجودة: ماجربته الى الان ولعل اللي جربها يعطينا عنها معلومات ...
يقول لي واحد ان السبرنق حقها ينكسر بسرعه ( والحل تركيب سبرنق فايروخ )
يجي معها قطع غيار : منشاف واسبرنق ( اول مرة اشوف ام صتمة معها قطع غيار )

مقارناتي مع الفايروخ لاني مدمن فايروخ ,,, وكل سنة او سنتين بالكثير آخذ لي واحدة من حبها .....
و الرجال اللي طيحني في الفايروخ يقول لي ابقنع الشيخ الشريم الجمعة الجاية تصير فايروخ هي موضوع الخطبة بالحرم :eek::eek: ,,,,, وبعد ماطحت به عذرته الحقيقة :D:D .......
ومازلت اشوف انها الافضل بلامنازع ......

نرجع لموضوعنا وهو هالتركية المزيونة اللي مابعد جربناه تجريب نحكم عليه زين ...
لكن مهيب حسافة نجربه ب 500 ريال ... ونوزع على الشباب منها ...

اخليكم مع الصور والتجربة لقوتها :

http://img577.imageshack.us/img577/3380/bb1kg.jpg

http://img339.imageshack.us/img339/1774/96476856.jpg

http://img809.imageshack.us/img809/2493/33971971.jpg

http://img40.imageshack.us/img40/6236/16649903.jpg

http://img638.imageshack.us/img638/1436/30978530.jpg

http://img831.imageshack.us/img831/1781/69490765.jpg

http://img64.imageshack.us/img64/3697/55149912.jpg

http://img16.imageshack.us/img16/6366/91515259.jpg

http://img64.imageshack.us/img64/6276/b10jf.jpg

http://img15.imageshack.us/img15/1280/b11k.jpg

http://img854.imageshack.us/img854/9514/bb12d.jpg

http://img855.imageshack.us/img855/3887/b13kf.jpg

http://img594.imageshack.us/img594/6568/b14g.jpg

وهنا التجربة لقوتها
( طبعا شقت القوطي وضربت الجدار بشكل قوي ورجعت الصتمة واضربت الجدار اللي وراي :eek: ) الرمي من بعد 12 متر

قوية ( اقوى مما توقعت )

طبعا رميت رميتين كلهن بنفس المدخل بس المخرج مختلف ...
واللي رجعت وضربت الجدار اللي وراي هي الصتمة الاولى ....

http://img88.imageshack.us/img88/5153/b15xi.jpg

واضح تأثير الصتمة على الجدار بعد خروجها من القوطي

http://img694.imageshack.us/img694/8278/b16bp.jpg

وفق الله الجميع

أبوعابد 22

08/09/2011, 06:01 AM

والله وانا واخوك مهيب شينه عندك رقمهم

arrow

08/09/2011, 06:09 AM

والله وانا واخوك مهيب شينه عندك رقمهم

هلا ابو عابد ....
لك رسالة على الخاص يالغالي ..
وفقك الله ...

swead

08/09/2011, 09:31 AM

مكشاتي رحال

08/09/2011, 09:51 AM

هل جميع المديلات بنفس القوة ...!؟
وهل الاسعار تختلف من مديل لاخر..؟
وكم مدة الضمان ؟؟؟:good2:
واحسن شكرا اإلك خيو..!;)
وابقولو لامام مسجدنا يخطبو بها الجمعتو الجايتو بعد المغربي فجريتا السبتي:p هذا اذا جازت لي:D

ابوخالد2012

08/09/2011, 09:51 AM

ممكن جوال المحل

قصيمي كم

08/09/2011, 09:55 AM

لاهنت يالذيب الكلام هاذا كم له و ابي رقم الهدف الي شريت منه يالغالي

paper

08/09/2011, 11:31 AM

مشكور يالذيب
.............................

فتاح الجواد

08/09/2011, 01:04 PM

مشكور الله يعطيك العافية

سعد الخرجي

08/09/2011, 03:17 PM

يعطيك العافيه والله يباركلك فيها ويطعمك من صيدها ,, انا جربت التركيه قوتها خياليه وتعادل الالمانيات ولكن عمرها اقصر من الالماني مع فرق السعر

5874

08/09/2011, 03:18 PM

والله اسعار زينة وعلى ماذكرت نجرب ب 500
لكن ارقامهم لاهنت يالغالي

الزويكي1

08/09/2011, 04:04 PM

وعليكم السلام ورحمه الله وبركاته
هي بالمنطقه الشرقيه
وهل اذا طلبت وحده يوصلونها لي الى المدينه
وياليت تفيدني برقم المحل
واكون شاكر لك
اخوك الصغير/ الزويكي

ابا الصلابيخ

08/09/2011, 04:17 PM

اخوي الله يعافيك
انت تقصد شارع التخصصي اللى با الرياض

arrow

08/09/2011, 06:55 PM

هذي نيشانها الخلفي ثابت ولا يتغير .. لكن مشكلتها بالنيشان الأمامي عريض .. واذا جيت توزن البندق توزن على راس النيشان الأمامي ..

وأول ما تاخذها شد مساميرها زين بمفك قوي عشان ما تنعدم مساميرها .. والله يبارك لك فيها ..

شكرا اخوي سويد على عرض التجربة
وفعلا نيشانها ثباته عجبني
وفقك الله

هل جميع المديلات بنفس القوة ...!؟
وهل الاسعار تختلف من مديل لاخر..؟
وكم مدة الضمان ؟؟؟:good2:
واحسن شكرا اإلك خيو..!;)
وابقولو لامام مسجدنا يخطبو بها الجمعتو الجايتو بعد المغربي فجريتا السبتي:p هذا اذا جازت لي:D

هلا بك ...
هي موديل واحد يجي منه 4 الوان وبنفس القوة والسعر واحد 500 ريال
الضمان ماسألت عنه ...
والخطبة خلها عن الفايروخ ... مهوب عن التركية ...
بس خل امامكم يجربها ويمكن يقتنع ....

:D:D:D

وفقك الله ...

لاهنت يالذيب الكلام هاذا كم له و ابي رقم الهدف الي شريت منه يالغالي

هلا بك قصيمي كم ,,,,

تلفون: 01-4660202

وفقك الله

مشكور يالذيب
.............................

العفو يالغالي ......

مشكور الله يعطيك العافية

العفو يالغالي

يعطيك العافيه والله يباركلك فيها ويطعمك من صيدها ,, انا جربت التركيه قوتها خياليه وتعادل الالمانيات ولكن عمرها اقصر من الالماني مع فرق السعر

جزاك الله خير اخوي سعد على عرض تجربتك .....
القوة اعتقد مقاربة جدا لل 85 الفايروخ ,,,,,
وفقك الله .....

والله اسعار زينة وعلى ماذكرت نجرب ب 500
لكن ارقامهم لاهنت يالغالي

تلفون: 01-4660202
وفقك الله ...

وعليكم السلام ورحمه الله وبركاته
هي بالمنطقه الشرقيه
وهل اذا طلبت وحده يوصلونها لي الى المدينه
وياليت تفيدني برقم المحل
واكون شاكر لك
اخوك الصغير/ الزويكي

هلا بك ... انا اخذتها من الرياض .. ولا اعتقد يوصلون لكن لهم فروع بالمملكة ,,, وهذي فروعهم :

شركة الهدف في الرياض - شارع التخصصي- مقابل ساكو

تلفون: 01-4660202

شركة الهدف في القصيم - بريدة - سوق الجردة
هاتف رقم : 063244793
شركة الهدف في حائل - منطقة صبيان مقابل حديقة الزيتون
هاتف رقم : 065434808
شركة الهدف في المدينة المنورة - طريق الهجرة
هاتف رقم : 048550057

اخوي الله يعافيك
انت تقصد شارع التخصصي اللى با الرياض

هلا بك ,, نعم انا اخذتها من الرياض وممكن متوفرة بباقي فروعهم ...
وفقك الله ...

........................

ابو نعمه

08/09/2011, 07:46 PM

والله ما هي شينه 500 ريال
و لكن كم عمرها الافتراضي انا من جهتي لو ان الهدف حولي اخذت ثنتين 1000 ريال في ساكتونين ممتاز
و بشيك مع الهدف اذا ما زال موجود هذا العرض نجي الرياض 400 كيلو مقدور عليها

الله يعطيك العافيه

النبع

09/09/2011, 04:04 AM

ان شاء الله اروح الجمعة للجردة وتأكد من سعر وضمانها و أخذلي وحده :D:good2:
واعلمكم

arrow

09/09/2011, 04:07 AM

رسلان الوايلي

09/09/2011, 04:14 AM

الله ليهبنك اخوي بس ابي اسالك
كم سعر فايروخ 75

عيسى عبد الله

09/09/2011, 04:23 AM

أخوي والله ممتازه جداا

والله يبارك لك فيها بس بودي لو ترسلي رقمهم ..

ومكانه وين لاهنت طال عمرك

joon1

09/09/2011, 04:38 AM

مساء الخير

يعطيك العافيه على هالتقرير

بس حبيت اسئل

هل فيه تصريح لهن ؟؟
يعني يعطوونك تصريح على الاقتناء والحمل ؟

معشوقي الصمان

09/09/2011, 07:02 AM

وعليكم السلام ورحمة الله وبركاته/
مشكوووور أخوي على التذكير الله يعطيك العافية.

5874

09/09/2011, 08:08 AM

ان شاء الله اروح الجمعة للجردة وتأكد من سعر وضمانها و أخذلي وحده :D:good2:
واعلمكم

حياك الله مريت عليهم الخميس وحصلت الزول
ويقول موجود بالرياض هو ماعنده شي

arrow

09/09/2011, 11:12 AM

ان شاء الله اروح الجمعة للجردة وتأكد من سعر وضمانها و أخذلي وحده :D:good2:
واعلمكم

هلا بك النبع ... ننتظرك ...
وانا خابرهم مايفتحون الجمعة
واخونا 5874 يقول مافيه الا بالرياض ....

الله ليهبنك اخوي بس ابي اسالك
كم سعر فايروخ 75

هلا بك رعي الجيب .... اليوم جمعة ولا كان مريت الرميح وسألتهم عنها بس الرميح مايفتح الجمعة ... ممكن تاخذ رقم شركة الرميح للاعلام وبنادق الصيد من الاستعلامات وتدق عليهم السبت او لعلي اتصل السبت واعلمك ان شاء الله ...
بس ترا 75 مهيب على كبر رقمها ... لان قوتها اقل من ال 35
هي قريبة من 27 قوتها
بس كل الفايروخ مع 85 بعد لايهون عليك
شكرا

أخوي والله ممتازه جداا

والله يبارك لك فيها بس بودي لو ترسلي رقمهم ..

ومكانه وين لاهنت طال عمرك

هلا بك ارقامهم موجودة بردودي بالصفحة الاولى ...
شكرا

مساء الخير

يعطيك العافيه على هالتقرير

بس حبيت اسئل

هل فيه تصريح لهن ؟؟
يعني يعطوونك تصريح على الاقتناء والحمل ؟

مساء النور جون ....
نعم فيه تصريح ... لازم تروح لهم ببطاقة الاحوال حقتك

شكرا

وعليكم السلام ورحمة الله وبركاته/
مشكوووور أخوي على التذكير الله يعطيك العافية.

العفو اخوي معشوقي الصمان

حياك الله مريت عليهم الخميس وحصلت الزول
ويقول موجود بالرياض هو ماعنده شي

جزاك الله خير على الايضاح .....
شكرا

..........................

النبع

09/09/2011, 12:53 PM

وين مكانه بالظبط (ببريده بالجردة ) ممكن توصف لأني رحت للجرده وما حصلته..

ابا الصلابيخ

09/09/2011, 12:55 PM

ياجماعة الخير
القاها بحفر الباطن ولا الشرقية افيدونا جزاكم الله خير

arrow

09/09/2011, 01:11 PM

وين مكانه بالظبط (ببريده بالجردة ) ممكن توصف لأني رحت للجرده وما حصلته..

ياجماعة الخير
القاها بحفر الباطن ولا الشرقية افيدونا جزاكم الله خير

هلا بكم يالغالين ...
بالنسبة لموقعهم ببريدة ماادري وين بالضبط ...
لكن اتصل عليهم ويعطونك العلم ان شاء الله ...
بالحفر او الشرقية ما اعتقد تلقاها لان مالهم فروع حسب علمي ...

ارقام تلفوناتهم:

شركة الهدف في الرياض - شارع التخصصي- مقابل ساكو

تلفون: 01-4660202

جوال : 0507135105
شركة الهدف في القصيم - بريدة - سوق الجردة
هاتف رقم : 063244793
شركة الهدف في حائل - منطقة صبيان مقابل حديقة الزيتون
هاتف رقم : 065434808
شركة الهدف في المدينة المنورة - طريق الهجرة
هاتف رقم : 048550057

بس تراهم مايفتحون الجمعة ......

وفقكم الله ....

النبع

09/09/2011, 01:18 PM

مشكور على متابعك للموضوع
( والله يرزقك من واسع فضله)

رحال السراة

09/09/2011, 04:04 PM

والله انك ماقصرت أبد وكفيت ووفيت مع الأخوان ..

لكن اذا تسمح بالجنوب أحصل لهم فرع أو موزع ؟؟ ...
لأن والله بعيده , والسعر مغري ..

arrow

09/09/2011, 06:52 PM

مشكور على متابعك للموضوع
( والله يرزقك من واسع فضله)

العفو يالغالي ....

والله انك ماقصرت أبد وكفيت ووفيت مع الأخوان ..

لكن اذا تسمح بالجنوب أحصل لهم فرع أو موزع ؟؟ ...
لأن والله بعيده , والسعر مغري ..

هلا بك ....
اتصل على مركزهم الرئيسي بالرياض لعلهم يفيدونك ...
وترا الكمية محدودة حسب علمي
شكرا

......................

صخب

09/09/2011, 07:12 PM

النبع

10/09/2011, 01:12 AM

السلام عليكم

هلا اخوي arrow الحين انت معك وحده ابسألك عنها
1- وش تعادل قوة الساكتون اللي معك ؟
2-هل كسرتها قويه ؟
3-وشو المنشاف اللي يتحرك الأمامي اللي براس الساكتون اواللي بالوسط ؟
4-هل اجد عندهم مقاسات مختلفه؟
مشكو ولا هنت يالغالي

arrow

10/09/2011, 03:09 PM

والله سعرها حلو

والهوائيات توافيق قبل اشري سالت عن الاسبانيات ومالقيت اللي يمدحهن

توكلت على الله وشريت شادو 1000 الى الان صايد فيها فوق 100 دخله وتطير الراااس تطيييير

لكن يعيبها المنشاف يتحرك وحله الصمغ

جزاك الله خير اخوي صخب على عرض تجربتك ....
وفقك الله ...

السلام عليكم

هلا اخوي arrow الحين انت معك وحده ابسألك عنها
1- وش تعادل قوة الساكتون اللي معك ؟
2-هل كسرتها قويه ؟
3-وشو المنشاف اللي يتحرك الأمامي اللي براس الساكتون اواللي بالوسط ؟
4-هل اجد عندهم مقاسات مختلفه؟
مشكو ولا هنت يالغالي

وعليكم السلام ورحمة الله وبركاته ,,,
هلا اخوي النبع ,,,
1- تقريبا 85 فايروخ
2- نعم
3- اشوف كلهن ثابتات
4- اللي شفته عندهم مقاس واحد وسعر واحد
العفو يالغالي ...

.....................

ابوسفان

11/09/2011, 06:43 PM

http://4.bp.blogspot.com/_3I_aWdPjyV4/SYTnJbRsQ1I/AAAAAAAAASQ/82t43Y7N_TI/s400/97467-004-471B0B3C.jpg

لو علشان هالذيب تستاهل التركية
و 500 ريال بلاش .........

smb916

11/09/2011, 11:47 PM

هذا موقع الشركة وفية مواصفات الساكتون

http://www.tomahawk.com.tr/m302.htm

النبع

12/09/2011, 10:38 AM

انا جربتها الصراحه خفيفه اوكسرتها الى حد ما مهب قويه لكن صوتها (اربيجي ) عليها صوت مهب معقول
هذي وجهة نظري فيها

*لاحظت انها يطلع منها دخان مادري طبيعي او خلل؟

أبوباسم455

12/09/2011, 10:42 AM

أنا صراحه ماأرى بغير الألـمـاني بالنسبه للساكتون !!
بس الصراحه اللي جايه مموهه شكلي بشتريها وبخليها شكل بالبيت !!

http://dc03.arabsh.com/i/00113/5cvbd8pn7ipm.gif

http://dc03.arabsh.com/i/00099/fz6vdqqe8do9.gif

مسير عليهم

12/09/2011, 12:28 PM

تسلم

جربتها البارح مع احد الاقارب شراها وجربناها بصراحه عجبتني مع اني منيب راعي اسلحه ومع هذا سعرها معقول على اداءها

جاري شراء وحده نتعلم عليها

arrow

13/09/2011, 12:38 AM

بارك الله فيكم جميعا على عرض تجاربكم ...
والدخان فعلا لاحظت يطلع منها دخان ... بس شكله عادي ..

وفق الله الجميع

الشيخ900

13/09/2011, 04:44 AM

ماشاء الله تبارك الله هل تنباع عند محل الصياد الي بجده ولا فيه احد يوصل مشكور اخي لاهنت افيدني

ss1122ss

13/09/2011, 04:54 AM

مشكور على المعلومات الحلوة ماقصرت

صياد رايق بال

13/09/2011, 10:49 AM

مشاء الله تبارك الله

في محل بالشرقية يبيع مثلها

الله يعطيكم الصحه والعافيه

سلمان المشاري

13/09/2011, 12:57 PM

يا شباب الدخان لانها جديده انا حقتي ديانا 27 اخوي عطانياها مكسره رجعتها زي الجديده غيرت منشاف وزيتها والحين ديانا 27 لو طلقت فيها يطلع دخان علشان زيتها

سلمان المشاري

13/09/2011, 12:58 PM

ما خلصت الكميه علشان ودي اشتريلي وحده

jojomojo

13/09/2011, 04:14 PM

سلمان
امس جيتهم عندهم واجد وبإذن الله اباخذ وحده
:good2:

ابا الصلابيخ

13/09/2011, 04:19 PM

مشاء الله تبارك الله

في محل بالشرقية يبيع مثلها

الله يعطيكم الصحه والعافيه

با الله وين المحل اللي با الشرقية اللي يبيع التركيات
وهل نفس الاسعار

سلمان المشاري

14/09/2011, 12:22 AM

ولله كلااااام هذي السكتون ولا بلاش شريتلي وحده لونها مموه وحلووووووووووووه

كاتم الشكوى

14/09/2011, 05:55 AM

صراحة السعر مغري جدا
إن شاء الله ناوي أمر المحل واشوف الساكتون على الواقع
وفقك الله وجزيت خيرا

النبع

14/09/2011, 07:25 PM

هل من الممكن اني اركبلها سستة فايروخ 35 او 45 (ترهيم) لأن قوتها ماتصلح للدخل
ونا صيدي دخل وقميري

arrow

14/09/2011, 09:50 PM

حياكم الله جميعا ... وشكرا لكم على المرور العطر ,,

اخوي النبع: بالنسبة للسستة المناسبة لها مانيب متأكد لكن
اتوقع حق ال 35 يركب ....

لو توجه السؤال للهدف نفسهم اتوقع يفيدونك لان عندهم صيانة بنادق

وبالنسبة لصيد الدخل وقوة البندق:

الدخلة لو تجيها الصتمة شطف بتقطعها لو البندق 27 او 25
وان جتها الصتمة مع الراس او الرقبة ماجاها خلاف لو البندق 80
وكذلك لو توسط الصتمة من صدرها تدخل فيها وتطلع من ظهرها وما اثرت فيها لو البندق 80 ...
يعني المسألة فن ... وخلك فنان يابعدي

جربت صيد الدخل بالبنادق التالية:
نباطة, 25 , 27 , 28 , 35 , 85 , 90 , 75 ,

وافضل ماجربت ال 85 لان القريب مع الراس والبعيد مايحتاج تقرب له
وان لقيت صفارة ولا قميرية ماتحسفت
هيضتني لل 85 محبوبتي

وفق الله الجميع

v506

14/09/2011, 09:58 PM

والله إن سعرها مشجع لاكن الخوف من الميزانيه والسسته وحديد البندق لو تعطينا معلومات عن السسته والنيشان ثبوت الميزانيه

Abo gssar

14/09/2011, 10:50 PM

مجربين الساكتون ارجو انكم تعطونا رايكم عنها بصراااااحة
لاني ناوي اخذ منها اذاانها تستاهل فانا ابدق مشوار حوالي 500 كليو راحي ومثلها جاي عشان اخذها .
عطونا العلم اللي يجمد على الشارب .
ابيها للسمان.

صر طاق

15/09/2011, 12:21 AM

باقي شي في بريده افيدوني يالنشامى ضرووووووووووووووري

الشيخ900

15/09/2011, 12:51 AM

اخوي حاولت ارسلك على الخاص مارضي لازم المشاركات تتعدى 50 وانا ابي وحده من هالبنادق لاهنت كيف اتواصل معك انا بجده

النبع

15/09/2011, 07:04 AM

وبالنسبة لصيد الدخل وقوة البندق:

الدخلة لو تجيها الصتمة شطف بتقطعها لو البندق 27 او 25
وان جتها الصتمة مع الراس او الرقبة ماجاها خلاف لو البندق 80
وكذلك لو توسط الصتمة من صدرها تدخل فيها وتطلع من ظهرها وما اثرت فيها لو البندق 80 ...
يعني المسألة فن ... وخلك فنان يابعدي

جربت صيد الدخل بالبنادق التالية:
نباطة, 25 , 27 , 28 , 35 , 85 , 90 , 75 ,

وافضل ماجربت ال 85 لان القريب مع الراس والبعيد مايحتاج تقرب له
وان لقيت صفارة ولا قميرية ماتحسفت
هيضتني لل 85 محبوبتي

الله يجزاك خير على المعلومات المفيده

كفو يالذيب

فرج بن فلاح

15/09/2011, 11:14 AM

كم سرعتها ؟

ibrahim_20

15/09/2011, 04:34 PM

يعطيك العافيه

arrow

15/09/2011, 07:36 PM

حياكم الله جميعا .. وشكرا على المرور العطر ...

اخوي الشيخ 900 :
الله يحييك اي وقت يالغالي مايحتاج تراسلني على الخاص .
بالنسبة للبندق هي متوفرة في محل الهدف بشارع التخصصي بالرياض وموجودة ارقامهم بالصفحة السابقة
اتصل عليهم وشف امكانية الحصول عليها بجدة ....
وفقك الله ....

محب الخيال

16/09/2011, 11:53 AM

والله ما هي شينه 500 ريال

اَلمشتآآآق

14/10/2011, 07:06 PM

مشكور يا اخوي بس ياليت تكون الصور اوضح من كذا تقبل مروري

البواردي-w

14/10/2011, 07:57 PM

كم سعر شوزن البرتا اكستريما2
كم سعر شوزن البنلي السوبر واللمتد

البواردي-w

14/10/2011, 08:06 PM

كم سعر شوزن البرتا اكستريما2
كم سعر شوزن البنلي سوبر ولمتد

عاشق التحليق

18/10/2011, 03:16 PM

يا خوي جزاك اله خير كم لك من يوم شريت الساكتون بالضبط وهل هي موجوده في الشرقيه
والتصريح كم يقعد عاشان يخلص وهل فيه شروط للعمر وكم يستمر هذا العرض

عاشق التحليق

18/10/2011, 03:20 PM

يا خوي جزاك الله خير كملك من يوم شريت الساكتون بالضبط وكم يستمر العرض علا الساكتون وكم يقعد التصريح ويجهز وهل فيه شروط علا العمر وشكررررررررا

سلمان المشاري

18/10/2011, 09:20 PM

السلام عليكم انا شاريها ما شاء الله قوقسي دخل شيوخ دخل صفار تصيدهن كلهن

واللي يقولون كم يقعد التصريح والعمر
التصريح اسبوعين او 20 يوم

العمر
مومحدد بس لازم بطاقة احوال +2صورة لك 4في 6

عاشق التحليق

18/10/2011, 09:31 PM

جزاك اله خير علا المعلومات القيمه ولاكن لهم فرع بالشرقيه ولمتا يستمر العرض علا السكتون خالص شكري وتقديري

النبع

18/10/2011, 09:36 PM

هل لها ضمان

Ss7

18/10/2011, 09:50 PM

عليها ضمان سنه

عادل 30

19/10/2011, 10:16 AM

انا اخذتها 500 الصراحه لا انصح فيها ماكملت شهر الا السبررنق انكسر والفيبر ضعيف شديت الفير بالمسمار الجنب وانكسر والفيبر من الرمي انشعر بعد اول ماتخذها وترمي تقول وش ذا الزين انا انصح بالفايروخ واذا ماحصلت ديانا ولا زيد الالماني فقط هي الي تدوم معك

عاشق التحليق

19/10/2011, 01:12 PM

يا خوي عادل30 منفعك الضمان :mad:

بواردي الروقه

14/03/2012, 04:38 PM

هاذي وين احصلها ؟؟؟؟؟

المنصف999

15/03/2012, 01:23 AM

يدلك علي الخيل اثمانها

ابوسلطان911

16/03/2012, 04:44 PM

يا شباب ما تسوى ريال لحد يشريها ويتوهق
غير دقيقه بالاصابه
والسبب دفعها غير منتظم
يعني مره تجي الطلقة فوق ومره تحت
والسبرنق ينكسر
ويجي معها واحد احتياط بس البندق مو عملي ولا يستاهل 50 ريال مو 500

فايروخ80

16/03/2012, 10:30 PM

معقووووووووووله

فايروخ80

16/03/2012, 10:32 PM

ارسلي رقمهم تكفى ووين موقهم

فايروخ80

17/03/2012, 11:54 PM

شكل ماعندك سالفه لي 3ايام اقولك ارسللي رقمهم وماترد

هاوي 80

19/03/2012, 07:24 PM

ياشباب انا توني متصل علي الهدف الي فقي الرياض يقول ما عندي يقول خلصة ويقول ماهي جايه لبعد ست شهور

الشهري0

20/03/2012, 08:17 PM

ماشاء الله

kASER-999

21/03/2012, 01:16 AM

نصيحتي للكل لا احد يشريها ويغريه سعرها لا تستعجلو
العجله ماتصيد حجل
وصاحب الموضوع ماجربها لفتره طويله
و اغلبكم ماعجبه الا لونهاا