المساعد الشخصي الرقمي

مشاهدة النسخة كاملة : ياجماعة عندي مشكلة بعداد البنزين في الجمس


alfares 01
08/09/2011, 10:03 AM
مشكلتي هي مؤشر البنزين مايشتغل الا اذا فكيت اصباع البطارية نصف ساعة وبعده اشبكه يشتغل المؤشر بس اول ماتشتغل السيارة ملاحظة تجي تفتفة شوي بعدين تروح طبيعي اضافة الانه اذا اشتغل مؤشر البنزين ووصل النصف ماينزل تحت النصف الاشوي بعدين يوقف لدرجة انه تعطل علي والمؤشر تحت النصف بشوي واكتشفت ان العطل كن من التاانكي فاضي يعني المؤشر مايحسب صح اذا وصل تحت النص وغير كذا ماايستمر يشتغل اظطر افك الاصباع مرة ثانية وثالثة بعد ,, ويوم تعطل علي غيرت الطرمبة والعوامة علما انه الموتر عوامته مفصولة عن الطرمبه وفوق هذا غيرة الطبلون على كلام فني الورشة ومااطلع من الطبلون كامل لانه عقب اسبوع طفا يعني خسرت على الطبلون بسبة ذا الورشة و بعدها وديته للبيان وقالي بعد مافحصنا الظفيره وغيره طلع من كمبيوتر السياارة هو جاب كمبيوترات من التشليح بس طلعت تالفة وقالي الحل بيدك يعني قصده جب لي كمبيوتر مضبوط واركبه بس اناا للحين خايف يمكن المشكلة مومن الكمبيوتر سالت عن الكمبيوتر بالجميح وقالي 3500 ريال بس مو موجود عندهم حاليا يقولي بجدة ,,, ماادري شراايكم هل الفحص يبين خراب الكمبيوتر او قولولي وش الحل ياخواني
السيارة جمس سوبربان 2004
بدوي جنوبي
08/09/2011, 01:13 PM
السلام عليكم
العوامه عندك فيها خلل
انت شفتهم يوم ركبوا العوامه الجديده
او حطيت سيارتك ومشيت ؟
alfares 01
08/09/2011, 06:35 PM
وعليكم السلام ورحمة الله وبركاته
العوامه جديدة مغيرها وشكيت في تركيبها فحصوها ورشة ثانية مضبوطة وبعد الظفيرة مافيها شي بعدين لو كان من العوامه المؤشر مايشتغل ابدا بس عندي لما افك اصباع البطارية واخليه نص ساعة واعود اركبه يرجع المؤشر يشتغل يوم يومين ثلاثة ثم يطفى
الوعد2
08/09/2011, 10:40 PM
اخي اذهب الي التشيليح و ركب كمبيوترعلي الشرط اذا المشكلة منه فلوسهم عندهم واذا من شي اخر رجع الكمبيوتر وادفع لهم شي بسيط عن اتعبهما وحول يكون الشغل عندهم بقدر المستطاع
alfares 01
09/09/2011, 01:11 AM
مشكور والله يسلمك من كل شر ياخوي الوعد 2
هذا اللي بسويه مع ان ورشة البيان يقول مالقينا كمبيوتر بالتشليح مناسب بعد ماجاب 3 كمبيوترات جربها ويقول كلها تالفة فاجأني
بس عشان اتاكد هل الفحص بالكمبيوتر يبين فيه خلل بكمبيوتر السيارة ؟!
طرقي 555
09/09/2011, 01:21 AM
مالك الاطريقة وحدة وانسب لك وهي انك تروح للتشليح وخلهم يركبون لك الكمبيوتر اذاطلع العلة منه عطهم فلوسهم واذاماطلع منه تاكد انه من العوامة والكمبيوترنعم يبين اي خلل ومن شان مايخذون عليك فلوس زيادة قلهم شيكو على الخلل فقط يعني مايفحصون السيارة كاملة والله يوفقك
alfares 01
09/09/2011, 01:27 AM
مشكور ياخوي الطرقي555 ماقصرت الله يسلمك
مغلي
09/09/2011, 03:47 AM
سو مثلي
.
.
امبير البنزين عندي اخو الي عندك
يوقف عند النصف ولا ينزل عن النصف بدا
سوا فضى التانكي او ما فضى ... مهوب نازل ابدا عن النصف
.
.
فطنشت الامبير ولا اعطيه اي اهتمام ابدا
.
.
كل ما فللت التانكي ... اصفر العداد ... وبسم الله ... احسب له 200 ميل ... ثم اقرب محطه ... وافلل من جديد ...بلا كمبيوترات ... بلا امبيرات ... بلا طبالين ... بلا كلام فاضي
.
.
ولي على هالمنوال 3 سنوات
alfares 01
10/09/2011, 05:16 AM
اخوي مغلي مو مشكلة انا نفس مشكلتك هذا اذا ارتفع واشتغل المؤشر لكن عندي بعد يومين يطيح المؤشر واظطر افك اصباع البطارية نص ساعة ثم اركبه عشان يشتغل المؤشر وياليته يشتغل مضبوط يضل نفس المشكلة الين يوصل تحت النص بشوي يعتبر التانكي فاضي
بدوي جنوبي
10/09/2011, 11:59 AM
مثل ما قالوا الشباب قد يكون الخلل من الكمبيوتر
لان بعد فصل الاصابع وتركيبها يرجع الوضع طبيعي
يعنى الكمبيوتر يقوم بأعادة برمجة وبعدها تعود المشكله