المساعد الشخصي الرقمي

مشاهدة النسخة كاملة : بموت قهر! ما لهالمشكلة حل؟!؟!؟!؟


msaha
09/09/2011, 02:34 PM
بسم الله الرحمن الرحيم
السلام عليكم و رحمة الله و بركاته
كيفكم أعضاء مكشات؟ أخباركم؟ هاتوا علومكم!
:D
الحين ببدأ أسرد لكم المشكلة إلي تواجهني
و كل ما أطلع طلعة صيد تقدروا تقولوا أنها .... أممم تقهرني
تعذيب مباشر و أغص بالمناظر تحتي!!!!
أفهمكم السالفة
الحين أنا كل ما أطلع أصيد سمك أروح لمكان مناسب جدا و رائع!!
تتوافر فيه
القوران (النيسرة)
الشعري و الشعم و معضم الفصائل المشابهة لهم
الهوامير متوفرة بنوعين, نوع أصفر و بني + نوع بني غامق بالكامل
تتوافر فيه أسماك البياح بشكل متقطع (بس مرور الكرام)
يتوافر الحبار (يعتمد على الموسم)
السلس و المران و كثير من الأسماك إلي ما يخلصني أذكرها
ما شاء الله على المكان مناسب جدا للصيد
المكان عبارة عن بناء قديم (محطة تعبئة بترول قوارب) و هي مهجورة حاليا و تختلف البيئات حولها من رملية و صخرية و مرجانية
الحين أنا أرمي الطعم بدون خيط (تجربة) و تهجم عليها مختلف أنواع الأسماك و أتحمس لما أشوف الكبار يتضاربوا عليه و يخطفوه معهم بين الصخور
لكن لما أحط نفس الطعم في الصنارة و الخيط ما تقترب منها و لا سمكة!!!!!!!!
يعني يحوموا حوله و بس!!!
آخر مرة كنا نرمي بدون خيط كتجربة و هجموا عليها النياسرة (القوران) و شلوها العجينة بس لما حطيتها في الخيط قربوا منها و هربوا!
و قلت أجرب الدجاج و نفس الحالة هجوم بدون خيط لكن مع الخيط حذر شديد!
و ولد خالي رمى بعض الدجاج و نشوف هامور كبير و شعري مواجهين بعض قدام الدجاج (بدون خيط) و خطفتها الشعري و تبعتها الهامور إلى جحر أو مكان بين الصخور
كل هذا تحتنا المكان مجوف من الأسفل فالسمك يعيش داخله
لكن المشكلة ليش ما يأكلوا من عندنا
صحيح قسمة و نصيب لكن ننقهر لما يجوا الناس جنبنا و ما عندهم طعم و نعطيهم من طعمنا فيمسكوا أسماك بالهبل!
و إحنا مقهورين بسمكة أو اثنين صغار :mad:
هل الخيط خطأ؟
أفيدوني اخواني بالعوامل المؤثرة لأنني ناويها هالمرة و ما بطلع بدون سمك!
تحياتي لكل من يعطر الموضوع :good2:
white_angel
09/09/2011, 04:21 PM
اتوقع الثقالة لها دور ارمي الخيط من دون ثقالة
قناص السعوديه
09/09/2011, 04:48 PM
افادك وصغر الخيط كمان
قناص السعوديه
09/09/2011, 04:49 PM
خيط كمان بلون المويه
msaha
09/09/2011, 04:52 PM
اتوقع الثقالة لها دور ارمي الخيط من دون ثقالة
جربنا مع الثقل و بدونه بس بلا فايدة


افادك وصغر الخيط كمان

الخيط كان كبير شوي هممم يمكن يحتاج تصغير


خيط كمان بلون المويه

همممم...
بلون الماي؟
أنا خيطي أخضر هل يؤثر؟؟
msaha
09/09/2011, 04:53 PM
و أشكر لكم مساهماتكم
A B D U L L A H
09/09/2011, 05:05 PM
صغر الخيط اخوي وحاول تخفي السناره بقدر المستطاع

والله يرزقك بالخير الوفير ( قسمه ونصيب اخوي )
Boury
09/09/2011, 06:34 PM
حاول تكون بعيد عن السمك قدر الامكان، تقول انك شايفه و بتحدد انواعه معناته انك قريب.
و نفس كلام الأخ A B D U L L A H تخفي الميدار بقدر المستطاع.

و بإذن الله بالصبر تنال مبتغاك.
الله يرزقك من فضله.
Al-Ghamdi
09/09/2011, 06:57 PM
مثل ماقالوا الاخوان الله يجزهم خير
انت حاول تغطي السنارة مضبوط وراس السنارة اهم شي وخذ لك خيط ازرق وارميه بدون عوامه ولا ثقل اذا انت قريب بعيد لا يحتاج تقل خفيف الوزن نص قرام ولا ربع واذا حسيت بنتش اسحب على طول

وبالتوفيق ان شاء الله
عاشق الوكري
10/09/2011, 06:41 AM
انت علمني المكان وابشر بعزك ان شاء الله
ههههههههههههههههههههههههههههههههه

اخوي خذلك خيط ابيض امريكي بيق قيم قوه 35 وازهل ان شاء الله وبدووون ثقاله

وجرب تصيد بمنجوس ولا ميد حي


انا اعرف منطقه نفس هالسالفه اشوف بواليل احجام راهيه وسبيطيه ياكثرها وارمي خبز يجي السبيطي قدامي وكبار وكنت اتعب

بس بعدين عرفت ان من الخيط والحمدلله الله رزقني باكثر من واحد
ذوالجناح7
10/09/2011, 07:32 AM
لازم تجرب كل الطرق علشان تحدد المشكلة
أو أنزل سنوركل وأشتغل عليهم :good2:


ياعاشق الوكري أرسل موقعك على الخاص الله لا يهينك
تراني مبطي على السبيطي :D


او خليني أخوايك :D:good2: وكل مشروك مبروك :s


تحيات أخوك بوحبيب من الدمــــام
ساعة صفاء
10/09/2011, 08:39 AM
يا غالي اتمنى الاخوان افادوك ومقدر ازيد على كلامهم شي بس وانا اخوك حاول تجيب خيط رفيع ويكون بنفس لون الموية وارمي صابي يعني بدون وزن وبذن الله بيجيك ما تتمناة
حجر بحري
10/09/2011, 10:56 AM
إللي ذكرته وشوفك للسمك بهالدرجه
*اذا انت تصيد نهار ماراح تمسك بس تتفرج.
*وإذا باليل وما صدت يعني فيه انوار لمبات . والمكان ليس غزير مارح تصيد الاصغير جدا
جرب بالظلمه الدامسه ومن بعيد وفالك الهامور الكبير
HOSNI
10/09/2011, 01:06 PM
تقوم بعملية تزفير قبل الصيد ويكون التزفير بكمية كبيرة وصغيرة جدا مثل خبز مبلول مع فرمه او سردين مفروم اوكبدة مفرومة مع دمائها ثم ارمى الخيط بدون ثقل مع اختيار خيط ابيض مقاس صغير وليكن من 30 الى 40 مع قوة شد عالية يعنى صنف ممتاز ودوما لاتجعل ظلك او خيالك فى الماء حتى لاتفزع السمك وتحتاج الى الصبر .. وان شاء الله سوف ترزق
msaha
10/09/2011, 04:38 PM
شكرا أخواني ما قصرتوا أبدا
المكان موجود في سلطنة عمان بعد كورنيش مطرح
تحياتي للجميع
صياد متهور
10/09/2011, 08:45 PM
شوف اخوي انته جرب لو طلع شي صغير من دا اللمكان
شكه بالميدار ورده وفالك خير ان شاء الله
وننتظر تقاريرك
بو غزاله
10/09/2011, 10:29 PM
مثل ما قا لوا الاخوان . او جرب خيط الحرير بيجي خفيف وقوي والرزق على الله
( وسمي بالله لما ترمي )
msaha
10/09/2011, 10:54 PM
إن شاء الله
شريت لي خيط جديد أزرق أخف عن الأول و بجرب و عسى الله يفتح لي أبواب رزقه
شكرا لجميع من ساهم شكلها المشكلة في الخيط و إن شاء الله خير
تحاياي للجميع
برهوم جدة
11/09/2011, 12:35 AM
عليك وعلى القراقير خذ لك واحد من هالقراقير واملاءه بالعجين المخبوز + حط شوية كابوريا + علق بخيط كم حبة باغة او سردين باحة ، وسوي مجرور حق ابو 3 ساعات وبعدين ارجع وناظر قرقورك . انشاء الله تصيدهم صيد الحمامة هاهاهاهاهاها
abo3omar
11/09/2011, 01:34 AM
اذا كان المكان فيه اضائة قوية ابعد عنه لمكان اضائته اقل في الليل . و استخدم اصغر خيط ممكن على حسب الحجم المتواجد و اتوقع 40 يكون مناسب و كل ما صغرت الخيط كان افضل . و استخدم سنارة صغيرة و اخفيها داخل الطعم لا تخلي شي منها يبان و انتا كمان حاول تجلس حتى لا تتحرك و يشوفك السمك او اذا قدرت تبعد قدر المستطاع يكون افضل .
و تاكد ان الصبر مفتاح الصيد و السمك يحس بالجلب و الخيط فاذا ما اكل الطعم وهو نازل اصبر خلي الطعم بنزل للارض و اتركه من غير ما تحركه و ان شاء الله يجيك السحب لان السمك في العاده في مناطق زي كذا يكون حساس جدا . و الله يرزقك
@السيف@
11/09/2011, 04:32 AM
اخوي هذا السمك داجن اي انه عارف كل الحركات
لكن جرب تصيد بعد المغرب بشوي او تطش دقيق تعدم الرؤيه وتسامر اي تنثر سردين معجون عجن اهلكه بالريحه خله ينخبل واحرص انه مايقدر ياكل منه
اي اول مايدخل البحر يذوب وبعدين ارمي دقيق خلي البحر طحين
وارمي الخيط بتوصيله ١٥ سم مقاس ٣٠ مم والباقي ٦٠ مم وجرب
وقبل كل شي صلي ركعتين
بس ماتكون بعد العصر لانه لا يجوز الصلاه بين العصر والمغرب بعد المفروضه
وغيرك المعلم واطلب ربك ييسر لك صيده
Makaveli
11/09/2011, 07:26 AM
أتوقع تكون السمكة شايلة بيض
لأني سمعت لما السمك يشيل بيض مايلتفت لأي نوع أكل
ويضع نصب عينيه أين يضع البيض في مكان آمن

ويمكن

بسبب إنك رديت سمك ماتبغاه وراح كلم أصحابه وصار عندهم خبرة :) والله ماأكذب سويتها في نوع من الأسماك
قتلت الأول ولما صدت ثاني منه رديته الموية ولما أحتجت سمك أصيد بيه لاحظت إن النوع إللي رديته لما يقرب يهرب من الجلب على طول

http://img593.imageshack.us/img593/4117/96526496.jpg

الأسود لما مات
والأبيض رديته الموية وبعدها ولا واحد من هذا النوع راضي ياكل من الجلب
يكتفي بالنفخ على الجلب لمحاولة إسقاط الطُعم أو اللعفة ولما مايقدر يشدها من طرفها حتى تسقط
msaha
11/09/2011, 12:23 PM
شكرا جميعا لمساهماتكم و معلوماتكم الحلوة
اليوم جربت أصيد بس في مكان ثاني لبعد المكان الأول قليلا لكن الحمد لله يضربوا الكبار ضرب بس الحين طلعتلي مشكلة ثانية خخخخ
بحطلها موضوع ثاني
لما تكون مبتديء مشكلة صراحة تتفضح قدام الاعضاء الخبراء بس منكم نتعلم و انتوا ما تقصروا بارك الله فيكم على المعلومات شكرا
msaha
11/09/2011, 12:26 PM
أتوقع تكون السمكة شايلة بيض
لأني سمعت لما السمك يشيل بيض مايلتفت لأي نوع أكل
ويضع نصب عينيه أين يضع البيض في مكان آمن

ويمكن

بسبب إنك رديت سمك ماتبغاه وراح كلم أصحابه وصار عندهم خبرة :) والله ماأكذب سويتها في نوع من الأسماك
قتلت الأول ولما صدت ثاني منه رديته الموية ولما أحتجت سمك أصيد بيه لاحظت إن النوع إللي رديته لما يقرب يهرب من الجلب على طول

http://img593.imageshack.us/img593/4117/96526496.jpg

الأسود لما مات
والأبيض رديته الموية وبعدها ولا واحد من هذا النوع راضي ياكل من الجلب
يكتفي بالنفخ على الجلب لمحاولة إسقاط الطُعم أو اللعفة ولما مايقدر يشدها من طرفها حتى تسقط

ما أعتقد يدوروا مكان للبيض لأنهم يحوموا و ياكلوا من دون الخيط
ههههه سويتها مرة بس السمك ما توقف و لله الحمد
بس لاحظت لما أرمي سمكة غير مرغوبة تتجمع حولها الأسماك يمكن يسألون عن الاحوال فوق هههه