طير مريض وش السبب [الأرشيف]

الجراح1

13/09/2011, 12:45 AM

السلام عليكم ورحمة الله وبركاته
يا اخواني انا عندي طير فرخ اول ماشريته لا حضت وجود غمص في عيونه الثنتين قلت يمكن من البرقع يكون ضيق وعلى طول غيرت البرقع وغسلت عيونه بالماء مخلوطه بالملح لمدة ثلاثة ايام وراح الغمص وشلت عنه البرقع ولاحضت اليوم ان عيونه قامت تدمع (فيها دموع)تكفون وش السبب وماهو العلاج0

اقدم صقار

13/09/2011, 01:17 AM

السلام عليكم
اخووي باقي برقع طيرك ظيق ويحس عيونه والشي الثاني انصحك اخذ الطير لاقرب مستشفى طيور او بيطري اذا ماحولك مستشفى
اما اذا ما عندك صيدليات بيطريه رح للصيدليات البشريه وخذ القطره اللي فيها مثلثات بني وازرق وماهي مثلث واضح بس تكون مخطط مع الورايا حوالي اربع خطوط من اللونين ب حوالي 12 ريال وقطر في عين طيرك لمدة اسبوع وانشاء الله ما يشوف شر
تقبل مروري

الجراح1

13/09/2011, 01:24 AM

إلقناصه

13/09/2011, 01:35 AM

الله يشفيه
فادوك الاخوان
ومن خبره سابقه غير التربه اللي وكره فيها ونظف المكان واعمل تهويه جيده ورش شوية ديتول على الزوايا
وغير مويته كل شوي
ودي لك

الطيآآآر

13/09/2011, 01:37 AM

الله يعينك ويسهل امرك ...

اقدم صقار

13/09/2011, 02:25 AM

مشكور اخوي اقدم صقار على ردك وتفاعلك معي
الطير شايل البرقعه عنه لي يومين وبرضو عيونه تدمع وماعندي لا بيطري ولا صيدليه وياليت اسم القطره لو تكرمت وكيف اقدر اقطرها في عين الطير بدون ما اضفه 0

اخوي الجراح والله ناسي اسمها لاكن اوصافها قلتها لك وقيمتها 12 ريال فيها خطوط مع الزوايا عرض 3 ملم تقريبا شي بني وشي ازرق اربع خطوط اذا ما خانتني الذاكره وهي تستخدك كمعقم للعين البشريه اسال الصيدلي وانشاء الله امورها طيبه
اما استخدامها اذا الطير وليف ومدهل حاول تقطر في جفن الطير نقطه اونقطتين ولا يمسح على كتوفه اما اذا الطير باقي فيه وحاشه مالك الا المهاد او اكتفه وعالجه مع اني ضد الكتف وخاصة للفرخ لانه بيخاف منك وبيصيح والخوف لا يصيح كل ما تقرب منه انتبه للنقطه هذي
اسف على الاطاله وانا اخوك لاكن ودي اني اوضح لك بعض الشي وانا والله ناصح لك ولغيرك على ما يقدرني عليه ربي
تقبل مروري

ياس البوادي

13/09/2011, 08:54 AM

السلام عليكم
اخوي تدمع عين الطير لعدة اسباب منها
1- وجود انسداد بين العين وقناة في الانف
2- ضيق البرقع
3- التهاب في العين
ولكن العلاج بسيط جدا هناك قطرة للعين يستخدما الانسان تعطي العين الجافه ليونه وتزيل الالتهاب هذا اسمها
systane
تجدها في اقرب صيدلية لك
تقبل مروري

اخوكم يــــــــــاس البوادي

ربع نت

13/09/2011, 09:46 AM

الله يشفي طيرك اخوي اذا مالك خبره ودده للعويدي وريح راسك
بقولك معلومه يمكن تفيدك مو كل ماغض الطير عيونه او جاء فيها غمص بيكون عوار فالعين
اكثر امراض الباطنيه والجهاز الهضمي فالطير توضح فالعين
انت شف البرقع من داخل اذا حصلت محل العيون من داخل البرقع دموع الطير باينه فيه ادر انه من البرقع تقبل مروري

ابوعزيز2007

13/09/2011, 11:44 AM

افادوك الاخوان

**عاشق الشواهين**

13/09/2011, 02:46 PM

الله يشفى طيرك ويبلغك مرادك

سلطان 1

13/09/2011, 02:56 PM

اخوي الربع ما قصرووووو وكلن ادلاااا بدلوه
لكن وانا خوووك شف اغلب الضن بعض الاحيااان
تجي ريشه في جفن الطير اللي تحت داااخله على العين حااول تكتف الطير وتشوووف
عينه وتفحصها زين 0
وعلااجه بسيط
قصه الريشه هذي وبس 0

حامد الحنيني

13/09/2011, 06:56 PM

السلام عليكم ورحمة الله وبركاته

مساء الخير

اخوي دام متأكد من برقعه انتبه يمكن ان عنده من دواب

الارض وينزل عليهن ترى بهن سم للطير

تلقاه ليا رشق الطير تلقى الطير يعاطس وتدمع عيونه

تقريبا ياخذله 3 ايام او اكثر هذا الكلام وانت تنضف عيونه بالماء

الله يشفي طيرك

تحياتي لك.

ربع خالي

13/09/2011, 08:16 PM

وعليك السلام ورحمة الله وبركاته

الربع بيض الله وجهك ووجيهم ، ماقصروا واعطوك كل الاحتمالات .
وباقي شي واحد ، وهو الطير تغسل عينه بالماء المذاب فيه السكر وليس الملح
لان الملح يلهب عين الطير .
اخوك ابو سيف

الشاطري30

13/09/2011, 08:48 PM

اخوي الجراح/السلام عليكم

الطير به التهاب في الجهاز التنفسي والسبب يعود لعدة عوامل اهمها التاكد من علف الطير وان لا يعطى حمام مريض لاصابة الطير بالعدوى ثانيا تغطية الجهه الشماليه دائما لانها تنقل الامراض، يتطلب اعطا الطير علاج اسمه (سبكتولين) نصف سانتي في عظلة الصدر وواحد سانتي في الفم لمدة 5ايام والابره كلها واحد سانتي مثل ابرة السكر وسوف ترى النتيجه من اليوم الاول انشاء الله مع ملاحظة وضع 2نقطه في كل عين والله ولي التوفيق،

هااوي صقاره

13/09/2011, 08:54 PM

الله يشفي طيرك

والله يعطيهم العافيه الاخوان ماقصروو ومنكم نستفيد عساكم على القوه

راعي - عديم

16/09/2011, 05:52 AM

أفادوك الاخوان وماقصروا
ومثل ماتفضل أخوي سلطان 1 ضف الطير وفتش جفونه وتحصل فيها ريش
او غير برقع طيرك بأوسع شوي
ومثل ماتفضل أخوي حامد الحنيني
الخنافس الله يكرمكم جميعا بعد لها دور في دموع الطير
ولك تحياتي