من سواليف راعي العجراء (الشايب الحمقي والقميريه)

[راعي العجراء]

هذه سالفه قصيره عن الشايب الحمقي
فيه شايب مفتون بالصيد وخاصه القميري ولكن هذا الشايب حمقي جدا لدرجه ماتتخيلها
لو تعسره يده قطعها ولويخطي التصويب على الصيده يعض الشوزن اللي معه
في اسنانه التي لم تتجاوزالثلاثه اوالاربعه اسنان
حتى هذه الاسنان دخلت في اللثه من كثر مايعض ماسورة الشوزن وصارت اسنونه
صغيرات قاصرات مثل نصايب القبر اللي ذاري عليها السافي طول السنين
يالله تشوفها
حتى صارت الشوزن ترتجف منه اذا اخطا تخاف من العضه فمبالك بالشخص الذي يقود السياره معه وخاصه الشباب فهم يقدرونه اولا ولايريدون ان يزعلونه واذا اصاب الصيده يفرحون جدا حتى مايحمق هذا الشايب عليهم
المهم هذا الشايب يصيد قميري بالسياره ومعه قايد السياره ماخذينها سواليف
اشوي اللى وهذيك القميريه
اللي في الطلحه شافها الشايب قال اوقف اوقف هذي قميريه بس صعب رميتها بين غصون الطلحه ماشوفه زين
قدم شوي قدم السايق يوم اختفت وراء غصن
قال الشايب ارجع ارجع شوي
رجع صاحب السياره لعله تعدها ناظر الشايب ولاها ماهي واضحه
له قال قدم شوي ولاتكثر التقدم
لعل اللي يسوق تقدم اكثر من المطلوب وهو يلتفت الشايب عليه قال ان اقولك قدم شوي اخر شي تقدم واجد يابن الحلال ارجع بس اشوي السواق رجع وكثر الرجوع
ويلتفت عليه الشايب ان تعرف تسوق اقولك ارجع ترجع واجد وان قلت قدم قدمت واجد
ياشين وش هالسواقه اللي مثلك ينثبر بالدار مانت كفو صيد
يالله قدم بس شعره كودها تبين لي احسن قدم شوي وهي تطير القميري
السايق حاول يلطف الجو على الشايب مايبي يزعله
قال السائق يابن الحلال ماكتبت لنا
قال الشايب يابن ؟؟؟؟؟؟؟؟؟ الا مكتوبة لنا بس انت مسحتها بالروحه والجيه
تحرك تحركت عليك دواب الليل ارجع لربعنا ابرك منك ومن سواقتك والصيد معك
خلنا نتقهوى احسن من رفالتك
انتهت السالفه
ارجوا ان اكون وفقت في سردها لكم
مع تحيات اخيكم راعي العجراء
وتسلم علاكم عمتي منيفه

[أبيض قلب]

ما تعطيني من شنبك شوي يا راعي العجراء هاها

شايبك فطن علي واحد من أخوياي الله يذكره بالخير لو تصيد خاضور قام يبقسك بس من الوناسه
ماهو زعل ومشكوووور جزيل الشكر وتقبل ردي
(ولا تنسا الشنب)

[نجم000الشمال]

الله يمتعك بالصحة والعافية اخوي راع العجراء مثل ما امتعتنا .

اعوذ بالله من الحمق هذا كبريت ، يقول الله كاتبها بس مسحتها بالروحة والجية !!!!
والله ياني ظحكة ظحك ، ياخوك يمسح سبورة !ههههههههه

[راعي العجراء]

ما تعطيني من شنبك شوي يا راعي العجراء هاها

شايبك فطن علي واحد من أخوياي الله يذكره بالخير لو تصيد خاضور قام يبقسك بس من الوناسه
ماهو زعل ومشكوووور جزيل الشكر وتقبل ردي
(ولا تنسا الشنب)

هلابك يابيض قلب
والشنب هذا ياخوك مااستغني عنه انت تباه عاريه ثلاثة ايام وترجعه ماعندي مانع
وانا ماحطيته الا ابغى اخوف فيه عمتي منيفه ولا تخاف
وشلون لو يروح الشنب ان تمصع اذاني بس علشانك مايخالف انتحمل تمصع الاذان ثلاثةايام على شانك يالغالي
والحمق اقشر وصاحبك راعي الخاضور اللي يفرح ويضرب بالصدر اجل لوهو راعي طير
وهاد طيره على خرب اجل بيقلع اصابع رجليك وبيخلي في كل رجل ثلاثه اصابع
ويخلي اثرك مثل اثر الخرب اللي صاد طيره للذكرى مثل هذه الجرة اللي بالصوره
http://www.alrassxp.com/uploaded3/7463/31260008305.jpg

[أبيض قلب]

الله لايهينك ويرفع قدرك
(ويفكنا شر عجراك)

[محمد الظاهري]

حياك الله يا راعي العجراء
حياك الله يا صاحب الابداع والامتاع
وماشالله عليك قصصك وسردك اجمل بكثير
وخاصه قصصك التي عايشتها في ماضيق
امتعتنا في روائعك
واكرر شكري
تحياتي لك
وسلم على العمه منيفه
والنبهاني شكله يعشق لئن ينطح الهواء الشماليه ويهوبل

[صقر نجد99]

لاهنت ياراعي العجراء

والله هالشايب خطرن على اللي معه لا يحمق ثمن يقبعها براسه

الله يعطيك العافيه

[راعي العجراء]

السلام علاكم ورحمة الله وبركاته
اشكركم على ردودكم اعذروني
يالربع في الرد جماعي
تعبت ماعرف اكتب الا بصبع واحد وتسحل من الكتابه ماعاد فيه اثر بصمات
غادي اصبعي تقول قفل باب مرسيدس ماله ممسك
اشكركم على سعة صدوركم مع راعي العجراء

[أميرالعشاق]

:):):)
ياحبي لسواليفك أخي الكريم راعي العجراء
أجل:
حتى صارت الشوزن ترتجف منه اذا اخطا تخاف من العضه :):)
شايب حمقي ونظره ضعيف ولسانه متبري منه:)
الله يحسن الخاتمة للجميع..
لك مني كل الود والتقدير

....
ولا ننسى وصية النبي صلى الله عليه وسلم:
(لاتغضب)

[النبهاني]

ياهلا والله بخيي راعي العجراء
والله انك يابناخي منيفه غامرنا بسوالفك الزينه وعز الله انك موسع صدورنا
الله يوسع صدرك ويشرحه بالاسلام وينور قلبك بالايمان
ياحليل هالشايب وشكله ما هو بعيد عنك عيّار مزاح
بس انت مانت حمقي لا تقعد تزعل علينا
ترى زعلك مانقواه ولا نبيه
الله يديمك ويديم الصحه والعافيه عليك

[وردة النفل]

ياساتر من ذا الشايب الحمقي :mad:
لازم يشرب عصير ليمون وتخف الحمقه http://m002.maktoob.com/alfrasha/up/1512510995969026282.gif
سالفه جميله راعي العجرا
وسلامي للعمه منيفه :)
http://m002.maktoob.com/alfrasha/up/113239173196631011.gifhttp://m002.maktoob.com/alfrasha/up/113239173196631011.gifhttp://m002.maktoob.com/alfrasha/up/113239173196631011.gif

[Al3rands]

هههههههههههه اما عضة البندق خخخخخخخ

[راعي العجراء]

:):):)

ياحبي لسواليفك أخي الكريم راعي العجراء
أجل:
حتى صارت الشوزن ترتجف منه اذا اخطا تخاف من العضه :):)
شايب حمقي ونظره ضعيف ولسانه متبري منه:)
الله يحسن الخاتمة للجميع..
لك مني كل الود والتقدير


....
ولا ننسى وصية النبي صلى الله عليه وسلم:
(لاتغضب)



وانا يابعدي ياحبي لحضورك
قمة السعاده تطوف داخل كياني
حينما اشاهد معرفك
ووكلماتك العالبه

[أبوعبدالرحمن0]

يا حـيـــا الله راعي العجـراء

وحـي سواليفه

وش ذا الشايب..؟!!

عسى مهب أنت بس !

يا شين الحرارة الزايدة

وما شاء الله عليك عندك تشبيهات غريبة

أعجبتني الضريسات كأنها نصايب قبر قديمة..!

الله يوسع صدرك بالعافية

وما قصرت

[الدافور 1430]

سالفة ممتعة كعادتك
الله يمتعك بالصحة والعافية اخوي راع العجراء
مثل ما امتعتنا

[راعي العجراء]

السلام علاكم ورحمة الله
اشكركم على ردودكم بهذه السالفه
ارجوا ان اكون وفقت في اخراجها لكم
والمعذره على الرد الجماعي
باكر عندنا طابور صباحي قبل الدخول للفصل
بالصف خامس ب
ولازم ارقد بدري علشان اصحى بدري
قبل الطابور
حتى مايزعل علي الاستاد

[سليمان الربيعان]

ههههههههههههههه
ماقدر ارد زين من الضحك والله يكفينا شر العصبيه الزايده بس اغلب هذاولا قلوبهم طيبه
تقبل تحياتي...

[راعي العجراء]

ههههههههههههههه

ماقدر ارد زين من الضحك والله يكفينا شر العصبيه الزايده بس اغلب هذاولا قلوبهم طيبه

تقبل تحياتي...


هلابك يابو ربيعان
انت اضحك والرد خله بعدين
اهم شي انك مبسوط من السالفه

[قوافي ( أم نهار )]

حياك الله
الله يعين الشايب على نفسه
ان كان يطلع معكم للحين خوذو يانسون بترمس شاهي واول ما يعصب على طول صبوله بياله يا يهدى ولا ينام
حل مريح للجميع
الله يجزاك خير على سوالفك الجميله واللتي تتزين بالابداع المتواصل
تحياتي
..قوافي..

[راعي العجراء]

حياك الله

الله يعين الشايب على نفسه
ان كان يطلع معكم للحين خوذو يانسون بترمس شاهي واول ما يعصب على طول صبوله بياله يا يهدى ولا ينام
حل مريح للجميع
الله يجزاك خير على سوالفك الجميله واللتي تتزين بالابداع المتواصل
تحياتي

..قوافي..


هلابك ياقوافي
الشيبان الله يعطيهم الصحه والعافيه
من الصعب الخراج من متطلباتهم فحجتهم قويه علينا يالصغيرين
وامرهم نافذ لامحاله
خاصه اذا اصار البعض منهم اقشر يطق
اشكرك على هذا الحضور لاعدمتك

[يركدون]

السلام عليكم ,,, يازينك ويازين سواليفك لاعدمناك ... ما اعرف اقيم ولا عطيتك 10 نجوم

[راعي العجراء]

السلام عليكم ,,, يازينك ويازين سواليفك لاعدمناك ... ما اعرف اقيم ولا عطيتك 10 نجوم

هلا وغلا يركدون
بعد انت يازين حضورك لاعدمنا هذا الحضور
مشتاقين الى تواجدك معنا
وبعدين يااخي لاتقيم ولا شي
حضورك اعلى تقييم مع مرتبة الشرف العليا

[الجش]

:D:D:D ياكثر اشكاله هاشايب عندنا

[راعي العجراء]

عندنا وعندكم خير

[راعي العجراء]

اشكركم على الردود على هذه السالفه
وان شاءالله حازت على اعجابكم
تحياتي

[ابو ما بغى]

[
انتهت السالفه
ارجوا ان اكون وفقت في سردها لكم
مع تحيات اخيكم راعي العجراء
وتسلم علاكم عمتي منيفه[/center]

وعليكم السلام ورحمة الله وبركاته
انتهت وانا اقول ليتها ما تنتهي من غير شر
انشهد انك وفق في السرد والحبك واختيار الالفاظ
جزاك الله خير - اثرك مجرم وناسه من زمان المقدمه لحالها نارية
خاصة النصايب والقبر - الله يحسن الخواتيم
علقت لترفع ويسعد غيري كما سعدت - موفق

[ابو صالح 4]

انا وعوذ بالله من انا اعرف لك شايب كان يصلي الفرض وفي الروضه جا واحد متاخر عن الصلاه وليا الصف خاتم مالقى له محل قا يزحزح في المصلين عشان يفهقون شوي يوم وصل للشايب ما امداه يلمسه الا يلتفت ت عليه الشايب ويخبطه بيده ويقول له ربك قال السابقون السابقون ما قال المزاحمون سلمت وسلمت اناماملك هذا ان كان لك انامل مع تحياتي

[kadmalkel]

هههههههههههههههههه روعه