المساعد الشخصي الرقمي

مشاهدة النسخة كاملة : طلعة صيد لمنطقة عموده ومنكم نستفيد


الوحش79
10/09/2011, 08:50 AM
السلام عليكم اخواني الاعزاء

وبما انه اليوم وهذي صباحية اول يوم دراسه لاولادنا وفقهم الله

حبيت استفسر منكم انتم ذوي الخبره
ان شاء الله انا مع الشباب حفظهم الله مخططين نروح رحلة حداق خلال هذا الاسبوع الى منطقة عموده فقد سمعت عن هذه المنطقه مؤخراً بانها ممتازه للصيد

فطلبي منكم النصيحه والارشاد قبل التوجه وكما تعلمون ان المنطقه بعيده بمايقارب 260كيلو تقريبا فتذهب تعبتنا مع الرياح
استفساري راح يكون على شكل نقاط ليسهل ع القارئ حصوله للمعلومه

* الموقع وهل يحتاج تصريح وهل يكمن فيه اي خطوره كالشبث او افاعي او عقارب....؟

* اماكن الصيد وان امكن رسم توضيحي؟ كما ساعدنا احد الاخوان في وضع رسم لمنطقة منيفه جزاه الله خير

* افضل الطعوم المستخدمه بالمنطقه (مصران- خثاق- سمك صغير-ربيان-عجين)؟

* هل ينصح الذهاب للمنطقه وهل تحتاج دبل؟

* اكثر انواع السمك المتواجد فيها؟

وان كانت هناك اي اضافات لم يتسن لي سؤالكم عنها اكن لكم من الشاكرين والداعين لكم بالتوفيق من الله

مع جزيل الشكر والتقدير لكم اوخواني
وكل عام وانتم بالف خير
ساعة صفاء
10/09/2011, 09:03 AM
صراحة لا يوجد لدي العلم لاكن اتمنى من الاخوة ان يفيدوك عن هاذي المنطقة واتمنى لك المتعة في رحلتكم وصيد وفير انشاءالله
ولا تنسى التقرير

اخوك ساعة صفاء
الوحش79
10/09/2011, 01:49 PM
مساكم الله يالف خير وسلامه ولازلت بانتظار افاداتكم

وشكر للاخ ساعة صفاء

والله يتمم لنا على خير
الوحش79
12/09/2011, 07:51 AM
مازلت بانتظار افاداتكم اخواني اللتي لا غنى لي عنها

خاصه من اهل منطقة الخفجي اكرمهم الله


والله الموفق
مع نفسك
12/09/2011, 08:23 AM
وين موقعها ياخوي
الوحش79
12/09/2011, 08:07 PM
حسب علمي ٢٠ك قبل الخفجي

وابي من يزودني بمعلومات قبل توجهي لاني رايح ان شاء الله

والله خير المرشدين
صياد الخبر
12/09/2011, 11:53 PM
السلام عليكم


اخوي

خوينا خفجاوي اكثر واحد ممكن يفيدك

لو تراسله


انا مرة شفت تقرير عن شعوم العمودة هنا في مكشات بصراحة بساط محترم مفروش صيد

ادخل هنا

من العضو

الضيغم

http://www.mekshat.com/vb/showthread.php?t=269888

http://www.mekshat.com/pix/upload03/images146/mk52163_dsc00363.jpg

----

http://www.mekshat.com/pix/upload03/images146/mk52163_dsc00361.jpg
وبالتوفيق لك


ودمتم
خشير الذيب
13/09/2011, 12:00 AM
وفقك الله ويسر امرك
الوحش79
13/09/2011, 04:54 AM
صياد الخبر
الله يجزاكم بالخير خير يارب
والله يرحم والدينك وموتاك ياابوعبدالله
ويكتب لك ربي بكل خطوة مغفره وعفو وسلامه في الدين والدنيا والصحه والبدن
والاولاد خيرهم وابررهم والمال وخير زوجه بحق لا اله الا الله محمد رسول الله عليه وعلى آله افضل الصلاة و السلام

شكرا جزيلا لك
ولباقي الاخوان رعاكم الله
الضيغم
14/09/2011, 11:35 AM
السلام عليكم ورحمة الله وبركاته

الأخ صياد الخبر على راسي


والاخ الوحش لك رساله على الخاص



وبالتوفيق للجميع


أسف على التأخير بالرد
ارهابي حنون .
15/09/2011, 01:24 AM
جبل العموده بين تابع لراس مشعاب والخفجي ويبعد عنها تقريبا 40 وهو ساحل رملي نظيف وهادي جدا والمياه فيه صافيه والصيد فيه ممتاز وخصوصا بشوارت والمجارير
و بعض المناطق فيه تحتاج لسياره دفع رباعي
بصراحه منطقه ممتازه جدا و تكثر فيها الحوايم مثل القروش و البياض و العقمان
وانصحك تمد شوار من العصر الى الفجر و تنزل تنظف الشوار مرتين مره في اخر الليل و مره الفجريه لانها ماشاءالله السمك فيه كثير بشكل ما تتصوره لانها منطقه قليل اللي يروحوها والمد والجرز فيها يزحف بشكل غريب
مما يجعل العوالق و الاسماك الصغيره تكثر فيه وبذالك تاتي الاسماك الكبيره لتتغدا منه لان المنطقه تقريبا على شكل قوس
ولو تلاحظ النطقه من بدايه الشبك من ناحيه الجبل الى رصيف المينا التابع لراس مشعاب تشوف انها منطقه على شكل قوس وفي حفر كبيره رمليه
عشان كذا اقلك مد شوارات
والله يرزقك بصيد الطيب
على فكره المنطقه فيها ثعابين رمليه من نوع الدفان و عقارب و شبث وحيوان الضربان بذات في الجبل
وكمان ثعابين بحريه بس قليل جدا
والله يحفظكم
الواهج
15/09/2011, 02:36 AM
روح المشرحه ونيلة احسن من العاموده

العاموده موحشه وكثير الدبيب فيها

الترخيص تاخذة من حرس الحدود بالخفجي

وهذي خريطتها لاتروح باليالي المقمرة

http://www.mekshat.com/pix/upload05/images226/mk18871_kokoree.jpg

وموفق بالصيد
quietbeach
15/09/2011, 12:30 PM
السلام عليكم

العموده احلى مكان بالنسبة لي . اذا اخوي انت صبور و تبغى مكان هادئ وسيف نضيف .
اترجى خير ان شاء الله
مكان العموده بعد السفانيه بنصف ساعة تقريبا تجيك محطة الجعيدي ادخلها وخد المسار الا ورى المحطه شارع الخفجي القديم قصدي وانت ماشي في هدا الشارع تقريبا ربع ساعة يجيك منفذ صغير على اليمين اخذه بيصير مركز سلاح الحدود قبالك وانتبه عدل لاتتطوف المنفذ!!!.

وقت الصيد الا اشوفه انا من غروب الشمس الى شروقها . النهار انصحك لا تتعب روحك .
صياد الخبر
15/09/2011, 02:09 PM
السلام عليكم ورحمة الله وبركاته



الأخ صياد الخبر على راسي



والاخ الوحش لك رساله على الخاص




وبالتوفيق للجميع




أسف على التأخير بالرد




السلام عليكم

اخوي الضيغم

راسك شامخ ومرفوع

والله يرفع شانك

كلنا لبعضنا فديتك

واهم شيء توووص بالرجال

ورونا صيد العمودة


وبالعافية عليكم

ودمتم
مجنون عجلان
15/09/2011, 02:29 PM
الله يكون في عونك تروح وترجع بالسلامه وننتظر التقرير الجميل منك الله يحفظك في حلك وترحالك
hunter78
15/09/2011, 04:50 PM
أخوي الوحش أسعد الله أوقاتك بالخير والبركة
كيف أحوالك
عساكم بألف خير
ربي يوفقك وييسر لك الصحبة الطيبة وتروح العمودة وتجيب الحيتان اللي يحبها قلبك
بس لا تنسانا من التقرير الزين :good2:
موفق يا جميل
مع نفسك
16/09/2011, 12:44 PM
الله الله بتقرير