المساعد الشخصي الرقمي

مشاهدة النسخة كاملة : حل وعلاج تنسيم البيبان والصفير للهايلكسات الجديده...


مخاوي 2004
09/09/2011, 03:33 PM
بسم الله الرحمن الرحيم


السلام عليكم ورحمه الله وبركاته


حيا الله جماعة الربع كيف حالكم ان شاء الله طيبين هع


هذا حل تنسيم البيبان الي والله سووا لي زحمه ناس قالت اعفط الباب وناس قال شق الربل بلي كنديشة بس ماخشت مخي


وفكرت كثير وطلعت لي ذا الفكره الا وهي سلك الريسيفر الاسود طوله متر لكل باب من الي قدام


جبت لي سلك رسيفر اسود وشرطنته بالشطرطون رايح جاي تقريبا ثلاث مرات عشان يظبط صح لاني جربته بدون شطرطون صح انه خف بس مازال فيه اذا صار فيه هواء او سرعه عالية 160 وفوق


المهم اليكم الصور تتحدث للتجربة والحمدلله لي تقريبا ثلاث شهور والنفسية زينه والموتر الحمدلله مابوه تنسيم لو تمشي طبلونك..
بسم الله نبدأ
http://www.up-tumaer.com/tumaer/download.php?img=1917 (http://www.up-tumaer.com/tumaer/download.php?img=1917)



هذا طول السلك متر تقريبا هع
http://www.up-tumaer.com/tumaer/download.php?img=1918 (http://www.up-tumaer.com/tumaer/download.php?img=1918)



هذا مكان وضع السلك الرسيفر بين الربلتين هع
http://www.up-tumaer.com/tumaer/download.php?img=1919 (http://www.up-tumaer.com/tumaer/download.php?img=1919)



وهذي حدود طول السلك ..باللون الاسود كما هو موضح
http://www.up-tumaer.com/tumaer/download.php?img=1920 (http://www.up-tumaer.com/tumaer/download.php?img=1920)



هذا السلك بعد وضعه بين الربلتين وشرطنته بالشطرطون الاسود
http://www.up-tumaer.com/tumaer/download.php?img=1921 (http://www.up-tumaer.com/tumaer/download.php?img=1921)


صورة اخرى للتوضيح
http://www.up-tumaer.com/tumaer/download.php?img=1922 (http://www.up-tumaer.com/tumaer/download.php?img=1922)


http://www.up-tumaer.com/tumaer/download.php?img=1923 (http://www.up-tumaer.com/tumaer/download.php?img=1923)



اتمنى الموضوع ينال على إعجابكم


ارجوا تثبيت الموضوع للفائده ولاتنسونا من دعواتكم بالتوفيق

تصميم وفكــــــــــــــــــــــــــــــرة


أبوفـارس
البواردي2009
09/09/2011, 03:36 PM
جزاك الله خيروبارك فيك

وان شاء الله يستفيدون منه الاخوان اصحاب الهلي
ك ح ن 027
11/09/2011, 01:33 PM
وعليكم السلام ورحمة الله وبركاته ...!
بارك الله فيك اخوي مخاوي .. فكره في غاية الرووعه بس عندي سؤال صغير ممكن ؟ تفضل ;)
هل لها تأثير على وزنية الباب او لا ؟
أو أي آثار جانبيه .
رسلان الوايلي
11/09/2011, 02:02 PM
الله يعطيك العافيه فكره حلوه
مخاوي 2004
11/09/2011, 02:14 PM
الله يعافيكم وشكرا على مروركم المتواضع

وتراي حازن في نفسي المشاهدات ثمانين والردود 3 تضيق الصدر بصراحة وتخلي الواحد ماعاد ينزل مواضيع

وبالنسبة اخوي ك ح ن

الحمدلله ماشفت شر منها والباب تغير شي بسيط مايذكر

والامور زينة الحمدلله وحطها وانت مغمض
أحلام رابح
11/09/2011, 02:39 PM
بصراحه فكره جهنميه بس ماتطلع مع الوقت
مخاوي 2004
12/09/2011, 08:10 AM
بصراحه فكره جهنميه بس ماتطلع مع الوقت

اول ماحطيتها يطلع شوي مع الترصيص باليدين اذا جيت اركب من جهة باب السوق اشيك عليهن وارصهن على المجرى وسلكن وضبطت وان كانك خايف انهن يطيحن حط شي خفيف مايذكر سليكون اسود وانتهت الامور


وبالتوفيق لنا ولكم
ا س ك 2707
12/09/2011, 04:22 PM
يالغالي ..:

حطيته بالموتر لي 4 شهور ...


ولا استفدت شيء حتى نسيت اني حطيته :D


بس الموتر غمارتين .
(هزاع)
12/09/2011, 04:27 PM
فكره طيبه وفقك الله
سرطوقا
12/09/2011, 04:43 PM
ماقصرت وبيض الله وجهك وتسلم يمناك لاعدمناك

مخاوي انا اقترح عليك لو تحط رابط الموضوع في خيمة السيارات وتجهيزاتها بس الله يعينك على كثرة الردود عشان ترد عليهم :D

اجمل تحيه
رسيس نجد
12/09/2011, 04:50 PM
مشكور على الابداع والفائده 0
ابوصنهل
13/09/2011, 10:29 AM
فكرة حلوة يابعدي ..
انا تقريباً مسوي مثلك لكن موب بسلك رسيفر ، بلي مكيف صحراوي :D

مشكلة التنسيم لو تلاحظ أكثر ، ليس في ربلات الباب ، وإنما في ربلات الدريشة مع الحر والشموس والبرد والتغيرات الجوية الحاصلة تصير منحلّه شوي عن الباب نفسه .. فيصير فيه فتحات صغيرة بين الربلة والباب ..
انا معي فورتنشر وقسما بالله اني كل ما آخذ لي وقت خاصة في الطريق القصيم اتأكد من الدرايش هل هي مفتوحة ولالا !!

وهنا ابي الحل منك ، وش السواة وش الدبرة ..
ابونبيل
13/09/2011, 10:36 AM
مشكور يالذيب

فكره جدا جميله
كثير السؤال
13/09/2011, 12:14 PM
رائع يعطيك العافيه يالغالي
عواد الشمري2
13/09/2011, 01:27 PM
ماقصرت عز الله انك جبته
العتيبي 88
13/09/2011, 02:12 PM
فكرة حلوة يابعدي ..
انا تقريباً مسوي مثلك لكن موب بسلك رسيفر ، بلي مكيف صحراوي :D

مشكلة التنسيم لو تلاحظ أكثر ، ليس في ربلات الباب ، وإنما في ربلات الدريشة مع الحر والشموس والبرد والتغيرات الجوية الحاصلة تصير منحلّه شوي عن الباب نفسه .. فيصير فيه فتحات صغيرة بين الربلة والباب ..
انا معي فورتنشر وقسما بالله اني كل ما آخذ لي وقت خاصة في الطريق القصيم اتأكد من الدرايش هل هي مفتوحة ولالا !!

وهنا ابي الحل منك ، وش السواة وش الدبرة ..


معي باترول ..والداريش من عند الزاويه ،،، الهوى دبل كبدي .. 88 نفس المشكله اخوي اذا به حل لهنت ..
أبوعلي 503
13/09/2011, 03:35 PM
ما شاء الله عليك والله فكره هع
جهاد الفيصل
13/09/2011, 04:16 PM
طيب للباترول السلقه يضبط ولا لا؟؟؟؟؟؟؟؟
مخاوي 2004
14/09/2011, 09:11 AM
شكرا لمروركم وردودكم الله يعافيكم

وكل واحد يجرب على موتر وش هو خسر ماتكلف 10 ريال

ان ظبطت والا مب حسوفه والطريقة على الهلي مناسبه 100/100

لكن المواتر الثانية مدري

وبالتوفيق
وسام22
15/10/2011, 12:59 PM
مخاوي 2004


1000 شكر لك


وش رايك يضبط الموضوع على الكابرس 90