الفرارات تركب على ال لاندكروزر 2006 اولا ياليت اللي عنده خبره يفيدني

[عاشق دفرنسين]

السلام عليكم ورحمة الله وبركاته


كيف الحال اخواني ان شاءالله بخير


عندي استفسار بسيط اخواني



هل الفرارت (فصل الدبل او التحضيريه ) للجيب لاندكرورز موديل 2006 تركب ؟



مع العلم انه يشبك تماتيك فالبر الدبل مادري هل من الممكن اني اركب له فرارات او لا


وهل تنصحوني فيها ولالا السياره حي اكس ار فل كامل 2006 ياليت تفيدوني



واذا تركب كم سعرها وين احصلها وين اركبها ؟ :D




اخوكم


سلطان

[واحد مبسوط]

اللي اخبره ان الفرار مايركب الا على الدفرنس
ونشوف الاخوان يمكن عندهم علم

[شبل داورد 1]

يركب
بـــــــــــــــــــــــــــــــــــــــــــــــــ ــــــــــــــــس
نصيحه لوجه الله لالالالالالالالالالالالالالا تركبه
موترك جديد ولايحتاج فرار وغيره ماشاء الله
الفرار يركبونه للمواتر القديمه عشان رجة عمود الدبل
وتراه دمار الموتر
{لو فيه خير ركبوه اليابان من المصنع وكاله }

[عاشق دفرنسين]

الله يعطيكم الف عافيه اخواني

مشكور اخوي ابومصعب وان شاءالله مانيب مركب

بس انا قلت انه يخفف الموتر يعني هذا المقصد

[hamido]

يركب اذا كان دفع ثنائي اما اذا كان الدفع رباعي على طول مايركب وبالنسبه لاخوي الي يقول لو فيه خير ركبوه الوكاله ؟؟؟ انت تسمي وكالتك وكاله رح لمهم واطلب فرار وشف يعطونك ولا لا ...وهذا دليل الاستغلال شف سيارات استراليا كلها فرارات شد بلد ومفيد وما منه مضره مو بس للعامود بل اكثر .... يوفر عليك العكوس وكل شي يطفى قدام بس احرص على الاصلي

[الباثفايندر3]

نعم يركب
وانا مركبه على موتري جي اكس ار 2002
وولد عمي مركبه على موتره جي اكس ار 2004
فوائده كالتالي
يخف الموتر
يصير دفع خلفي فقط
يقل صرف البنزين
يفصل العكوس الاماميه ةهذ يسبب تخفيف على المكينه لانك لاتستفيد من دوران العمود الامامي شي نهائيا الا اذا غرز الموتر
هذا من واقع تجربه واحترم وجهات نظر الاخوان
طبعا النوع برازيلي تحصله عند السليماني بالغرابي بالرياض 500 مع التركيب
انت سو بحث باسم فرارات برازيلي وتلقى التجارب
اتمنى اني افدتك

[عاشق دفرنسين]

الله يعطيكم الف عافيه اخواني

انا ابي اعرف بس يركب لان انا سيارتي شغال الدبل دايم فور وي وسيارتي قير تماتيك مادري يركب اولا

انا رحت الغرابي امس قالي مايركب لازم تروح تفك التماتيك فالصناعيه وبعدين تجي نركبه مادري

[طير شلوى نجد]

مرحبا وانا اخوك بنسبة الجكس والجكس ار من 2006 وفوق صار مثل الفكس يعني دفع رباعي ثابت الا وارد اليحي على العادي واظن الاتماتيك يجي دفع رباعي وتلاحظ انت ان السيارة تمشي بالنفود وما تحتاج دبل بالنسبه للفرار يركب بموترك بس يبيله شغله يبلك تفصل الترس التفاضلي ويكلفك حول 900 على ما أخبر ثم تركب الفرار ونصيحة خل موترك على شد بلده.

[hamido]

الله يعطيكم الف عافيه اخواني

انا ابي اعرف بس يركب لان انا سيارتي شغال الدبل دايم فور وي وسيارتي قير تماتيك مادري يركب اولا

انا رحت الغرابي امس قالي مايركب لازم تروح تفك التماتيك فالصناعيه وبعدين تجي نركبه مادري
اذا مايركب
الا بعد امور انت في غنى عنها من فك قير وفك تروس ... خله على حاله

[عاشق دفرنسين]

الله يعطيكم العافيه اخواني مشكور اخوي طير شلوى ولايهونون الاخوان


لاخلاص شلت فكرت تركيب من راسي يوم قالي لازم فك وخرابيط

انا قلت كان تركب بدون حوسه قلت بس اخفف السياره بس هونا هههههه

مشككورين اخواني الله لايهينكم

[علي بن حامد]

نعم يركب
وانا مركبه على موتري جي اكس ار 2002
وولد عمي مركبه على موتره جي اكس ار 2004
فوائده كالتالي
يخف الموتر
يصير دفع خلفي فقط
يقل صرف البنزين
يفصل العكوس الاماميه ةهذ يسبب تخفيف على المكينه لانك لاتستفيد من دوران العمود الامامي شي نهائيا الا اذا غرز الموتر
هذا من واقع تجربه واحترم وجهات نظر الاخوان
طبعا النوع برازيلي تحصله عند السليماني بالغرابي بالرياض 500 مع التركيب
انت سو بحث باسم فرارات برازيلي وتلقى التجارب
اتمنى اني افدتك



لو سمحت أخوي

مواتركم قير عآدي
و إلا تماتيك

وشكرآآ

[hamido]

لو سمحت أخوي



مواتركم قير عآدي
و إلا تماتيك


وشكرآآ

معليش ابتلقف .... يابعدي ماله دخل تماتيك ولا عادي انا معي تماتيك ومركبله وطبعا فيه ناس مركبينه على العادي بس اهم شرط انه دفع خلفي واضمن لك يركب على طول ... تصدق حتى المحل الي شريت منه سئلني هل هو تماتيك ولا عادي يوم قلت تماتيك قل لا ماعندي عندي حق عادي بس ؟؟؟؟ قلت عطنياه وركبته وركب على طول

[gx-low]

ألفرار ممتاز لكن ترى اللاندكروزر من 98 وفوق ما يجي دفرنس كامل قدام فهو خفيف ما يحتاج انك تركب عليه قفل الدفرنس (الفرار)

اذا عندك رجه او ما شابه ركبه واذا امورك سليمه لا تركبه ما راح يفرق واجد

ما شاء الله حتى إذا شبكت الدبل ما تفرق الموتر