المساعد الشخصي الرقمي

مشاهدة النسخة كاملة : اين اجد محلات بيع الادوات المنزليه بالرياض


ابوظبي 987
13/09/2011, 12:50 PM
السلام عليكم ورحمه الله وبركاته



اخوكم من ابوظبي وناوي ان شاء الله ان اقوم بزياره للرياض ، واذا تكرمتم اريد اماكن بيع الادوات المنزليه مثل قدور الضغط الاستيل الاسبانيه او الشبيهه، واذا امكن ذكر اسم المحل مع الاحداثيات.


وجزاكم الله خير
المغيسلية
13/09/2011, 01:12 PM
شارع السباله به جميع الوكلات وبالنسبه لقدر الضغط الاسباني وكيله بادريق بشارع السباله
ويوجد محل قصر الاواني على الدائري الشمالي
محمد أبو حمد
13/09/2011, 01:22 PM
حياك الله في كل حين

أنا في الرياض ويشرفني خدمتك ..

اسأل عن قصر الأواني طريق خريص , وإذا كنت تحب المناطق الشعبية فعليك بشارع السبالة مثل ما تفضل أخي (المغيسلية) من قبلي
عزيز 3333
13/09/2011, 01:24 PM
أخوي عود حي ... حياك الله بالنسبة لمحلات الأدوات المنزلية منتشره في الرياض وبالأخص سوق العويس وشارع السبالة وفيه السيف على شارع التخصصي
ابوظبي 987
13/09/2011, 01:30 PM
اذا تكرمتم احداثيات شارع السباله
سيّار
13/09/2011, 01:36 PM
سوق العويس على طريق الملك فهد في حي الملك فهد فيه محلات واجدة ومتنوعة ..
youyouyou_17
13/09/2011, 01:40 PM
السلام عليكم
حياك اخوي في ديرتك الثانية
شوف اخوي عندك السيف جاليري مخرج 13 وبنفس المبنى عندك السنيدي للرحلات وعندك بعد سوق حجاب في النسيم شرق الرياض وفي عندك سوق عويس نهاية شارع العليا العام وسوق طيبة محل الامل في سوق بن دايل طريق الملك فهد جنوب بعد اسواق مكة مقابل منتزه سلام وقصر الاواني طريق خريص شرق وشنو بعد شنو بعد اي عندك حراج بن قاسم نهاية شارع البطحاء جنوب عند الدائري الجنوبي وسلامتك وفالك طيب
أبوسليمان السهر
13/09/2011, 05:25 PM
(وصف السبالة ) طريق الملك فهد مخرج المدينة المنورة عند الإشارة ادخل يمين تمشي لين يجيك
شارع عسير ادخل مع شارع عسير يمين تمشي على طول قدام لين يجيك شارع السبالة ادخل معه
يمين طبعا الشارع ضيق مرة ،وكذا وصلت بالسلامة
abubadr98
13/09/2011, 11:08 PM
اهلا بك اخي الكريم في بلدك وهذه احداثيات مدخل سوق السبالة بالرياض :


N 24.37.407
E 46.41.751


اتمنى لك زيارة ممتعة
ابوظبي 987
13/09/2011, 11:33 PM
مشكورين وبيض الله وجهيكم جمعياً

تمنياتي لكم بالتوفيق