المساعد الشخصي الرقمي

مشاهدة النسخة كاملة : مشكلة في دبل الجمس سييرا 2010


ال مغيرة
12/09/2011, 12:11 AM
السلام عليكم
اخواني
عندي مشكلة بالدبل وهي اني اذا شغلت الدبل تشغل اللمبات بالطبلون وكل شي تمام لكن الدبل فعلياً ما اشتغل يعني الكفرات الامامية ما تتحرك

علماً باني مغير الجنوط الاصلية ومركب جنوط حجم 20 نفس جنوط الدنالي ولا ركبت الحساسات وانا ما ادري هل الجنوط وعدم وجود الحساسات ممكن يكون سبب لعطل الدبل
طبعاً ما سبق جربتة بالبر لاني توني شاريه


ارجو الافاده وايجاد حل
ولا هنتو جميع
ملاحظة الجمس خليجي مو استخدام امريكي
امباله
12/09/2011, 12:23 AM
اخوي ( ال مغيره ) كان عند واحد من زملاء يوكن2008 غيره جنوطه لمقاس 20 وثقل الموتر معه وصار يحن المهم انه راجع الوكاله وسو برمجه للسياره ورجعت الحمدالله نفس اول وعلى حسب كلامهم انه اذا تغير مقاس الجنوط لازم يدخل للكمبيوتر السياره حجم الجنوط فعلشان كيذا أشور عليك انك تراجع الوكاله بما أنه 2010 يعني تحت الضمان وهم ان شاء الله عندهم الحل الاكيد
وان شاء الله اني حاولت أساعدك ولو بالقليل
ال مغيرة
12/09/2011, 09:38 AM
اخي امباله
لا هنت وفي انتضار خبراء مكشات
أبو هشام راشد
12/09/2011, 10:26 AM
ما جربت فصل أصابع البطارية ؟
م/عبدالله
12/09/2011, 11:18 AM
.... لابد من فحص كمبيوتر .... طالما قمت بالتغيير
ال مغيرة
12/09/2011, 04:08 PM
ابو هشام
قمت بفصل البطارية ولا استفدت شي

المهندس عبدالله
انا راح ارجع الجنوط الاصلية واجرب
ال مغيرة
12/09/2011, 08:37 PM
للرفع


للرفع
ع العمرو
12/09/2011, 08:44 PM
بارك الله فيك خل السيارة على الفاضي واشبك الدبل الصغير واصبر شوي ثم ضع القير بالدي وتبي تزين امورك.
ال مغيرة
12/09/2011, 09:10 PM
الليله اجرب وارد لك
ولا هنت على المرور والرد
ال مغيرة
15/09/2011, 07:27 PM
للرفع بارك الله فيكم
ال مغيرة
16/09/2011, 01:24 PM
بعد اعادة الجنوط الاصلية جتني رساله تقول
يجب اصلاح دفع الكفرات الاربع

يعني فيه مشكله
وش اعمل
لاني خايف اوديه للورش ويلعبون فيه
والضمان منتهي
امباله
16/09/2011, 01:38 PM
قبل لاتسوي اي شي فحصت كمبيوتر واذا مافحصت انقز للوكاله وافحص الكمبيوتر عندهم وشف وش يعطيك الفحص
لانه والله اعلم ان الكمبوتر صار عنده لبس شلت جنوط الوكاله وبعدين ركبت جنوط 20 وبعدين رجعت الوكاله
Almethaly
16/09/2011, 01:44 PM
اخوي اذا كان انت بالرياض انا اشوف لك المشكله

واذا انت خارج الرياض شيك على الحساس اللي في الدفرنس يمكن يكون عطلان
اخوك ابو عبد الله
هلي 2004
16/09/2011, 04:42 PM
اخوي تبي تلقى تحت في بطن الموتر. تحديدا في اخر القير من جهة الدفرنس. بتحصل فيش شيك عليه اذا مو مفصول. افصله واشبكه مره ثانيه

انشاء الله اني اكون افدتك

وننتظر افادتك
ال مغيرة
16/09/2011, 05:56 PM
اخواني
الله لا يهينكم
ويرحم والديكم
ويوفقكم بالدنيا والاخره

نعم مثال للترابط والاخوه
هلي 2004
16/09/2011, 07:20 PM
وش صار معك؟؟

نسيت اقول لك. اذا فصلته وشبكته افصل البطاريه واشبكها بعد ربع ساعه
مكشاتي باشا
12/11/2011, 05:35 PM
انا صارلي نفس المشكله واللحين السياره بالوكاله بعد ماتطلع راح افيدك انشاء الله
مخاوي جهام
12/11/2011, 07:41 PM
ياأخي الكريم قبل التأكد من الحساس الذي في جرم الدبل تأكد من الفيوز الذي ضمن مجموعة الفيوز داخل الكبوت يوجد على الغطاء تفصيل للمجموعة سوف تجد الفيوز الذي يخص الدبل 4WD أظنه 15 أمبير لونه أزرق فإذا كان مقطوع فغيره فلا دخل لتغيير الكفرات أو الجنوط في إشتغال الدبل وإذا كان سليم فيوجد في جرم الدبل بجانب القير حساس موصل بفيش تأكد فقد يكون مفصول فالسياره حديثة الموديل والحساس لا يخرب بهذه السرعة إلا إذا عبث به سابقا . فلا تذهب لأي ورشة أو الوكاله فقد يكون السبب حسب ماذكرت سابقا
نواف حسن
06/03/2012, 04:29 PM
السلام عليكم ورحمة الله وبركاته

بخصوص مشكلت صاحبنا انا معي نفس المشكله علماً اني وديته للوكاله وكانو جداً سيئين بالتعامل وبالتشخيص وبالفلوس وسحبت سيارتي بدون اي معلومه اضافوها لي

الشاهد بالموضوع ابي اذا نفس صاحب الموضوع اللي صايره عليه المشكله ان كانه لقالهاا حل يفيدني الله يرضالي عليه ورب الكعبه انه الموضوع مضيق صدري واتمنى يفيدني او اي احد يعرف يفيدني بالموضوع وجزاكم الله خير


هذا رقمي بعد اذن الاداره 0557770077 ابو حسن
وانا مستعد باللي تامروني فيه

دمتم بخيرررر
ملاحظه : انا سيارتي سييرا 2009 HD