ما قدرت على فرقاكم

[وكري نجد]

السلام عليكم
ياصقاقير مكشات تكفون دبرولي حل
والله تعبت
اذا انا احب الطيور والقنص
واهلي وقاربي مهوب لم
القنص وطلعات البر
واخوياي ولا واحد فيهم يحب البر
انا وش اسوي
تركت الصقاره سنه والله عجزت انسى الطيور
طيور وشريتها
وماتو قبل الربط
بس مافيه خوي ولا قريب اطلع معه لو ندعي الطير
تكفون اما احد فيكم يخاويني ونتم كلكم راعين طيب ونشامى
اسف اذا طولت

[الجش]

انت من وين ان كانك حولي ياهلا
ولله

[هاوي بر و صيد]

ياليتني قريب منك واخاويك
وان شاء الله تحصل النشمي شرواك ويخاويك

ربي يسعدك وفالك الصيد والفيد كل سنة وكل عام
تقبل مروري المتواضع واسف ان اطلت

[وكري نجد]

انا من سدير
ساكن في الرياض
حي الشفاء
انا داري لو قلت عمري ما حد بيهتم لمري
العمر 16

[وكري نجد]

مشكوريين وما قصرتو

[اقدم صقار]

السلام عليكم
اخوي حياك الله وخوتك شرف وحياك الله انا حولك
ولك رساله على الخاص

[راعي صعيب111]

خلك من الطيور
اشتهد في الدراسه ونا ابوك

[وكري نجد]

الدراسه الله موفقنا فيها بس من يفك قيود

[مهوووي]

ياطويل العمر لو انك فالشرقيه كان مريتك وطلعنا دعينا ولا جاء يوم دقيت عليك وقلتلك ياله نغزي اديار لكن بعيد عني الله يوفقك واخوي اقدم صقار مايقصر

[مقناص الكويت]

الصقار وانا اخوك مدام يقدر الطير ويعرف واجبه لطير مايهمه العمر الطير

وانا ولله بالكويت لو عندك حياك لله بين ربعك واخوانك وان شاء الي حولك مراح يقصر معاك موفق خير

[mr.salih]

موفق اخوي...بس نصيحة لا تطلع ألا مع شخص تعرفه.

[اقدم صقار]

السلام عليكم
اخوي صالح رجالن نشري خوته ونبيها ورجالن ما نبيه ولا خوته والحمد لله معروفين ومن روس رجال
ويا وكري نجد لا يهمك ابن امه توط الرماد ولا تسمي ارق سنود
لا تطويل الجداااااال

[جـرح الشمـال]

بيض الله وجهك اخوي اقدم صقار
والله يكثر من امثالك
انشهد انك تحب خوت الرجال شرواك
وانت ياوكري نجد اتمنى اني حولك اخذك
بس انا بعيد عنك يم تبوك
واخوي اقدم صقار ماقصر والنعم فيه
وانا معجب فيك لنك طلبت من اخواني الصقاقير رغبتك
ويدل على تولعك في الطير وهذا احسن من غيره:looney:
تقبل مروري
اخوك جرح الشمال

[الحربي أبوذيب]

قدها وقدود يااقدم صقار وانا اشهد انك تحب التشجيع

والله يوفقكم

[سلاااامات]

انا من سدير
ساكن في الرياض
حي الشفاء
انا داري لو قلت عمري ما حد بيهتم لمري
العمر 16

العمر كله ان شاء الله ,,,,وبما ان اقدم صقار حولك ان شاء الله مو مقصر

[عبدالرحمن بن ذياب]

الله يعينك و الحال من بعضه وانا خوك

[راشد حسين]

السلام عليكم

اخوي صالح رجالن نشري خوته ونبيها ورجالن ما نبيه ولا خوته والحمد لله معروفين ومن روس رجال
ويا وكري نجد لا يهمك ابن امه توط الرماد ولا تسمي ارق سنود

لا تطويل الجداااااال



كفو كفو والله من طيب راسك با ذيب

[ابوعزيز2007]

الله يوفقك لما يحبه الله ويرضاه واخوي صقار قديم

[رامى السيد]

اخى انت بين اخوانك ومافى احد هايبخل عليك بمعلومه يعرفها فهذا المنتدى يجميع خيرة من الرجال ولكن كن حريصا فى التعامل مع الناس ولا تاخدك الهوايه الى الخطا اعرف مع من تخرج وليس هذا تشكيك فى اى من اخواننا فى المنتدى فهم كما سبق وان اخبرتك هم من خيرة الرجال ولكن نصيحه بشكل عام من اخ اكبر

[جلاد الحباري]

الاجاويدكلهم فيهم بركه والقريب يفزع للرجال

[راعي مرعوب]

الله يحيك بين ربعك واخوانك والصقاقير الي حولك ماهم مقصرين
فالك الصيد الي يخليك ماتفكر تترك الصقاره ان شاء الله

[جفنان ينبع]

موفق اخوي...بس نصيحة لا تطلع ألا مع شخص تعرفه.

بعض العرب لاهرج يعجبك==مادوك الا بمشياته
وبعض العرب لاهرج يقلقك==مادوك الا بفرقاته
____________________________

ونعم بك اخوي اقدم صقار وانا اشهد انك رجال من ظهر رجال وخوتك تنشرى لو باغلى الدراهم