المساعد الشخصي الرقمي

مشاهدة النسخة كاملة : اقلطو عندي مشكله بـــ فتك


هواجيس 0
10/09/2011, 03:00 PM
السلام عليكم ورحمة الله وبركاته
كماا وااضح في العنوان
عندي فتك 2006
ياشباب يوم ادقه سلف يشتغل ويطفي يعني لازم ادعس بنزيل ع شان ماايطفي
وبعض المرات بدون بنزيل بس كنه ياابي يطفي
ومشكله يااخون ماادري هل هي من البرمجه لاني مره طفه علي وديته لورشه وقالي راعي الورشه ياابيله برمجه وشغله بس زي ماقلتلكم لازم ادعس بنزيل
ومشكله اثانيه المكيف الي ع وجه اراكب ماايشتغل ماااغير الي فووق الطبلون ولخلفي
وتنمنا انكم تفيدوني
وذ تعرفون مركز مضبوط عطوناا رقمه ولا مكانه طبعن انا بالرياض
وتحيااتي لكم
«نجم الخير»
10/09/2011, 03:02 PM
ابوصالح التركي بالصناعيه
هواجيس 0
10/09/2011, 05:33 PM
اي صناعيه فيه اربع
You Like Me
10/09/2011, 06:55 PM
وعليكم السلام ورحمه الله

اخوي خل احد يساعدك ويكون جوى السيارة يفتح السويتش بدون تشغيل
يعني لحد ما يولع لمبات الطبلون وانت تكون مرخي اصبع البطاريه السالب
اول ما خويك يفتح السويتش انت افصل اصبع البطارية السالب لمده ثانيتين بحركه سريعه
بعدين ارجع اشبكه لمده ثانيتين وكرر العمليه الفصل والشبك اربع مرات بحركه سريعه ورى بعض
زي ما قلت لك لا تعدى ثانيتين ولما تكمل اربع مرات شد الاصبع من جديد وخله يشغل السيارة
وبإذن الله بيضبط
المكيف عندك مشكله في الموزع وهي ماهي مشكله يبي لها شغل
اي كهربائي يسويها لك في 10 دقائق

وصف ورشة باترول
لصاحبها ابو صالح التركي
تعدى إشارة السالم للزجاج وخله على يمينك
امش على طول لحد ما يجيك مصرف الراجحي على يدك اليمين
اول دخله بعد البنك يمين تعدى اول تقاطع نهايه الشارع حرف T
ادخل يمين بعدين اول دخله يسار تمشي تقريباً 300 متر تلاقي الورشة على يدك اليمين
ورشة باترول .............
«نجم الخير»
10/09/2011, 07:06 PM
الصناعيه القديمه
هواجيس 0
10/09/2011, 11:15 PM
بيض الله وجهك يااانشمى مااقصررت انا بسوي الي قلت لي عليه
وبيض الله وجهك Aboo Abdullah (http://www.mekshat.com/vb/member.php?u=108706)
فيصل العطوي 1
11/09/2011, 12:38 AM
بسم الله الرحمن الرحيم
يسعدني الانضمام الي هاذا المنتدي الرائع
وانشالله اني اعين واعاون
اخوي بالنسبه لملاك الباترول انا انصحهم بان يكون معاهم كتاوت احتياط لونه ازرق
يجي تحت الطارة يسار ذا الكتاوت مهم جدا لانه يخرب في ايو وقت وهو الي يشغل طرمبه البانزين
هاذا اولا ثانيا بالنسبه لمشكله سيارتك علي حسب ما مر علي ان اكثر شيء يكون العطل ناتج عن
الحساس الي راكب بقربه الهواء حقت البخاخات تقدر تطلعه وتنظف مكان توصيل فيش الكهرباء
بالهواء وتنظف الحساس بقطعه قماش ناشفه وانشالله تزبط معاك
ثالثا : توزيع الهواء تكون شريحه متعطله او لي هواء مفكوك خلف القسام .
اما اذا كان المكيف مايشتغل الا علي رقم معين مثل رقم 3 او 2 فيكون الحساس عطلان
مكانه عند دواسه القدم بجهه الراكب . انشالله انها بسيطه .