6 حافظات اقلو المطورة 45 لتر - جديدة

[عفشك مكمل]

السلام عليكم ورحمة الله وبركاته


اذا ذكرت الحافظات الاميركية والتي تتميز بجودة التصميم والخامة فبالتاكيد ستذكر ايقلو من ضمن شركتين او ثلاث تتربع على قمة الهرم الصناعي الامريكي لأدوات التبريد المستخدمة لخارج البيت.


https://lh5.googleusercontent.com/-FKOSGl7W5Q8/Tm0S_CW3QVI/AAAAAAAAABM/XT7P8-hCvvY/s720/IMG_6787.JPG



الحافظة المعروضة هي من الحافظات الحديثة والمطورة والتي قدمت لتعالج بعض المشاكل التقنية التي كانت موجودة بالحافظات القديمة. التقنية الحديثة اطلق عليها



Cool Riser Technology™



تقنية اعتمدت على جودة الخامة بالإضافة الى التصميم الحديث والمطور الي ممكن يحافظ على اداء افضل ويحافظ على البرودة لمدة اطول.


منظر شامل للحافظة وللعلم الموجود منها فقط 6 حافظات امريكية الصنع والمنشاء مو اماراتية. خرجت من ولاية تكساس الامريكية لتحط رحالها بين ايديكم.

http://www.campingandleisure.co.uk/acatalog/igloo48qtislandbreezecooler.jpg



https://lh5.googleusercontent.com/-9PpV1BXaZ98/Tm0S2ye4dxI/AAAAAAAAAAo/hagBA7FZmYQ/s720/IMG_6773.JPG


من المواصفات :
1- مقاس الحافظة 45 لتر.
2- مقابض جانبية عملية و كبيرة جداً لسهولة الحمل.


https://lh5.googleusercontent.com/-9ahUuev0WqE/Tm0S3mBdZMI/AAAAAAAAAAs/sSIYbRMdVLs/s720/IMG_6774.JPG


منظر لداخل الحافظة


https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG


الغطاء مصمم ليقفل باحكام


https://lh5.googleusercontent.com/-dIgJ1v3nJZU/Tm0S5ZLywVI/AAAAAAAAAA0/0bAMdbcYmrg/s720/IMG_6776.JPG


https://lh3.googleusercontent.com/-VF7YUJTUKos/Tm0S8u6biwI/AAAAAAAAABA/sN_2v60HRUs/s720/IMG_6785.JPG


احد المواصفات المميز بهالحافظة دون غيرها هو تصتيم ارضيتها بحيث تسمح بمرور الهواء من الاسفل وما تلتصق بالارض كلياً وبكذا تحافظ على البرودة اكثر واكثر.


https://lh5.googleusercontent.com/-BzT_C8RvZps/Tm0S6M5HXlI/AAAAAAAAAA4/Kw3aOLnYXWo/s512/IMG_6777.JPG


وهالميزة ايضا بالشق الموجود باسفل الحافظة + تصميم سقفها يتيح لمن يمتلك اكثر من حافظة سهولة تخزينها مع عدم التأرجح مثل ماهو موجود بالصورة التالية.


https://lh4.googleusercontent.com/-BqbAtNh-Qmo/Tm0S6wIDImI/AAAAAAAAAA8/lTppi3PE3W4/s512/IMG_6781.JPG


للي يحبون المقارنات . هذا هو حجم الحافظة مع قارورة صحة ام ريال و دبة الغاز.


https://lh4.googleusercontent.com/-PaGKsfVSm3A/Tm0TBAdu38I/AAAAAAAAABU/dJ4SzHOpTck/s720/IMG_6794.JPG


لا بغيت تنشد عن البنت فانشد عن امها. هذا هو المنشاء .


https://lh6.googleusercontent.com/-oQdkUa7nyHE/Tm0S-vSugCI/AAAAAAAAABI/F9PnMY5dAes/s720/IMG_6789.JPG


والبعض ما يسفهل خاطره الا يشوف هالختم حق تاريخ الانتاج.


https://lh5.googleusercontent.com/-HQqarrErsrU/Tm0TAmSBwiI/AAAAAAAAABQ/3LMzbijki4M/s720/IMG_6791.JPG


وزن الحافظة = 4.18 كيلو


الحافظات على السوم . وان شاء الله توافق قيمة شراءها ونقلها وجمركها.


الي بالرياض نوصلها لحد بيته والي خارج الرياض فالي بتوقف عليه السومة بنزود عليه 25 ريال فقط و الحافظة بندلعها له وبنشحنها له بفدكس لضمان اكبر لي وله بان الحفظة توصل له وهي سليمة ان شاء الله.


للتذكير: الحافظات جديدة لم تستخدم

[sahhr]

ماشاالله تبارك الله عرض طيب ومقدمة أطيب أسأل الله لك التوفيق في الدنيا والأخـــــــــرة أخي الكريــــــــــم ,,,,,,

[عفشك مكمل]

ماشاالله تبارك الله عرض طيب ومقدمة أطيب أسأل الله لك التوفيق في الدنيا والأخـــــــــرة أخي الكريــــــــــم ,,,,,,


جعل والديك بالجنة اخوي ساهر
لابد تكون البضاعة واضحة والي بيقني شي يهمه يعرف ليش يدفع فيه.

[قناص خلاوي]

ماشاء الله تبارك الله
عرض مميز وصور وتوضيح مابعده كلام
الله يرزقك من واسع فضله

[سيف الظفير]

هلا بالذيب كفيت ووفيت يالغالي على هالعرض المميز


https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG
اللي بالصورة يسار تحت ما مالها نصيب من البيع يا بعدي

اما المعروض عز الله انها شيخة االحافظات الامريكية الاصلية

[عفشك مكمل]

ماشاء الله تبارك الله
عرض مميز وصور وتوضيح مابعده كلام
الله يرزقك من واسع فضله

الله يرزقنا وياك وكل مسلم ياخوي قناص





هلا بالذيب كفيت ووفيت يالغالي على هالعرض المميز



https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG
اللي بالصورة يسار تحت ما مالها نصيب من البيع يا بعدي

اما المعروض عز الله انها شيخة االحافظات الامريكية الاصلية



وشل بالمقعوفة يالظفيري
خلك بالرويانه جعلي فداء لك
هذي ماتباع يالغالي
وان كان شفك فيها فسير وخذ فنجالك واعتبرها هدية من اخوك.

[ابو ريآن]

الله يرزقك من واسع فضله

[بحر44]

ممكن الله لا يهينك توضح كم طولها وعرضها

[التميمي محمد]

كم سعر الحبه الوحده ؟؟ و انا موقعي الرياض و رجاء لا تقول سم لاني اخاف اسوم و ابخسها حقها يالبي قلبك لاني ما اعرف كم سعرها يا عمي

و كم كلفت عليك يعني خذ حقك يا بعد راسي و عطني حقي

و اذا مافيه احراج ارسلي سعرك على الخاص يا لبي قلبك

[تناهيت]

حافظه غنيه عن التعريف اوقلو اوردوغان تركيا كلهم شغل أصلي قوه ومتانه


افتح بابها بــ200 للوحده


شرط ان سرها مقطوع في قوايل تكســـــاس


الا بسألك الحافظه اللي فوق الكولمن القديمه اللي كنها شنطه بكم وش نوعها وكان بياع بشريها

https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG

[ابن هويشل]

وعليكم السلام ورحمة الله وبركاته
الله يرفع قدرك
عرض طيب
وصف واضح
وردود سريعه
الله يرزقك من واسع فضله

[عفشك مكمل]

الله يرزقك من واسع فضله


ويرزقك يابوريان ويرزق جميع المسلمين




ممكن الله لا يهينك توضح كم طولها وعرضها


ابشر ابشر وماطلبت شي

العرض = 64.93
الارتفاع = 35.72
الارتفاع = 35.88

[عفشك مكمل]

كم سعر الحبه الوحده ؟؟ و انا موقعي الرياض و رجاء لا تقول سم لاني اخاف اسوم و ابخسها حقها يالبي قلبك لاني ما اعرف كم سعرها يا عمي



و كم كلفت عليك يعني خذ حقك يا بعد راسي و عطني حقي



و اذا مافيه احراج ارسلي سعرك على الخاص يا لبي قلبك




والله يالتميمي انت اخبر بطريقة البيع والشراء بالمنتدى. انا اشوف ان الطريقة المحببة للاخوان هي السوم. ولو تحد بريال لقيت من يزعل عليك.
اخوك قنوع والسلعة مهيب حسافة يالغالي.



حافظه غنيه عن التعريف اوقلو اوردوغان تركيا كلهم شغل أصلي قوه ومتانه



افتح بابها بــ200 للوحده


شرط ان سرها مقطوع في قوايل تكســـــاس


الا بسألك الحافظه اللي فوق الكولمن القديمه اللي كنها شنطه بكم وش نوعها وكان بياع بشريها

https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG

هلابك أخ تناهيت.
سومة طيبة من رجال طيب.
باقي على الزين وانا اخوك. خاف تباع بهالقيمة ويزعل الاخوان باقلو ويقفلون المصنع :)

كل ماهو خلف حافظة اقلو يعتبر من النوادر وانا بحثت عنها ولقيتها للأسف
out of stock





وعليكم السلام ورحمة الله وبركاته

الله يرفع قدرك
عرض طيب
وصف واضح
وردود سريعه

الله يرزقك من واسع فضله


جعل والديك بالجنة يابن هويشل.
هذا واجبنا وانا اخوك.

[زمن عدى]

اخي الكريم
عرضك ممتاز والله يرزقك قل آمين
ولكن هل يوجد بالحافظات ( بلف تصريف للمويه )
لانه غير واضح بالصور
تحياتي لك

[عفشك مكمل]

اخي الكريم

عرضك ممتاز والله يرزقك قل آمين
ولكن هل يوجد بالحافظات ( بلف تصريف للمويه )
لانه غير واضح بالصور

تحياتي لك



https://lh4.googleusercontent.com/-ouaQkCHTt70/Tm0S4NequrI/AAAAAAAAAAw/5Oa0ic0Y-dk/s720/IMG_6775.JPG



لايوجد وانا اخوك
شاكر مرورك وملاحظتك

[سيف الظفير]

الله يرزقنا وياك وكل مسلم ياخوي قناص





وشل بالمقعوفة يالظفيري
خلك بالرويانه جعلي فداء لك
هذي ماتباع يالغالي
وان كان شفك فيها فسير وخذ فنجالك واعتبرها هدية من اخوك.


شربت فنجالك يا بعد راسي

الرويانة كفو وحظ منهو قناها نبي الوذفة يا بعد حيي

وان جاء طاري بيع تراني خويك يا الغالي عطني خبر

وهديتك مقبولة وانت كفو

[عفشك مكمل]

شربت فنجالك يا بعد راسي

الرويانة كفو وحظ منهو قناها نبي الوذفة يا بعد حيي

وان جاء طاري بيع تراني خويك يا الغالي عطني خبر

وهديتك مقبولة وانت كفو

الي مثلك يستاهل وان جاها طاري فابشر بها وانا اخوك.

[Red falcon]

وش فرقها عن الموجود في ساكو
لاني ناوي أشري منهم قبل كذا ومكتوب تكساس usa
أحترنا طال عمرك
لانها ماتجي مثل غيرها اماراتي بل امريكية من عرفناها

[عفشك مكمل]

وش فرقها عن الموجود في ساكو

لاني ناوي أشري منهم قبل كذا ومكتوب تكساس usa
أحترنا طال عمرك

لانها ماتجي مثل غيرها اماراتي بل امريكية من عرفناها


فيه بعض الحافظات وانا اخوك تصنع بالامارات وتباع بالسوق . اما الشركات الكبار مثل ساكو وكارفور وغيرها فاحيانا يجيبون بضائع مثل الحافظات والكاسات وخلافه من بلد المنشاء ويكتب عليها عبارة صريحة :
madi in usa
وليس
made by colman or igloo
على سبيل المثال.
انا ماشفت البضاعات المصنعة بالامارت ولا وقفت عليها لكنها ذكرت في كذا موضوع بالبيع ومنها مواضيع عبدالرحمن 305 والاخ سرهيد وغيرهم.

الفرق بالصناعة عن الي عند ساكو ان النوع الي عندي غير موجود عندهم . ساكو تركز على ثلاجات المارين الضخمة والمرتفعة السعر.
النوع المعروض بموضوعي تم انتاجه الشهر الماضي ولسه مادخل السوق السعودي.
نوع حبيته من اجل المواصفات الاضافية فيه والي ذكرتها سابقاً.
بالاضافة الى السعر المرضي لي ولاخواني والي راح تباع فيه البضاعة ان شاء الله.

تحياتي لك وشاكر مداخلتك القيمة

[Red falcon]

توضيح وافي نسوم 220 ريال
والله يرزقك من واسع فضله

[عفشك مكمل]

توضيح وافي نسوم 220 ريال


والله يرزقك من واسع فضله



من حقك ياطويل العمر
وبارك الله فيك على رفع السومة ونطلب من الله الزود



الله يرزقنا واياك وكل مسلم من واسع فضله

جعل والديك بالجنة يافتاح الجواد

[talak511]

ماشاء الله تبارك الله
حافظات مميزه الله يرزقك من واسع فضله

[فتاح الجواد]

علي بـــــ 250 وان شاءالله انها تستاهل

[عفشك مكمل]

ماشاء الله تبارك الله


حافظات مميزه الله يرزقك من واسع فضله



مرورك الاميز اخوي طلق
الله يرزقنا وياك وكل مسلم


علي بـــــ 250 وان شاءالله انها تستاهل

الله يبيض وجهك يافتاح الجواد
جديدة وتستاهل وباقي عليها كم وريقة من فئة العشرات ونقول يله نصيبكم.

[wafi4sa]

بيض الله وجهك وحرمة عن النار انت ووالديك
عرض رائع وواضح
الله يرزقك من واسع فضله

[عفشك مكمل]

بيض الله وجهك وحرمة عن النار انت ووالديك

عرض رائع وواضح

الله يرزقك من واسع فضله


والدينا ووالديك يالوافي
شاكر مرورك الجميل وكلامك الطيب

[FORD1969]

قريب ولا بعيد عن السومه يا عفشك مكمل وكم العدد الموجود ؟

[عفشك مكمل]

قريب ولا بعيد عن السومه يا عفشك مكمل وكم العدد الموجود ؟

قريب وقريب جداً يالغالي
والعدد الموجود ذكر سابقاً 6 حبات
حياك الله اخوي الفاضل

[عفشك مكمل]

وش فرقها عن الموجود في ساكو

لاني ناوي أشري منهم قبل كذا ومكتوب تكساس usa
أحترنا طال عمرك

لانها ماتجي مثل غيرها اماراتي بل امريكية من عرفناها


اليوم مريت ساكو ولقيت ثلاجات اماراتيه لكن من نوعيات غير اقلو

الاقلو كلها اميركية.

عندهم اقلو لون ابيض ساده اصدار العام نفس مقاس الي انا عارضه 78 علبة بـ 399 ريال

واقلو احمر اكبر شوي بـ 700 ريال اصدار هالسنة

وعندهم كيب قولد الظاهر انها سعودية او اماراتيه . مالتفت لها قيمتها 199 ريال

وبما ان سومة اخوي فاتح الجواد وقفت على 250 وما شي بعدها فالي بيفرق

السوم ويقول 260 بنقوله حظك ونصيبك والعوض على رب العالمين.

النقل لخارج الرياض عن طريق فيدكس بزيادة 25 ريال فقط

[سيف الظفير]

الله يرزقك من واسع فضله

[ابو سيـف]

ما شاء الله تبارك الله
عزالله حافظات طيبه وتلزم صاحب الحاجه
الله يرزقك من واسع فضله
تحياتي

[عفشك مكمل]

الله يرزقك من واسع فضله

ياهلا بمرورك وعودتك اخوي سيف الظفير وشاكر لك دعواتك

[عفشك مكمل]

ما شاء الله تبارك الله



عزالله حافظات طيبه وتلزم صاحب الحاجه
الله يرزقك من واسع فضله


تحياتي


ابو سيف
ياهلا ومرحبا بك والله يرزق كل مسلم.
صدقت وانا اخوك. الحافظة مميزة ولهالسبب حرصت عليها.


الحافظة سعرها وانا اخوك بالامزون 54.95 دولار يعني تقريباً 209 ريال
والوزن 4.18 كيلو احسب شحنها كم يطلع :(

مصافحة اولى وطلب كسب للثقة ولو كانت الخسارة كبيرة


السعر النهائي 260 ريال للي بداخل الرياض
285 ريال للي بخارجه والشحن فيديكس

[تناهيت]

بيض الله وجهك اخوي


احجز لي حبه


أنت سمح وتستاهل





التجاره تبي طولة بال وصبر ...........>ولا ما تبي تتجر


ارسل رقمك على الخاص ليتم التواصل


موقعي الرياض

[عفشك مكمل]

بيض الله وجهك اخوي




احجز لي حبه


أنت سمح وتستاهل




التجاره تبي طولة بال وصبر ...........>ولا ما تبي تتجر


ارسل رقمك على الخاص ليتم التواصل



موقعي الرياض



تم الحجز اخوي تناهيت وارسال المعلومات المطلوبة

جعلها مبروكة ان شاء الله

[مافيه]

اخوي عفشك مكمل احجز لي وحده وحالياً انا مسافر وبرجع بعد تقريباً اسبوع للرياض

(( يا الغالي يبيلك تصبر علي اسبوع بالكثير)) والله يرزقك من واسع فضله

ياليت رقمك على الخاص اذا كنت بتصبر لي هالسبوع انا شريت منك وبحدك

[عفشك مكمل]

اخوي عفشك مكمل احجز لي وحده وحالياً انا مسافر وبرجع بعد تقريباً اسبوع للرياض

(( يا الغالي يبيلك تصبر علي اسبوع بالكثير)) والله يرزقك من واسع فضله

ياليت رقمك على الخاص اذا كنت بتصبر لي هالسبوع انا شريت منك وبحدك

حقك محفوظ وانا اخوك وترجع ان شاء الله بالسلامة
وجعلها مبروكة ان شاء الله

[فتاح الجواد]

الله يرزقنا واياك وكل مسلم من واسع فضله
ابيلي وحدة الله يرضى عليك

[عفشك مكمل]

الله يرزقنا واياك وكل مسلم من واسع فضله
ابيلي وحدة الله يرضى عليك

ابشر وانا اخوك
ومعلوماتي عندك بارك الله فيك

[معاذ0]

احجز لنا واحده جزاك الله خير جوال بعد اذن الاداره 0555488368

[عفشك مكمل]

احجز لنا واحده جزاك الله خير جوال بعد اذن الاداره 0555488368

تم الحجز اخوي معاذ وباتصل عليك اقرب وقت

[ابوصالح2006]

الله يرزقك من واسع فضله
راحت اربع اظن باقي ثنتين و ان شاء الله لي نصيب في واحده لو باقي منها
احجز لي واحده الله يجزاك خير وارسل على الخاص رقم الحساب للشحن خارج الرياض

[عفشك مكمل]

الله يرزقك من واسع فضله
راحت اربع اظن باقي ثنتين و ان شاء الله لي نصيب في واحده لو باقي منها
احجز لي واحده الله يجزاك خير وارسل على الخاص رقم الحساب للشحن خارج الرياض

تم الحجز يابو ريمو و تم ارسال طريقة الشحن والتوصيل

[فتاح الجواد]

الله يرزقنا واياك وكل مسلم من واسع فضلة
بيض الله وجهك ورحم الله والديك الله يزيدك من فضله

[عفشك مكمل]

الله يرزقنا واياك وكل مسلم من واسع فضلة
بيض الله وجهك ورحم الله والديك الله يزيدك من فضله

حياك الله ياوخيي

فرصة سعيدة ان نلتقي بك ونتعرف عليك

اتمنى ان البضاعة طابقت ماجاء بالوصف وسعرها ناسبك وناسب جميع الاخوان الي وصلتهم.

واشدد على قضية انه لو حاك بالنفس شي من ناحية البضاعة فحقك محفوظ وقريشاتك
راجعة لك مع بقاء الحافظة معك هدية من اخوك.

[فتاح الجواد]

الله يرزقنا واياك وكل مسلم من واسع فضله
الله يبيض وجهك ويجزاك خير
واذا به شي علمتك

[ابوصالح2006]

سامحني وارجو انك تعذرني على التأخير لانشغالي
ورحم الله والديك وصلت البيانات وتم التحويل
واشكرك على سعة صدرك وطيبك
والله يعوضك خير

[عفشك مكمل]

سامحني وارجو انك تعذرني على التأخير لانشغالي

ورحم الله والديك وصلت البيانات وتم التحويل
واشكرك على سعة صدرك وطيبك
والله يعوضك خير


ياجعل والديك بالجنة يابوريمو. تم استلام المبلغ.

العمل جاري على تغليفها وباكر الساعة 9 الصبح بالكثير مشحونة لك ان شاء الله عن طريق فيدكس.

[عفشك مكمل]

الباقي ياخوان حافظتين:

- حافظة محجوزة للأخ (مافيه) الى يوم الجمعة ان شاء الله.
- الحافظة الثانية غير محجوزة.

[الجزوم]

السلام عليكم

ابي وحده الله يعافيك وانا من سكان الرياض

وبكلمك على شان اقابلك واخذها

وتقبل تحياتي

الجزوم

[omar 3]

اذا بقى شي راسلني على الخاص تكفى

[عفشك مكمل]

السلام عليكم

ابي وحده الله يعافيك وانا من سكان الرياض

وبكلمك على شان اقابلك واخذها

وتقبل تحياتي

الجزوم

تم التسليم وعساها مبروكة عليك يالجزوم.
اجل الثلج الاول اطيب من التالي هههههههه
الله يسعد قلبك ياشيخ


اذا بقى شي راسلني على الخاص تكفى

اخوي ابو عمر

باقي بارك الله فيك حافظة واحدة محجوزة لاخوي (مافيه) الى يوم الجمعة. اذا مارد لي لهاك اليوم فراح اتصل عليك ان شاء الله.

[الجزوم]

كثر خيرك يا عفشك مكمل

واسعد الساعات الي تعاملنا فيها معك ...

[ابوصالح2006]

الله يجزاك الف خير
وصلت البضاعه المدينة المنورة
وهي في حاله اروع مما وصفتها انت من النظافه وجديده
الله يعوضك خير وترى والله مو سعرها تستاهل اكثر صناعة امريكية امريكية ماركة وجودة
اشكرك للحرص والاهتمام ومتابعتك للبضاعة ورضا المشتري
الله يجزاك الجنة ووالديك ويخلف عليك لامانتك وصدقك في عرض البضاعة

اذا الاخ اللي حاجزها الى يوم الجمعه ما اشترى
و الاخ اللي بعده طلبها وهون
تراني زبونك وشراي عطني خبر احولك وعلى نفس العنوان
تقبل شكري وتقديري ودعائي لك بالبركة والصحة

[عفشك مكمل]

اذا بقى شي راسلني على الخاص تكفى

الرجال رد يا عمر واكد على حجز الحافظة

معوض بغيرها ان شاء الله يالغالي





الله يجزاك الف خير

وصلت البضاعه المدينة المنورة
وهي في حاله اروع مما وصفتها انت من النظافه وجديده
الله يعوضك خير وترى والله مو سعرها تستاهل اكثر صناعة امريكية امريكية ماركة وجودة
اشكرك للحرص والاهتمام ومتابعتك للبضاعة ورضا المشتري
الله يجزاك الجنة ووالديك ويخلف عليك لامانتك وصدقك في عرض البضاعة


اذا الاخ اللي حاجزها الى يوم الجمعه ما اشترى
و الاخ اللي بعده طلبها وهون
تراني زبونك وشراي عطني خبر احولك وعلى نفس العنوان

تقبل شكري وتقديري ودعائي لك بالبركة والصحة


ابو ريمو

جعل والديك بجنات النعيم.

كلامك يدل على طيبتك . ودعواتك انت والاخوة الاكارم الي سبقوك اكبر مكسب لي. الحمد لله على وصول البضاعة وعقبال النواجل ان شاء الله. خلها احمر X احمر.
رقمي عندك واذا نزلت الرياض فتكفى لاتنسى تشرف محلنا وتزورنا.



ارجو من المشرف اقفال الموضوع

[البريق السحري]

بالله اذا باقي شي
ولا في الطريق احجزلي وحده

[فارس الدوسي]

ماشاء الله تبارك الله
عرض مميز وصور وتوضيح مابعده كلام
الله يرزقك من واسع فضله

[عفشك مكمل]

ابشرو ان شاء الله اذا كتب الله وجبت من هالنمونه بالسعر الطيب والبيع السمح


ارجو من اخوي الشمرف اقفال الموضوع وبارك الله للجميع